settings icon
share icon
Saludsod

Kasanoak a makiurnos iti Dios?

Sungbat


Tapno makaurnostayo ti Dios, nasken nga umun-una a maawatantayo no ania ti "kamali." Ti sungbat ket basol. "Awan naimbag nga aramidda, wen, awan uray maysa" (Salmo 14:3). Linabsingtayo dagiti bilin ti Dios; "Mayarigtay amin iti karnero a napukaw" (Isaias 53:6).

Ti dakes a damag ket pannakatay ti dusa ti basol. "Ti tao nga agbasol isu ti matay" (Ezekiel 18:4). Ti naimbag a damag ket sinurotnatayo ti Dios tapno mayegna ti pannakaisalakan kadatayo. Imbaga ni Jesus a ti panggepna ket "mangbirok ken mangisalakan iti napukaw" (Lucas 19:10), ken imbagana a natungpalen ti panggepna idi natay Isuna idiay krus babaen iti sao a, "Natungpalen!" (Juan 19:30).

Mangrugi ti pannakaadda ti umno a relasion iti Dios babaen iti panangbigbigmo iti basolmo. Sumaruno ti napakumbaba a panangipaduyakyak iti basolmo iti Dios (Isaias 57:15) ken ti napasnek a panangtallikod iti basol. "Ta babaen iti puso, mamatitayo, ket mapalintegtayo iti Dios. Babaen iti bibig, agipaduyakyaktayo, ket maisalakantayo" (Roma 10:10)

Nasken a mapakuyogan daytoy a panagbabawi iti pammati – kangrunaanna, pammati a ti sakrifisio nga ipapatay ken ti namilagroan a panagungar ni Jesus ti namagbalin Kenkuana a maikari kas Mangisalakanmo. "Ta no babaen iti panagsao, ipaduyakyakmo ni Jesus nga isu ti Apo, ket patiem iti pusom a pinagungar ti Dios, maisalakankanto" (Roma 10:9).Adu pay a dadduma a bersikulo ti nagsarita maipapan iti kinapateg ti pammati, kas iti Juan 20:27; Aramid 16:31; Galacia 2:16; 3:11, 26; ken Efeso 2:8.

Ti pannakiurnos iti Dios ket mainaig iti panagtignaymo iti inaramid ti Dios para iti lugarmo. Imbaonna ti Mangisalakan, impaayna ti daton a mangikkat iti basolmo (Juan 1:29), ken indiayana kenka ti kari: "Ket maisalakanto ti amin nga agpatulong iti Apo." (Aramid 2:21).

Maysa a nasayaat a pangngarig para iti panagbabawi ken pammakawan ti parabola maipapan iti napukaw nga anak (Lucas 15:11-32). Binusbos ti ub-ubing nga anak iti nakababain a basol ti sagut ti amana (bersikulo 13). Idi binigbigna dagiti kamali nga aramidna, nagkeddeng nga agsubli iti pagtaenganda (bersikulo 18). Impagarupna a saanen a maibilang isuna kas maysa nga anak (bersikulo 19), ngem nagkamali isuna. Inayat ti ama ti nagsubli a rebelde a kas met laeng idi damu (bersikulo 20). Napakawan am-amin, ken naisaruno ti panagrambak (bersikulo 24). Naimbag ti Dios iti panangsalimetmetna kadagiti karina, karamanen ti kari a pammakawan. "Umasideg ti APO kadagiti maupay; isalakanna dagiti awanen a pulos ti namnamana" (Salmo 34:18).

No kayatmo ti makiurnos iti Dios, adtoy ti pagwadan a kararag. Laglagipem, saannaka a maisalakan ti panangibagam iti daytoy a kararag wenno iti aniaman pay a kararag. Ti laeng panagtalekmo ken ni Cristo ti makaisalakan kenka manipud iti basol. Daytoy a kararag ket maysa laeng a wagas tapno mayebkasmo ti pammatim Kenkuana ken makapagyamanka iti panangipaayna iti pannakaisalakanmo. "Apo Dios, ammok a nagbasolak Kenka ket maikariak a madusa. Ngem inala ni Cristo ti dusa a pakaikariak tapno babaen iti pammati Kenkuana mabalinko ti mapakawan. Agtalekak Kenka para iti pannakaisalakanko. Agyamanak iti nakaskasdaaw a parabur ken pammakawanmo—ti sagut a biag nga agnanayon! Amen!"

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".

English



Agsubli iti kasangoan a panid ti Ilocano

Kasanoak a makiurnos iti Dios?
Facebook icon Twitter icon Pinterest icon Email icon
© Copyright Got Questions Ministries