Igwang kapatawadan? Pano ako makakaako nin kapatawadan hale sa Dios?



Saludsod: Igwang kapatawadan? Pano ako makakaako nin kapatawadan hale sa Dios?

Sungbat:
Kunkunaen iti libro ti Aramid 13:38, “Rebbengyo ngarud nga ammoen, kakabsat, a babaen ken ni Jesus, maipakaammo kadakayo ti pannakapakawan dagiti basbasol.”

Anya aya iti pannakapakawan ken apay nga kasapulan tayo?

Ti sarita a “pammakawan” ket maidasig iti pananglinis kadagiti napalabas tayo. No nakaaramid tayo ti basol iti pada tayo a tao, dumawdawat tayo ti pammakawan tapno maisubli ti dati nga nasayaat nga relasyon tayo. Ti pammakawan ket ipapaay tayo iti maysa nga tao saan nga gapu ta rumbeng nga pakawanen ngem tapno maipakita tayo ti panagayat, asi ken parabur kenkuana. Daytoy ket maysa nga desisyon tapno maawan ti sakit ti nakem tayo iti pada a tao agsipud kadagiti saan nga nasaayaat nga inaramid na.

Kunkunaen ti Biblia nga amin tayo ket agkasapulan iti pammakawan ti Dios. Datayo amin ket nagbasol. Kuna ti Eclesiastes 7:20, “Awan nalinteg a tao ditoy daga a di agbiddut ken kanayon a naimbag ti aramidna.” Kinuna pay idiay 1 Juan 1:8, “No kunatayo nga awan basoltayo iti Dios, allilawentayo ti bagitayo ket saan nga agtaeng ti kinapudno kadatayo.” Ti basol ket panagrebelde iti Dios, (Dagiti Salmo 51:4). Gapu iti daytoy, Napateg nga magun-od tayo ti pammakawan ti Dios. No saan tayo nga magun-od ti pammakawan kadagiti basoltayo, awan patinggana nga aglak-am tayo ti pannusa ti Dios idiay danaw nga apoy ti impiyerno gapu kadagiti basoltayo (Mateo 25:45; Juan 3:36).

Kasano nga magun-od ko ti pammakawan?

Ti Dios tayo ket mannagayat ken manangngaasi. Isu ket nakasagana nga pakawanenna tayo kadagiti basol tayo. Kunkunaen idiay 2 Pedro 3:9, “Saan nga itantan ti Apo a tungpalen ti inkarina, kas ipagarup ti dadduma. Ngem an-anusannakayo ti Apo gapu ta dina kayat a madadael ti siasinoman, no di ket kayatna nga agbabawi ti amin a tattao kadagiti basolda.” Kayat ti Dios nga pakawanenna tayo isut gapuna nga nangaramid ti dalan tapno malak-am tayo.

Ti rumbeng nga supapak kadagiti basoltayo ket ipapatay. Kunkunaen iti umuna nga paset ti Roma 6:23, “Ta patay ti supapak ti basol.” Agnanayon nga ipapatay ti nagbalin nga bunga dagiti basoltayo. Gapu iti plano ti Dios, Ti Dios ket nagbalin nga tao-Jesu-Cristo (Juan 1:1, 14). Idiay krus ket natay Ni Jesus tapno bayadan na ti pannusa nga datayo ti rebbeng na nga aglak-am gapu kadagiti basol ken panagsukirtayo iti Dios. Kunkuna idiay 2 Corinto 5:21, “Awan basol ni Cristo. Ngem gapu kadatayo, imbaklayna dagiti basoltayo tapno iti pannakikaysatayo kenkuana, mairanudtayo iti kinalinteg ti Dios.” Ti ipapatay ni Jesus ti gapuna tapno mapakawan ti basol dagiti tao ditoy lubong. Kunkuna idiay 1 Juan 2:2, “Ni Cristo met laeng ti pakapakawanan dagiti basoltayo, ket saan laeng a dagiti basoltayo, no di pay ket dagiti basol ti amin a tao.” Nagungar ni Jesus manipud iti patay ket daytoy ti pammaneknek nga inabak Na ti basol ken ti ipapatay (1 Corinto 15:1-28). Madaydayaw ti Dios gapu iti ipapatay na ken panagungar, gapu iti daytoy, ti maikadua a paset ti Roma 6:23 ket pudno, “Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.”

Kayat mo kadi nga mapakawan ti Dios dagiti amin nga basolmo? Ususigennaka iti konsensiyam gapu kadagiti naaramid mo nga basol? Ti pammakawan ket magun-od mo no mamati ka kenni Jesu-Cristo nga isu’t mannubot ken mangisalakan mo. Kunkuna idiay Efeso 1:7, “Babaen iti ipapatay ni Cristo, nagun-od ti wayawaya ket napakawan dagiti basbasoltayo. Anian a nagdakkel ti parabur ti Dios.” Binayadan ni Jesus dagiti basoltayo datayo ket mapakawan ti Dios. Ti masapul nga aramidem ket dawatem iti Dios nga pakawanennaka agsipud ta mamatika nga natay ni Jesus idiay krus tapno mapakawannaka ti Dios. Nakaskasdaaw ti mensahe ti Juan 3:16,17 nga kastoy ti ibagbagana, “Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon. Ta saan nga imbaon ti Dios ti Anakna ditoy lubong tapno ukomenna ti lubong, no di ket tapno isalakanna.”

Kastoy aya kalaka iti pannakapakawan?

Wen, nalaka para kadatayo gapu ta narigat para kenni Jesu-Cristo. Iananusanna ti rigat ken sakit tapno saantayon nga ukomen ti Dios no laeng itaklintayo amin a panagtalek Kenkuana. Saan mo nga mabalin nga gatangen ti pammakawan ti Dios. Mamati ken agtalekka ket magun-od mo daytoy gapu iti asi ken parabur ti Dios. Gapuna nga no kayat mo nga itaklin Kenni Jesus-Cristo iti panagtalekmo nga Isu laeng ti mangisalakanmo tapno magun-od mot i pammakawan ti Dios, daytoy ti pagulidanan nga kararag nga mabalin mo nga ibaga nga agtaud dita pusom. Saan mo nga lipatan nga awan ti kararag nga makaisalakan kenka, ti Dios laeng ken babaen ti Espritu-Santo. “O Dios aminek nga nagbasolak nga maisupiat kenka ket rebbeng na nga siak ket parusaam. Agyamanak ta innala ni Jesus dagiti basolko ken inanusanna ti pannusa nga siak ti rumbeng nga aglak-am tapno mapakawannak. Tallikudakon amin nga basol ko ken agtalekak ken Jesus tapno maisalakanak. Agyamanak iti nakaskasdaaw nga paraburmo ken pammakawan. Agyamanak iti biag nga agnanayon. Amen.”

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".



Agsubli iti kasangoan a panid ti Ilocano



Igwang kapatawadan? Pano ako makakaako nin kapatawadan hale sa Dios?