Anya kadi ti panagsao iti nadumaduma a pagsasao?



Saludsod: Anya kadi ti panagsao iti nadumaduma a pagsasao?

Sungbat:
Napasamak ti immuna a panagsao ti nadumaduma a sao idi aldaw ti pentecostes iti libro ti Dagiti-Aramid 2:1-4. Rimuar dagiti adalan ket imbingayda ti Naimbag a Damag iti bunggoy dagiti tao ket nakisaritada kadagitoy iti bukodda a pagsasao, “mangngegtayo amin ida nga agsasao iti pagsasaotayo maipapan kadagiti naindaklan nga aramid ti Dios” (Aramid 2:11). Inyakar iti pagsasao a Griego ti sao a “dagiti dila” a kas “dagiti sao.” No kasta ngarud, ti sagut ti dila ket ti panagsao ti maysa a pagsasao nga saan nga ammo ti maysa a tao tapno makapagserbi iti sabali nga makaammo ti nakuna a pagsasao. Iti libro ti 1 Corinto capitulo 12-14, inlawlawag ni Pablo ti maipapan iti sagut a napnuan ti milagro, kinunana a “Kas pangarigan no umayak kadakayo, kakabsatko, ania ti pagimbagan a maitedko kadakayo no agsaoak iti sabali a pagsasao? Awan! Wen, awan, malaksid no ipakaammok kadakayo ti maysa a mensahe nga impaltiing ti Dios wenno adda ibagak a sirmata wenno naipaltiing a kaskasaba wenno pannursuro” (1 Corinto 14:6).

Kinuna ni Pablo nga adalan, ken iti pasamak nga inladawan iti libro ti Aramid, ti panagsao ti nadumaduma a pagsasao ket napateg iti tao a makangeg ken makaawat ti mensahe ti Dios iti bukodna a pagsasao, ngem daytoy ket awan ti pategna- no saan daytoy nga iyakar iti bukodna a pagsasao. Ti tao nga adda ti sagutna ken kabaelan nga makaiyakar wenno makaipatarus ti kunkunaen ti dila (1Corinto 12:30) ket makaawat iti kunkunaen ti tao nga agsasao ti nadumaduma a pagsasao uray no dina ammo no anya a klase ti pagsasao ti ususaren ti agsasao. Kalpasan, ilawlawag ti tao a makaawat ti kunkunaen ti tao nga agsasao ti nadumduma a pagsasao ti kaipapanan ti mensahe tapno maawatan iti amin, “Ngarud, ti tao nga agsao iti karkarna a pagsasao, nasken nga agdawat iti pannakabalin a mangilawlawag iti kayatna a sawen” (1 Corinto 14:13). Daytoy ti keddeng ni Pablo maipapan ti sabali a pagsasao nga saan a naiyakar iti pagsasao nga maawatan ti amin, “ Ngem iti iglesia, kaykayatko ti agsao iti lima a balikas a maawatan tapno masursuroan dagiti karkarna, ngem iti agsao iti rinibribu a balikas iti sabali a pagsasao” (1 Corinto 14:19).

