Saludsod
Sadino ti ayan ni Jesus idi tallo nga aldaw iti nagbaetan ti ipapatay ken panagungarna?
Sungbat
Kunkunaen iti 1 Pedro 3:18-19, “Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu, ket iti daytoy a kasasaadna napan nangasaba kadagiti naibalud nga espiritu.” Ti sao a “iti Espiritu,” iti versiculo 18 ket apag-isu a kaasping ti pannakaurnos iti sao a “iti lasag.” Isut gapuna a kasayaatan nga isilpo ti sao a “Espiritu” iti sao a “lasag.” Ti itudtudo iti daytoy a versiculo nga lasag ken Espiritu ket ti Espiritu ni Cristo.
Dagiti sao a “napagungar iti Espiritu,” ket mangitudtudo iti kinapudno ti panangsubbot iti basol ti nakaigapuanan ti ipapatay ni Cristo ken nakaigapuanan ti pannakaisina ni Jesus manipud iti Ama (Mateo 27:46). Ti nagdumaanna ket iti nagbaetan ti lasag ken Espiritu, kasla ti kunkunaen iti Mateo 27:41 ken Roma 1:3-4, ken saan iti nagbaetan ti lasag ni Cristo ken ti Espiritu Santo. Kalpasan ti panangugas ni Cristo iti basol, ti Espirituna ket nagtultuloy iti pannakikadua iti Ama.
Iladladawan ti 1 Pedro 3:18-22 ti napasamak iti panawen ti ipapatay ni Cristo (versiculo 18) ken ti panagsublina iti kinadayag (versiculo 22). Ni Pedro laeng ti nakaited ti naisalumina nga pakaammo no anya ti napasamak iti nagbaetan ti dua a pasamak. Ti sao a “nangasaba” iti versiculo 19 ket saan a kadawyan a pagsasao iti Baro a Tulag nga mangiladawan ti panangiwaragawag ti ebanghelio. Ti pudno a kayat a sawen daytoy ket “iwaragawag ti maysa a damag,” Ni Jesus ket nagsagaba ken natay iti Krus ken ti bagina ket natay. Ngem insukona ti Espirituna iti Ama. Kinuna ni Pedro, iti nagbaetan ti ipapatay ken panagungar, inaramid ni Jesus ti maysa a naipangpangruna nga panangiwaragawag kadagiti “espiritu a nakabalud.”
Impatuldo ni Pedro dagitoy a tao nga dagiti “kararua” ken saan nga “espiritu” (3:20) iti Baro a Tulag, ti sao nga “espiritu” ket masansan a maararamat tapno iladawan dagiti anghel wenno demonio, ken saan a dagiti tao; ket iparparangarang iti versiculo 22 ti kastoy a kaipapanan. Saan met a kunkunaen sadinoman iti Biblia nga simmarungkar ni Jesus idiay impierno. Kunkunaen iti Aramid 2:31 nga napan ni Jesus idiay “Hades,” ngem ti “Hades” ket saan nga impierno. Ti sao a “Hades” ket mangitudtudo iti lugar dagiti natay, maysa a disso nga para iti agdama nga sadiay ket ururayen dagiti bagi ti panagungarda.
It-ited iti Paltiing 20:11-15 ti nalawag nga pagdumaan iti nagbaetan ti impierno ken hades. Ti impierno ket agnanayon a paggianan dagiti tao a naukumanen. Ti “Hades” met ket maysa nga apagbiit a disso. Insuko ti Apotayo ti Espirituna iti Ama, natay, ket iti nagbaetan ti ipapatayna ken panagungar, simmarungkar iti disso dagiti natay nga no sadinno ket intulodna ti damag kadagiti Espiritu (mabalin nga dagiti anghel nga naibelleng; kitaen ti Judas 6) nga adda ti pannakaisilpuna iti panawen sakbay ti panaglayus idi panawen ni Noe. Inlawlawag daytoy iti versiculo 20.
Saan a kinuna kadatayo ni Pedro no anya ti kinuna ni Jesus kadagiti espiritu nga nakabalud, ngem saan a mabalin daytoy ti damag ti pannakasubbot agsipud ta dagiti dakes nga anghel ket saan a mabalin a maisalakan (Hebreo 2:16). Mabalin a daytoy ket pakdaar ti balligi maibusor kenni Satanas ken dagiti pasurotna (1 Pedro 3:22; Colosas 2:15). Kasla ipakpakita met iti Efeso 4:8-10 nga ni Cristo ket napan idiay “Paraiso” (Lucas 16:20; 23:43) ken intugotna idiay langit dagiti namanti kenkuana sakbay ti ipapatayna idiay Krus. Ti nakuna a versiculo ket saan a mangted ti nalawag nga detalye no anya kadi ti napasamak, ngem kaaduan kadagiti napnuan ti adal ti Biblia ket kumanunong nga daytoy ti kayatna a sawen.
Ti pudno, saan a nalawag iti Biblia no anya ti apag-isu nga inaramid ni Jesus iti uneg ti tallo nga aldaw iti nagbaetan ti ipapatay ken panagungarna. Mabalin nga Isu ket nagpakdaar ti panagballigi kadagiti naibelleng nga anghel wenno kadagiti saa a namati. Ti ammotayo ket saan a mangmangted ti Dios ti maikadua a gundaway para iti pannakaisalakan. Kunkunaen kadatayo ti Biblia nga sumango tayo iti pangukuman kalpasan ti ipapatay (Hebreo 9:27), ken awanen ti maikadua a gundaway. Awan ti apag-isu ken nalawag nga sungbat no anya ti inaramid ni Jesus iti ngbaetan ti ipapatay ken panagungarna. Daytoy ket maysa kadagiti palimed nga maawatantayo idiay langit.
English
Sadino ti ayan ni Jesus idi tallo nga aldaw iti nagbaetan ti ipapatay ken panagungarna?
