Ania iti Kristiano?



Saludsod: Ania iti Kristiano?

Sungbat:
Ti pagkitaan iti cababagas ti sarita nga insurat ni Webster ket kunkunana nga iti Kristiano ket “maysa nga tao nga mangiparparangarang iti panamati na kenni Jesus nga Mangisalakan na wenno panamati iti relihiyon nga dagiti adal ket insuro ni Jesus.” Nasayaat daytoy nga panangipataros iti kayat na nga sawen ti sao nga Kristiano, ngem saan nga umdas daytoy nga panangipataros no anya ti pudpudno nga Kristiano manipud iti isursuro ti Biblia.

Ti sao nga Kristiano ket tallo nga ulit nga inaramat idiay Baro a Tulag (Aramid 11:26; Aramid 26:28; 1 Pedro 4:16). Dagiti Adalan Ni Jesu- Cristo ket immuna nga inawagan nga “ Kristiano“ idiay Antiokia (Aramid 11:26) gapu kadagiti garaw,aramid ken pagsasao da nga kasla kenni Cristo. Daytoy ti kaunaan nga inusar dagiti saan nga namati nga taga Antiokia maysa nga awag nga makadadael tapno katawaan da gatiti Kristiano. Ti literal nga taros na daytoy ket “kukua ni Cristo” wenno “adalan ni Cristo” nga kasla iti panangipataros idiay pagkitaaan ti cababagas ti sarita ni Webster.

Daksan gasat ti panaglabas iti panawen, ti sao nga “Kristiano” ket kasla naawan ti pategna ken gagangay nga ususaren dagiti tattao nga relihiyoso wenno agtaltalek kadagiti naimbag nga aramid da nga saan met nga pudno nga naipasngay manen ti espiritu tapno agbalin nga adalan ni Jesu-Cristo. Adu ti tao nga saan nga namati ken nagtalek kenni Jesu-Cristo nga pagarupen da nga Kristiano da gapo ta agsimsimba da wenno agnanaed iti “Kristiano” nga Ili. Ngem ti papan iti simbaan, ti panagsirbi kadagiti tao nga napangpanglaw kenka, wenno panagbalin nga naimbag nga tao ket saan nga makatulong kenka tapno agbalin ka nga Kristiano. Kuna ti maysa nga “Ebanghelista,” “ti papan iti simbaan ket saan nga makapagpabalin nga Kristiano ti maysa nga tao kasla iti saan mo nga panagbalin nga lugan no mapan ka idiay garahe.” Ti panagbalin nga miyembro ti simbaan, awan langan na nga tumabuno kadagiti aramid nga panagdaydayaw ti simbaan ken panangted ti abuloy, dagitoy nga araramid ti tao ket awan ti kabaelan na nga pagbalinen nga Kristiano ti masya nga tao.

Ti biblia ket isursuro na nga dagiti naimbag nga aramid tayo ket saan nga makatulong tapno datayo ket awaten ti Dios. Kunkunaen ti Tito 3:5, “Saan a gapu iti aniaman a nasayaat nga inaramidtayo no di ket gapu iti asina kadatayo. Wen, naisalakantayo babaen iti panangugasna iti danum, ket gapu iti daytoy,naipasngaytay iti baro a biag babaen iti Espiritu Santo.” Ti Kristiano ket maysa nga tao nga naipasngay manen iti Espiritu Santo (Juan 3:3; Juan 3:7; 1 Pedro 1:23) ken nangitaklin ti pammati ken panagtalek kenni Jesus-Cristo para iti pannakaisalakanna. Ti surat ni Pablo kadagiti taga Efeso 2:8 ket agkunkuna, “Ta gapu iti parabor ti Dios, naisalakantayo babaen iti pammati. Saan nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy.” Ti pundo nga Kristiano ket nagbabawi kadagiti basol na ken nangitaklin iti pammati ken panagtalek na kenni Jesu-Cristo laeng awanen ti sabali pay. Iti panagtalek na ket saan nga nakataklin iti panagtulnog iti relihiyon,ti listaan dagiti naimbag nga aramid wenno listaan ti maiparit ken saan nga maiparit nga aramiden.

Ti pudno nga Kristiano ket maysa nga tao nga nangitaklin iti pammati ken panagtalek iti persona ni Jesu-Kristo ti kinapundo nga Isu ket natay idiay krus tapno mabayadan dagiti basbasol ket nagbiag manen iti maikatlo nga aldaw tapno magunud ti ballaygi maisupiat iti pannakatay ken intedna iti biag nga agnanayon kadagiti amin nga nagtalek Kenkuana. Kunkuna iti Juan 1:12, “Ngem adda met dagiti immawat ken namati kenkuana, isu’t gapuna nga inikkanna ida iti kalintegan nga agbalin nga annak ti Dios.” Ti pudno nga Kristiano ket maysa nga pundo nga anak ti Dios,karaman iti pamilya ti Dios, ken maysa nga tao nga innikkan ti baro a biag ken Cristo. Ti pagilasinan iti maysa nga pudno nga Kristiano ket panagayat iti pada nga tao ken natulnog kadagiti Sasao ti Dios (1 Juan 2:4; 1 Juan 2:10).

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".



Agsubli iti kasangoan a panid ti Ilocano



Ania iti Kristiano?