Sika aya ket Addaanen ti Biag nga Agnanayon?



Saludsod: Sika aya ket Addaanen ti Biag nga Agnanayon?

Sungbat:
Adda ti naglawag a sungbat ti Biblia maipapan iti pannakaadda ti biag nga agnanayoan. Umuna, masapul nga bigbigen ken aminen tayo nga nagbasoltayo iti Dios” (Roma 3:23). Datayo amin ket nakaaramid ti banag a saan nga nasayaat iti imatang ti Dios, isut gapuna a rumbeng laeng nga dusaennatayo. Agsipud ta amin a basoltayo ket maibusor iti agnanayon a Dios, ti dusa na kadgiti nagbasol ket agnanayon met. “Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo” (Taga-Roma 6:23).

Ni Jesu-Cristo nga awan aniaman a naaramid nga basol (Pedro 2:2), ken agnanayon nga Anak ti Dios ket nagbalin a tao (Juan 1:1, 14) ket natay tapno bayadanna ti dusa a rebbeng kadagiti managbasol. Kuna iti Taga-Roma 5:8, “Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo.” Natay ni Jesu-Cristo idiay crus (Juan 19:31-42) tapno alaenna ti dusa nga rumbeng kadatayo (2 Taga-Corinto 5:21). Kalpasan iti tallo nga aldaw, Isu ket nagungar (1 Taga-Corinto 15:1-4) tapno pammaneknek nga inabakna ti basol ken ipapatay. “Madaydayaw ti Dios ken Ama ni Apotayo a Jesu-Cristo! Gapu iti dakkel a kaasina, naipasngaytayo iti baro a biag babaen iti panagungar ni Jesu-Cristo. Sibibiag a namnama ti impaay kadatayo daytoy baro a biag” (1 Pedro 1:3).

Kasapulan a mamatitayo kenni Jesu-Cristo ken paglikudan dagiti basbasoltayo (Dagiti-Aramid 3:19). Agsipud ta no mamati tayo kenkuana ken agtalek iti pannakatayna idiay crus tapno bayadanna dagiti basbasoltayo, pakawanenna dagiti basbasoltayo ken ikkanatayo ti biag nga agnanayon iti dinna ti Dios idiay langit. “Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon” (Juan 3:16). “Ta no babaen iti panagsao, ipaduyakyakmo ni Jesus nga isu ti Apo, ket patiem iti pusom a pinagungar ti Dios, maisalakankanto” (Taga-Roma 10:9). “Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy” (Taga-Efeso 2:8, 9).

No kayatmo nga awaten ni Jesu-Cristo a kas Apo ken mangisalakanmo, adtoy ti maysa a kararag. Saan mo a lipatan nga daytoy a kararag ket saan nga isu ti mangisalakan kenka no di ket iti Dios babaen ti panangpagungar iti Nasantoan nga Espiritu iti espiritum. Ibagam kenkuana nga agtaud dita pusom, “O Dios, aminek nga nagbasolak a maibusor kenka ket rebbeng laeng nga dusaennak. Ngem innala ni Jesus dagiti basolko ket inanusana ti dusa nga siak ti rebbeng nga agsagaba. Atalekak nga babaen iti panamatik kenkuana ket mapakawannak. Agbabbabawiakon ken paglikudakon dagiti basbasolko ken agtalekak kenni Jesus para iti pannakaisalakanko. Agyamanak iti nakaskasdaaw nga paraburrmo ken pammakawan. Agyamanak met iti biag nga agnanayon. Amen!”

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".



Agsubli iti kasangoan a panid ti Ilocano



Sika aya ket Addaanen ti Biag nga Agnanayon?