Masturbation – daytoy kadi ket basol kuna iti Biblia?



Saludsod: Masturbation – daytoy kadi ket basol kuna iti Biblia?

Sungbat:
Saan a direkta nga kinuna ti Biblia nga ti masturbation ket maysa a basol. Nupay kasta, saanen a rumbeng a damagen no ti rikna ken panagpanunot nga mangiduron iti tao iti masturbation ket basol. Ti masturbation ket pagbanagan ti seksual ken naalas a panagpanunot maigapu iti panagbuya ken panagbasbasa kadagiti banag nga makariing iti seksual a panagrayo. Dagitoy a parikut ti rumbeng a malawlawagan. No ti panagrayo a seksual ket mapaglikudan ken mapagballigian – saanen nga agbalin a saritaan ti parikut maipapan iti masturbation. Kunkunaen kadatayo ti Biblia nga rumbeng nga liklikan uray ania a langa ti seksual nga maisupiat iti nasayaat a kababalin (Taga-Efeso 5:3). Saan a makalasat ti nakuna a pannakasuot ti panagaramid ti masturbation. No dadduma ti napintas a pannakasuot tapno maamoan no ti maysa a banag ket basol wenno saan ket no saanka a mabain nga ibaga iti sabali ti ar-aramidem. No mabain ka nga maamoan ti sabali ti ar-aramidem, mabalin a daydiay nga ar-aramidem ket basol. Ti maysapay a napintas nga pannakasuot ket no natalek ken adda nalinis nga konsensia nga dawaten iti Dios nga bendisionannatayo ken aramatenna ti maysa a naisalumina nga aramid para iti napintas a kalikagumna. Saanak a mamati nga ti masturbation ket maipagpannakkel ken maipagyamantayo iti Dios. Sursuruannatayo ti Biblia, “No adda aniaman nga aramidenyo, mangan man wenno uminumkayo, aramidenyo a pakaidayawan iti Dios” (1 Taga-Corinto 10:31).

No adda panagduadua no ti maysa a banag ket makaay-ayo iti Dios wenno saan, nasaysayaat no saanen nga aramiden daytoy a banag. Sigurado nga adda panagduadua no ti pagsasaritaan ket masturbation. “Ta basol ti uray ania a saan a maibatay iti pammati” (Taga-Roma 14:23). Saanko a nakita uray kaano nga kinuna ti Biblia nga ti masturbation ket maysa nga aramid nga makaited iti kadayawan iti Dios. Masapul met a mammoantayo nga dagiti bagitayo, uraypay dagiti kararua ken espiritutayo ket sinnubbot ken kukuan ti Dios. “Diyo kadi ammo a ti bagiyo ket templo ti Espiritu Santo? Diyo kadi ammo nga agtataeng kadakayo daytoy nga Espiritu nga inted ti Dios? Saanyo a kukua ti bagiyo no di ket kukua ti Dios. Nangina ti inggatangna kadakayo. Ngarud, aramatenyo ti bagiyo a pakaidayawan ti Dios” (1 Taga-Corinto 6:19-20).

Gapu kadagiti nakuna a pamunganayan, sigurado a makunak nga ti masturbation ket maysa a basol kinuna ti Biblia. Saanak a mamati a ti masturbation ket makaay-ayo iti Dios ken makalasat iti pannakasuot ti pangtagikua ti Dios kadagiti bagitayo.



Agsubli iti kasangoan a panid ti Ilocano



Masturbation – daytoy kadi ket basol kuna iti Biblia?