settings icon
share icon
Saludsod

Anya ti pudno a relihiyon ti para kaniak?

Sungbat


Iti panawen ita, adun ti pagpilyantayo-nadumaduma a klase ti makan, inumen, kawes, balay, kotse ken nadumdumapay. No dadduma, marigatantayo a pilien no anya ti umisu gapu iti adu unay a pagpilian.

Baka kastoy met ti mapadpadasam iti relihiyon. Iti kinaadu dagiti relihiyon iti panawen ita, narigat ti mangikeddeng no anya ti piliem. Adda ngata ti relihiyon nga saanka nga makonsensiya, awan ti nainget a bilin, awan aniaman a maiparit? Mabalin nga adda relihiyon a kapada daytoy. Nawaya ka a pumili ti kayat mo. Ngem ti relihiyon kadi ket maysa a banag nga mabalinmo a pilien kasla ti panangpili ti makan?

Adu a relihiyon ti makaayab iti pansintayo ita, naikaddua kadagitoy dagiti relihiyon da Mohammad, Confucius, Buddha, Joseph Smith, Felix Manalo, kenni Quiboloy. Apay a pilientayo ni Jesus? Saan kadi a kuna dagiti dadduma, amin met a relihiyon ket mapan iti Dios? Saan kadi nga agpapada met laeng amin a relihiyon? Adda pagsasao nga, “Adu a dalan ngem maymaysa ti papananna.” Ngem ti kinapudno. Saan a mapan idiay langit amin a relihiyon, kasla met kadagiti dalan, nga saan amin ket mapan idiay Manila.

Ni Jesus laeng ti nangisuro nga adda pannakabalinna a naggapu iti Dios agsipud ta Isu laeng ti nagungar manipud iti ipapatay. Ti bangkay da Mohammad, Confucius ken daddumapay ket adda pay laeng kadgiti tanemda agingga ita. Ngem ni Jesus, babaen iti pannakabalinna, ket bimmangon manipud iti tanemna tallo nga aldaw kalpasan iti ipapatayna idiay krus. Ad-adda a denggentayo ti siasinoman nga adda pannakabalinna a maibusor iti ipapatay.

Nagadu a paneknek nga pudno a nagungar ni Jesus. Umuna, adda 500 katao ti nakaimatang kenni Cristo kalpasan ti panagungarna. Saan nga mabalin a saan nga ikaskaso ti pammaneknek ti 500 katao a nakaimatang iti nagungar a bagina. Adda met sadiay ti tanemna nga awan nagianna. Nalappedan kuma dagiti kabusor ni Jesus ti pagsasaritaan a nagungar ni Jesus no naipakitada ti nalungsot a bangkayna, ngem awan ti naipakitada agsipud ta awan naggianna ti tanemna. Tinakaw kadi dagiti adalan ni Jesus ti bangkayna? Saan a nakapapati gapu ta adda dagiti suldado a Romano nga agbanbantay iti tanem ken adda pay tatak ti pangulo ti kalobna tapno saan a laklakaen a luktan iti siasinoman. Maysa pay, Kasta unay iti panagbuteng dagiti adalan idi tiniliw ken nailansa ni Jesus, isunga saan a makapan dagiti adalan idiay tanem gapu kadagiti suldado a Romano nga agbanbantay idiay. Isunga saan a mabalin nga ibaga a saan a pudno a nagungar ni Jesus.

Gapu ta Isu ket nagungar, pammaneknek daytoy nga inabakna ti ipapatay. Isutgapuna nga rumbeng laeng a pansinentayo dagit ibagbagana. Kinuna Na, Isu laeng ti dalan tapno maisalakan ti tao (Juan 14:6).

Ipakpakaammona kadagiti tao ket kinunana “Umaykayo kaniak, dakayo amin a nabannog ken madagdagsenan, ket paginanaenkayo” (Mateo 11:28). Agbibiagtayo ita ditoy lubong a napnuan ti rigat ken parikut. Adu kadatayo ti nakapadasen ken agtultuloy pay nga agsagsagaba kadagitoy. Anya ita ti piliem? Ti inana nga ited ni Jesus wenno relihiyon? Ni Jesus nga sibibbiag a mangisalakan wenno dagiti “propeta” wenno dagiti nangipatakder iti relihiyon nga natayen ngem saan a nagungar? Ti biag nga adda relasyon iti Dios wenno awan kapaypay-anna nga ritwal iti relihiyon? Pilientayo ni Jesus. Isu laeng ti maikari.

Ni Jesus ti umisu a “relihiyon” No agbirbirukka ti pammakawan (Dagiti Aramid 10:43). Isu pay ti sungbat no agbirbirukka ti adda kapaypay-anna a relasyon iti Dios (Juan 10:10). No ti birbirukem ket agnanayon a pagtaengan idiay langit, mamatika kenni Jesus ken ikabilmo kenkuana ti pammatim (Juan 3:16). No inaramid mo daytoy, saan ka a mapaay ken agbabawi uray katno.

Gapuna no kayat mo nga ikabil kenni Jesu-Cristo ti panagtalekmo a kas mangisalakanmo tapno magun-ud ti pammakawan iti Dios, adtoy ti maysa a pagwadan a kararag nga mabalinmo nga ibaga iti Dios nga agtaud dita pusom. Lagipem laeng nga daytoy a kararag ket saan a mangisalakan kenka. Ti Dios laeng ti makaisalakan kenka babaen iti Santo nga Espiritu. Ibagam kenkuana nga agtaud dita pusom, “O Dios, aminek a nagbasolak nga maibusor kenka ket rebbeng laeng a siak ket madusa. Ngem innala ni Jesus ti basol ko ken sinagabana ti dusa nga siak ti rumbeng nga umawat. Agbabbabawi ken paglikudakon dagiti basbasolko ken agtalekak kenni Jesus maipapan iti pannakaisalakanko. Agyamanak iti nakaskasdaaw nga paraburmo ken pammakawan. Agyamanak met iti biag nga agnanayon. Amen!

Gapu kadagiiti nabasam ditoy, Sika aya ket agbabbabawin kadagiti basolmo ken nangaramidka iti keddeng nga ikabil ti pammati ken panagtalekmo kenni Cristo? No wen, i-klik mo ti "Inawat ko ni Cristo ita" iti kahon iti baba.

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".

English



Agsubli iti kasangoan a panid ti Ilocano

Anya ti pudno a relihiyon ti para kaniak?
Facebook icon Twitter icon Pinterest icon Email icon
© Copyright Got Questions Ministries