Dagiti taraken nga animal kadi ket makapan idiay Langit? Addaan kadi ti kararua dagiti taraken nga animal?



Saludsod: Dagiti taraken nga animal kadi ket makapan idiay Langit? Addaan kadi ti kararua dagiti taraken nga animal?

Sungbat:
Awan ti nalawag a panursuro ti Biblia maipapan iti kaadaan ti kararua dagiti taraken nga animal wenno no makapanda idiay langit. Nupay kasta, adda para iti kaaduan a pagbatayan a wayat ti Biblia nga mabalintayo a pagbasehan ti sungbat iti daytoy a saludsod. Kinuna ti Biblia nga ti tao (Genesis 2:7) ken animal (Genesis 1:30; 6:17; 7:15, 22) ket addaan ti anges ti biag. Ti kangrunaan a nakaidumaan ti tao iti animal ket, pinarsua ti tao babaen iti ladawan ti Dios. Gapu ta ti tao ket pinarsua ti Dios babaen iti ladawanna, kaipapananna nga ti tao ket kapada ti Dios nga adda kabaelanna nga makipagrelasyon iti Dios, adda kabaelanna nga agpanunot, adda reknana ken pagayatan ken addaan ti paset nga agtultuloy kalapasan ti ipapatay. No dagiti animal ket addaan ti “kararua,” Daytoy ket naidumduma ken nababbaba ti kababalinna maiparis iti tao. Gapu kadagiti nagdumaan daytoy, ti “kararua” ti animal ket saan nga agtultuloy kalpasan ti ipapatay. Ni Jesus ket natay para kadagiti tao saan a para kadagiti animal.

Ti maysapay nga aspeto a rumbeng nga kitaen tapno sungbatan daytoy a saludsod ket ti panamarsua ti Dios kadagiti animal kas paset ti nainsiriban a panamarsua idiay libro ti Genesis. Pinarsua ti Dios dagiti animal ket daytoy ket inawaganna a nasayaat (Genesis 1:25). No kasta ngarud, mabalin nga addamet dagiti animal iti baro a daga (Paltiing 21:1). Dakkel ti posibilidad nga adda met dagiti animal iti panawen ti melinial a pagarian (Isaias 11:6; 65:25). Saan met a nakapapati nga ibaga nga dagiti dadduma nga animal ket tarakentayo bayat ti kaaddatayo ditoy lubong agsipud ta saan a pudno ti reinkarnasyon. Ammotayo nga ti Dios ket natalek ken no makadanuntayo idiay langit, maamoantayo ti sungbat kadagiti amin a saludsodtayo.



Agsubli iti kasangoan a panid ti Ilocano



Dagiti taraken nga animal kadi ket makapan idiay Langit? Addaan kadi ti kararua dagiti taraken nga animal?