Tanong
Pagsusuri sa Bagong Tipan
Sagot
Ang Bagong Tipan ay nahahati sa 5 bahagi. Ang mga Ebanghelyo (Mateo hanggang Juan), Kasaysayan (Aklat ng mga Gawa), Mga Sulat ni Pablo (Roma hanggang Felimon), mga pangkalahatang sulat ng mga apostol (Hebreo hanggang Judas), at hula (Aklat ng Pahayag). Isinulat ang Bagong Tipan noong humigit kumulang A.D. 45 hanngang sa humigit kumulang A.D. 95. Ang Bagong Tipan ay isinulat sa wikang Griyego na tinatawag na Koine, ang salitang Griyego na ginagamit sa pang araw-araw na pakikipag usap noong Unang Siglo A.D.
Ibinigay sa atin ng mga Ebanghelyo ang apat na magkakaiba ngunit hindi nagsasalungatang tala ng kapanganakan, buhay, ministeryo, kamatayan at muling pagkabuhay ni Hesu Kristo. Pinatunayan ng mga Ebanghelyo kung bakit si Hesus ang ipinangakong Mesiyas sa Lumang Tipan na siya ring nagtatag ng katuruan ng Bagong Tipan. Ang aklat ng mga Gawa naman ang nagtala ng mga gawain ng mga apostol, ng mga lalaking isinugo ni Hesus sa mundo upang ipahayag ang Ebanghelyo ng Kaligtasan. Isinalaysay sa aklat ng mga Gawa ang pasimula ng iglesya at ang mabilis nitong paglago noong unang siglo A.D. Ang mga sulat naman ni Apostol Pablo ay mga sulat para sa mga iglesya na naglalaman ng mga opisyal na katuruan ng Kristiyanismo at ng mga gawain na bunga ng pananampalataya. Ang pangkalahatang sulat ng mga apostol ay nagbigay ng karagdagang katuruan at aplikasyon sa mga itinuro ni Pablo. Naglalaman naman ang Aklat ng Pahayag ng mga hula tungkol sa mga magaganap sa katapusan ng mga panahon.
Isang makabuluhan at kasiya-siyang pagaaral ang pagsusuri sa Bagong Tipan. Isinalaysay dito ang kamatayan ni Kristo para sa atin at kung paano tayo tutugon sa Kanyang walang hanggang kaloob na buhay na walang hanggan. Nakatuon ang bagong Tipan sa pagbibigay ng solidong katuruan gayundin ng praktikal na resulta nito sa buhay ng mga mananampalataya. Nasa ibaba ang mga links sa mga buod ng iba't ibang aklat ng Bagong Tipan. Umaasa kami ng buong katapatan na makatutulong ang mga pagsusuring ito sa Bagong Tipan sa inyong paglakad at patuloy na paglago sa inyong pananampalataya kay Kristo.
Ebanghelyo ni Markos
Ebanghelyo ni Lukas
Ebanghelyo ni Juan
Aklat ng mga Gawa
Aklat ng Roma
Aklat ng 1 Corinto
Aklat ng 2 Corinto
Aklat ng Galacia
Aklat ng Efeso
Aklat ng Filipos
Aklat ng Colosas
Aklat ng 1 Tesalonica
Aklat ng 2 Tesalonica
Aklat ng 1 Timoteo
Aklat ng 2 Timoteo
Aklat ni Tito
Aklat ni Filemon
Aklat ng Hebreo
Aklat ni Santiago
Aklat ng 1 Pedro
Aklat ng 2 Pedro
Aklat ng 1 Juan
Aklat ng 2 Juan
Aklat ng 3 Juan
Aklat ni Judas
Aklat ng Pahayag
English
Bumalik sa Pagsusuri sa Bibliya
Pagsusuri sa Bagong Tipan
