Siak ket namatin kenni Jesus…anya tatta?



Siak ket namatin kenni Jesus…anya tatta?

Kablaawan ka! Inaramid mo ti maysa a keddeng a mangbalbaliw iti biag mo. Mabalin nga adda saludsod mo no kasano ka a mangrugi iti panagbiag mo a kas maysa a Cristiano. Adtoy dagiti lima nga annuruten a naggapu iti Sao iti Dios tapno agserbi nga bayabay mo. No adda pay sabali a saludsod mo maipapan iti panagbiag mo kas maysa a Cristiano, agsaludsod ka ditoy www.GotQuestions.org/Ilocano.

1. Ipatalged mo no maawatamon ti maipanggep iti pannakaisalakan.

Kunkuna kadatayo iti 1 Juan 5:13, “Insuratko dagitoy kadakayo a mamati iti nagan iti Anak iti Dios, tapno maammoanyo nga addaankayo iti biag nga agnanayon.” Kayat iti Dios a maawatan tayo ti pannakaisalakan tayo. Kayat na a naan-anay ti panamatitayo nga datayo ket naisalakanen. Sublian tayo dagiti napateg a banbanag maipanggep iti pannakaisalakan:

a. Datayo amin ket nagbasol. Amin ket nakaaramid iti banbanag nga saan nga makaayayo iti Dios (Roma 3:23).

b. Gapu kadagiti basoltayo, rumbeng laeng ti dusa kadatayo a maisina iti Dios nga agnanayon (Roma 6:23).

k. Natay ni Jesus idiay crus para kadatayo tapno bayadan na dagiti basbasoltayo (Roma 5:8; 2 Corinto 5:21). Isuna ti nagsagaba iti dusa a rebbeng a para kadatayo. Ket ti panagungar na iti pammaneknek nga umanay ti bayad na para kadagiti basoltayo.

d. Pinakawan iti Dios ken insalakan amin a namati kenni Jesus ken nagtalek iti ipapatay na tapno masubbot dagit basbasolda (Juan 3:16; Roma 5:1; Roma 8:1).

Dayta ti mensahe iti pannakaisalakan! No pundo nga intaklin mo ti panagtalek ken Jesus a kas mangisalakan ken Dios mo, mangnamnamaka iti pannakaisalakan mo! Amin a basolmo ket napakawanen iti Dios ket inkarina nga dinaka a panawan ken baybay-an (Roma 8:38, 39; Mateo 28:20). Laglagipem ti namnamam iti pannakaisalakan mo kenni Jesu-cristo (Juan 10:28, 29). No mamati ken agtalekka kenni Jesus a kas Apo ken mangisalakan mo, namnamaem nga abiag ka nga agnanayon idiay langit iti dinna ti Dios.

2. Agbirukka ti maysa a Simbaan nga Biblia laeng ti isursuro.

Napateg nga dagiti mamati ken Jesu-Cristo ket agkakadua. Ita a namatikan kenni Jesu-cristo, bagbagaandaka nga agbirukka iti maysa nga Simbaan nga asideg dita lugarmo a mamati kadagiti sursuro nga agtaud iti Biblia ket makisao ka iti Pastor idiay, Ibagam kekuana a maysa ka nga baro a namati kenni Jesu-Cristo.

Ti panggep ti Simbaan ket agisuro iti maipapan iti Sao ti Dios. Ti pannakaawat iti Sao iti Dios ket tulbek tapno makabael nga agbiag a kas maysa a Cristiano. Pagadalam ti panagtulnog mo iti Sao ti Dios. Kunkuna it 2 Timoteo 3:16-17, “Impaltiing ti Dios ti amin a Nasantoan a Surat, ket naserbi a pangisuro iti kinapudno, pangbabalaw, pangatur iti biddut ken pakasursuroan iti nalinteg a panagbiag, tapno awan pagkurangan ti tao nga agserbi iti Dios, ket sisasagana nga agaramid iti amin a kita ti kinaimbag.

Ti maysapay a panggep ti Simbaan ket panagdaydayaw. Ti panagdaydayaw ket panagyaman iti Dios kadagiti amin nga inaramidna para kadatayo! Ti Dios ket insalakannatayo. Inayatnatayo ken intedna amin a kasapulantayo. Inaywanannatayo ken inannadan iti inaldaw. Ti Dios ket nasantoan, nalinteg, managayat, mannakaawat ken napno iti parabur. Kunkuna idiay Paltiing 4:11 “Apo ken Diosmi! Maikarika nga umawat iti dayag, dayaw ken pannakabalin.Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”