Ti sagut wenno kabaelan nga agsao ti nadumaduma a pagsasao ket para kadi iti agdama a panawen? Kinuna ti 1 Corinto 13:8 nga ti panagsao iti nadumaduma a pagsasao ket awanen, isilsilpo pay ti in-inut nga panagpukaw ti nakuna a sagut iti isasangbay ti “kinaananay” iti 1 Corinto 13:10. Kabayatan daytoy a panangipatarus, saan met nalawag daytoy iti teksto. Ususaren met ti sabali dagiti versiculo kapada ti Isaias 28:11 ken Joel 2:28-29 a kas pammaneknek nga ti panagsao ti nadumaduma a pagsasao ket maysa a pagilasinan ti umasideg a panangukum ti Dios. Iladladawan met ti 1 Corinto 14:22 nga ti panagsao ti nadumaduma a pagsasao ket pagilasinan para kadagiti saan a namati. Gapu iti daytoy a panangikalintegan, ti sagut ken kabaelan nga agsao ti nadumaduma a pagsasao ket maysa a pakdaar kadagiti Judio nga ukumen ti Dios ti Israel (babaen ti panangdadael iti Jerusalem dagiti Romano idi A.D. 70), ti sagut wenno kabaelan nga agsao ti nadumaduma a pagsasao ket saanen nga agtungtungpal ita iti naituding a panggep. Kabayatan ti daytoy a panagkita ket possible, ti kangrunaan nga panggep no apay nga ti panagsao ti nadumaduma a pagsasao ket natungpalen ket saanen a kasapulan nga dawaten daytoy. Nupay kasta, saan a nalawag nga kunkunaen iti Biblia nga awanen ti sagut wenno kabaelan nga agsao ti nadumaduma a pagsasao. No ti sagut wenno kabaelan nga agsao ti nadumaduma a pagsasao ket aktibo pay kadagiti Iglesia iti madama, daytoy ket rumbeng nga aramiden a maiyannatup iti kunkunaen ti Kasuratan. Rumbeng nga daytoy ket kinapudno ken maawatan dagiti makangeg (1 Corinto 14:10). Ti panggep daytoy ket iwaragawag ti Sao ti Dios iti maysa a tao nga sabali ti nadakkelanna a pagsasao ngem iti mangaskasaba (Aramid 2:6-12). Ngem daytoy ket rumbeng nga maiyannatup iti bilin nga inted ti Dios kenni Pablo nga adalan, “No adda agsao iti sabali a pagsasao, saan koma a nasursurok ngem dua wenno tallo ti agsisinnublat, ket adda sabali a mangipatarus. No awan ti makaipatarus, ti agsao iti sabali a pagsasao, agulimek laengen. Ti la koma bagina ken ti Dios ti kasaona” (1 Corinto 14:27-28). Daytoy ket kas paiturayan met 1 Corinto 14:33, “Agsipud ta ti Dios saan a Dios ti riribuk no di ket panagtutunos. Kas maar-aramid kadagiti amin nga iglesia dagiti tattao ti Dios.” Kabaelan nga ited ti Dios iti maysa a tao ti sagut wenno kabaelan nga agsao ti nadumaduma a pagsasao tapno mabaelanna ti makisarita iti tao nga adaan ti sabali a pagsasao.

Ti Espiritu Santo ket mannakabalin ken Isu ti makaammo iti panangted kadagiti sagut nga naispirituan (1 Corinto 12:11). Panunutentayo no mano pay ti misionero nga rumuar no saandan a kasapulan ti agadal ti panagsao ti nadumaduma a pagsasao, saan ketdi dagus a makapagsaritada nga usaren ti pagsaso ti sabali nga tao. Nupay kasta, kasla saan nga araramiden ti Dios iti madama. Ti kabaelan nga agsao ti nadumaduma a pagsasao ket kasla saanen nga mapaspasmak ita maiparis ti panawen ti Baro a Tulag iti likod ti kinapudno nga dakkel koma ti maitulongna iti panagmision. Ti kaadduan kadagiti namati nga agtagikua nga agsasaoda ti nadumaduma a pagsasao ket araramiden daytoy nga saan nga annamungan ti Kasuratan. Ti daytoy a kinapudno ket mangipan iti maysa a konklusion nga ti kabaelan nga agsao ti nadumaduma a pagsasao ket awanen. Dagiti mamati iti sagut wenno kabaelan nga agsao ti nadumaduma a pagsasao a kas “pagsasao nga kararag” para iti irarangay ti bukodna ket innalada ti panagkitada manipud iti 1 Corinto 14:4 wenno 14:28, “Ti tao nga agsao iti sabali a pagsasao, ti la bagina ti tulonganna. Ngem ti agsao iti mensahe ti Dios, tulonganna ti entero nga iglesia.”

Iti sibubukel a capitulo 14 ti libro ti 1 Corinto, inyunay-unay ni Pablo ti kinapateg ti panangiyakar ti sabali a pagsasao iti pagsasao nga matarusan dagiti dumngeg (kitaen ti 14:15-12). Ti kunkunaen ni Pablo iti versiculo 4 ket kastoy, “Ti tao nga agsao iti sabali a pagsasao, ti la bagina ti tulonganna. Ngem ti agsao iti mensahe ti Dios, tulonganna ti entero nga iglesia.” Ti Baro a Tulag ket saan a nangted ti bilin iti “kararag nga usaren ti nadumaduma a pagsasao” wenno naisalumina nga mangiladawan iti maysa a tao nga “agkarkararag nga usarenna ti nadumaduma a pagsasao.” No ti “kararag nga mangusar ti nadumduma a pagsasao” ket para laeng iti panang-parangay iti bukodna, saan kadi nga saan a nainkalintegan daytoy para kadagiti tao nga awan ti kabaelanna nga wenno sagut nga agsao ti nadumaduma a pagsasao? No kasta ngarud, dagiti namati nga awan ti kastoy a kabaelanna ket saan a rumangay ti bukodda. Nalawag nga nakasurat iti 1 Corinto 12:29-30 nga saan amin ket adda kabaelanna wenno addaan ti sagut nga makasao ti nadumaduma a pagsasao.



Agsubli iti kasangoan a panid ti Ilocano



Anya kadi ti panagsao iti nadumaduma a pagsasao?