Saludsod
Nakasurat kadi iti Biblia nga saanen nga mapukaw ti pannakaisalakan iti agnanayon?
Sungbat
Idi inawat ti maysa a tao ni Cristo kas mangisalakanna ken isu ket inawat ti Dios, isu ket inikkan ti baro a relasyon iti Dios kas anakna nga mangted ti kasiguraduan nga isu ket naisalakan ken saanen a mapukaw ti pannakaisalakanna. Kunkunaen iti Judas 1:24. “Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag.” Ti Dios ket mannakabalin ken adda kabaelanna nga annadan dagiti namati tapno saan a mapukaw ti pannakaisalakanda. Daytoy ket adda iti aywan ti Dios, saan a kadatayo, no idatagnatayo iti nadayag a kaaddana. Ti kasiguraduan iti pannakaisalakan ket maigapu iti panangannad kadatayo ti Dios. Saan a datayo ti mangsalsalaknib ken mangan-annad iti bukodtayo a pannakaisalakan.
Impaltiing ni Jesu-Cristo, “Ikkak ida ti biag nga agnanayon, ket pulos a didanto matay. Awan ti makarabsut kadakuada kaniak. Natantan-ok ti inted kaniak ni Amak ngem dagiti isuamin, ket awan ti makarabsut kadakuada iti panangaywan ti Ama” (Juan 10:28-29). Iggemnatayo a nairut ni Jesus ken ti Dios Ama. Siasino ti makabalin nga makapagpasina kadatayo iti nairut nga panangiggem ti Ama ken ti Anak? Kunkunaen kadatayo iti libro iti Taga-Efeso 4:30 nga dagiti namati ket “namarkaanen idi aldaw nga sinnubotnatayo ni Jesus.” No dagiti namati ket awan ti kasiguradduan iti pannakaisalakanda, awan ti kinapudnona ti panangmarka kadatayo idi aldaw nga sinnubbotnatayo kadagiti basbasoltayo, Saan ketdi daytoy pudno laeng idi aldaw nga nagbasoltayo ken saan a panamati. Kunkunaen iti Juan 3:15-16 Ti siasinoman a mamati kenni Jesus ket addaan ti “Biag nga agnanayon.”
No ti maysa a tao ket naikkan ti kari iti biag nga agnanayon, ngem kalpasanna ket imbabawi met laeng kinkuana, saan a makuna daytoy nga “agnanayon.” No ti agnanayon a siguridad iti pannakaisalakan ket saan a pudno, ti kari nga biag nga agnanayon idiay Biblia ket maysa a kina-ulbod ken dakkel a panag-biddut. Ti maysa kadagiti kapigsaan nga pagsusupiatan maipapan iti kasiguraduan ti pannakaisalakan ket masarakan iti Taga-Roma 8:38-39, “Awan duaduak nga awan ti makaisina kadatayo iti ayatna: ti patay man wenno ti biag, dagiti angheles man wenno dagiti sabali a nailangitan nga agturay wenno pannakabalin, ti agdama man wenno ti masakbayan, ti kangatoan a law-ang man wenno ti kaunggan ti daga. Awan a pulos iti sangaparsuaan ti makaisina kadatayo iti ayat ti Dios a kukuatayo gapu ken ni Cristo Jesus nga Apotayo. Ti agnanayon nga pannakaisalakantayo ket inaramid ni Cristo, inkari ti Ama, ken tinimbrean ti Espiritu Santo.
English
Nakasurat kadi iti Biblia nga saanen nga mapukaw ti pannakaisalakan iti agnanayon?
