Anya dagiti versikulo iti Biblia maipapan iti pamuspusan iti pannakaisalakan nga kinuna iti libro iti Taga-Roma?



Saludsod: Anya dagiti versikulo iti Biblia maipapan iti pamuspusan iti pannakaisalakan nga kinuna iti libro iti Taga-Roma?

Sungbat:
Dagiti sumagmamano a versikulo nga naggaapu iti libro iti Taga-Roma ket maysa a pamuspusan iti panangibingay iti Naimbag a Damag maipapan iti pannakaisalakan. Daytoy ket kadawyan ngem nabileg a pamuspusan iti pannangipatarus kadagiti sumaganad nga saludsod: 1. Apay nga agkasapulantayo iti pannakaisalakan? 2. Kasano nga inted ni Apo Jesus kadatayo ti pannakaisalakan? 3. Kasano nga magun-udtayo ti pannakaisalakan? 4. Anya dagiti maited ti pannakaisalakan iti biagtayo?

1. Apay nga agkasapulantayo iti pannakaisalakan? Kuna iti Taga-Roma 3:23, “Nagbasol amin a tattao ket agkurangda iti kinadayag ti Dios.” Datayo amin ket nagbasol. Nakaaramidtayo kadagiti banag nga saan a maka-ayayo iti Dios. Awan ti siasinoman a makaibaga nga saan a nagbasol. Nakasurat iti Taga-Roma 3:10-18 dagiti ladawan dagiti basol nga makita kadagiti biagtayo. Kuna iti Taga-Roma 6:23, “Ta patay ti supapak ti basol.” Ti dusa a bunga wenno naited ti basol ket ipapatay. Saan laeng a daytoy ket ipapatay iti bagi, No diket agnanayon nga ipapatay iti kararua idiay impiyerno!

2. Kasano nga inted ni Apo Jesus kadatayo ti pannakaisalakan? Kuna met iti maikadua a paset iti Taga-Roma 6:23, “Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.” Kinuna iti Taga-Roma 5:8, “Ngem impakita ti Dios ti ayatna kadatayo: Idi managbasoltayo pay laeng, natay ni Cristo gapu kadatayo.” Natay ni Jesu-Cristo para kadatayo! Ti ipapatay ni Jesus ti nagbalin a pangbayad para kadagiti basbasoltayo. Ken ti panagungar ni Jesus ket pammaneknek nga inawat iti Dios ti pannakatay ni Jesus kas bayad kadagiti basoltayo.

3. Kasano a magun-udtayo ti pannakaisalakan? Kuna iti Taga-Roma 10:9, “Ta no babaen iti panagsao, ipaduyakyakmo ni Jesus nga isu ti Apo, ket patiem iti pusom a pinagungar ti Dios, maisalakankanto.” Gapu iti ipapatay ni Jesus para kadatayo, Rumbeng nga Isu ket patien ken bigbigen a kas Apo. Mamatitayo nga ti pannakatayna ket pangbayad kadagiti basbasoltayo. Kunkunaen pay iti Taga-Roma 10:13, “Maisalakan ti siasinoman nga agpatulong iti Apo.” Natay ni Jesus tapno bayadanna ti dusa para kadagiti basoltayo ken isalakannatayo iti agnanayon nga ipapatay idiay impiyerno. Gapuna nga ti pannakaisalakan ken pammakawan kadagiti basbasol ket mabalin a magun-ud ti siasinoman nga agtalek ken ni Jesus a kas Apo ken mangisalakan.

4. Anya dagiti maited ti pannakaisalakan iti biagtayo? Kuna iti Taga-Roma 5:1, “Itan ta napalintegtayo babaen iti pammati, naikappiatayon iti Dios gapu ken ni Apotayo a Jesu-Cristo.” Babaen kenni Jesu-Cristo, mabalin a maisubli ti relasyontayo iti Dios. Kunamet iti Taga-Roma 8:1, “Saan a masentensiaan a madusa dagiti agbibiag ken ni Cristo Jesus.” Gapu iti ipapatay ni Jesus para kadatayo, saan tayon a madusa gapu kadagiti basoltayo. Ken ti maudi, adda kari ti Dios para kadatayo ti Taga-Roma 8:38-39, “Awan duaduak nga awan ti makaisina kadatayo iti ayatna: ti patay man wenno ti biag, dagiti angheles man wenno dagiti sabali a nailangitan nga agturay wenno pannakabalin, ti agdama man wenno ti masakbayan, ti kangatoan a law-ang man wenno ti kaunggan ti daga. Awan a pulos iti sangaparsuaan ti makaisina kadatayo iti ayat ti Dios a kukuatayo gapu ken ni Cristo Jesus nga Apotayo.”

Mamatika kadi ti pamuspusan nga mapan iti pannakaisalakan kuna iti Libro ti Taga-Roma? No wen, , adtoy ti maysa a kadawyan a kararag a mabalinmo nga ibaga iti Dios nga agtaud dita pusom. Lagipem laeng nga daytoy a kararag ket saan a mangisalakan kenka. Daytoy ket maysa laeng a pannangipaduyakyak ti panagtalekmo ken ni Jesu-Cristo para iti pannakaisalakan mo. Ti Dios laeng ti makaisalakan kenka babaen iti Santo nga Espiritu. Ibagam kenkuana nga agtaud dita pusom, “O Dios, aminek a nagbasolak maibusor kenka ket rebbeng laeng a siak ket madusa. Ngem innala ni Jesus ti basol ko ken sinagabana ti dusa nga siak ti rumbeng nga umawat. Agbabbabawi ken paglikudakon dagiti basbasolko ken agtalekak kenni Jesus maipapan iti pannakaisalakanko. Agyamanak iti nakaskasdaaw nga paraburmo ken pammakawan. Agyamanak met iti biag nga agnanayon. Amen!

Gapu kadagiiti nabasam ditoy, Sika kadi ket agbabbabawin kadagiti basolmo ken nangaramidka iti keddeng nga ikabil ti pammati ken panagtalekmo kenni Cristo? No wen, i-klik mo ti "Inawat ko ni Cristo ita" iti kahon iti baba.

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".



Agsubli iti kasangoan a panid ti Ilocano



Anya dagiti versikulo iti Biblia maipapan iti pamuspusan iti pannakaisalakan nga kinuna iti libro iti Taga-Roma?