3. Mangisipan ka ti tiempo para iti Dios iti inaldaw.

Napateg para kadagiti Cristiano ti panangisipan iti tiempo para iti Dios iti inaldaw. Ti sabali nga awag iti daytoy ket “devocion” agsipud ta daytoy ti tiempo nga insipantayo para iti Dios. Dagiti dadduma ket kayatda nga aramiden daytoy iti agsapa, ti dadduma ket malem, saan nga napateg no anya ti awag mo ken anya nga oras ti kayat mo nga panangaramid iti daytoy. Ti pategna daytoy ket araramidem gapu iti Dios. Anya ti rumbeng nga aramiden tayo iti tiempo nga insipan tayo para iti Dios?

a. Agkararag. Ti kararag ket panggep nga panangibaga iti Dios iti amin nga tarigagaytayo. Ibagam iti Dios amin nga parikut ken pagdanagam. Dawatem iti Dios nga ikkannaka ti kinasirib,panangaywan ken amin nga kasapulam. Ibagammet iti Dios no kasatno iti panagayat mo ken panangipateg kadagiti amin nga inaramidna para kenka. Kasta ti panagkararag.

b. Agabasa iti Biblia. Adda idiay Biblia amin nga kayat mo a maamoan no kasano nga agbiag nga kas maysa a Cristiano. Ti nilaonna daytoy ket sursuro iti Dios tapno maaramidmo ti nasirib nga panggeddeng iti panagbiag, tapno maamoam ti pagayatan iti Dios, no kasano ka nga agserbi iti padam a tao, kenno kasano ka nga agbalin a nataengan iti naespirituan a panagbiag. Ti Biblia ket Sao iti Dios para kadatayo. Ti nilaonna daytoy ket sursuro no kasano ti panagbiag a makaayayo iti Dios.

4. Makikaddua ka kadagiti tao nga makatulong kenka iti naespirituan a panagbiag mo.

Kunkuna kadatayo iti 1 Corinto 15:33, “Dikayo paallilaw: “Madadael ti nasayaat a kababalin gapu iti pannakikadua kadagiti dakes a tattao.” Adu a pakdaar ti makitatayo idiay Biblia nga maisupiat iti panangaw-awis kadatayo dagiti dakes a tao. Ti panangipaay iti tiempo a kadua dagiti tao a dakes iti aramidna ket makasulisug kadatayo tapno makaaramid tayo met iti dakes. Maakarantayo ti ugali dagiti tao nga kanayon tayo nga kaddua. Gapuna nga rebbeng a dagiti kaddua tayo a kanayon ket dagiti tao a pundo nga agay-ayat met iti Apo.

Reggetam a maadaan ti maysa wenno dua a gayyem idiay Simbaan nga mabalin nga makatulong ken makapagpapigsa kenka (Hebreo 3:13; 10:24). Dawatem kadagiti gayyemmo nga palagipandaka iti panagbiag mo a maysa nga Cristiano tapno saanka a makabasol iti Dios. Damagem met ida no kayat da nga aramidem met kadakuada. Saan nga kayat a saw-en nga saan ka nga mabalin nga makigayyem kadagiti saan nga namati kenni Jesu-Cristo. Agtalinaed ka nga gayyem kadakuada ket ipariknam nga ayayatem ida. Ibagam kadakuada nga binalbaliwan ni Jesus ti biag mo gapuna nga adda dagiti banag a dati nga araramidem a saan mo a kaya nga aramiden tattan. Dawtem iti Dios nga ikkannaka ti gundaway nga ibingay ti Evangelio kadagiti gagayyemmo.

5. Agpabuniag ka.

Adu a tattao ti saan nga makataros iti kayatna a saw-en iti buniag. Ti kayat a saw-en sao a “buniag” ket panangiparareb iti danum. Ti panagpabuniag kuna iti Biblia ket pannangipakita iti kaaduan iti baro a panamatim kenni Cristo ken panangitaklin mo iti biag mo kenkuana. Ti araramidenda kenka nga panangiparareb iti danum ket panangimustra iti pannakaipunpunmo a kaddua ni Jesu-Cristo. Ket iti met panangiyaon kenka iti danum ket panangimustra iti panagungar ni Cristo ken pannaka iyaonmo iti baro a biag. Gapuna nga iti buniag ket pannakairamanmo iti pannakatay, pannakaipunpun ken panagungar ni Cristo (Roma 6:3-4). Daytoy ket maysa nga kad-ang iti panagtulnog, iti pannangipakita iti kaaduan iti panamatim kenni Jesu-Cristo ken iti panangitaklin iti biag mo kenkuana. No nakasagana kan nga agpabuniag, ibagam iti Pastor mo.



Agsubli iti kasangoan a panid ti Ilocano



Siak ket namatin kenni Jesus…anya tatta?