Saludsod
Anya kadi ti kunkunaen ti Biblia maipapan iti panaginum ti arak? Basol kadi para iti maysa a Cristiano ti uminum ti arak?
Sungbat
Allukoyen dagiti sumagmamano a versiculo iti Biblia dagiti tao nga umadayo wenno liklikan ti panaginum ti arak (Levitico 10:9; Dagiti Numero 6:3; Deuteronomio 14:26; 29:6; Uk-Ukom 13:4, 7, 14; 1 Samuel 1:5; Proverbio 20:1; 31:4, 6; Isaias 5:11, 22; 24:9; 28:7; 29:9; 56:12; Mikias 2:11; Lucas 1:15). Nupay kasta, saan a kasapulan nga paritan ti maysa a Criatiano nga uminum ti sirbesa, arak, wenno aniaman a klase ti mainum nga addaan ti alcohol. Ngem bilbilinen nga umadayo wenno lumiklik iti panagbartek iti arak dagiti Cristiano (Taga-Efeso 5:18). Uk-ukomen ti Biblia ti panagbarbartek ken ti dakes a gapuanan daytoy (Proverbio 23:29-35). Bilbilinen met dagiti Cristiano nga saan a palubosan nga ipa-adipen dagiti bagida iti aniaman a banag (1 Corinto 6:12; 2 Pedro 2:19). Pinaritan pay ti Biblia ti maysa a Cristiano nga agaramid ti maysa a banag nga makabalin a paka-itibkulan ti padana a Cristiano wenno agbasol maibusor iti konsiensia (1 Corinto 8:9-13). Gapu iti kastoy a bagbatayan a wayat, narigat unay nga ibaga ti maysa a Cristiano nga isu ket umin-inum ti arak gapu iti kinadayag ti Dios (1 Corinto 10:31). Inaramid ni Jesus nga arak ti danum idiay Cana, Galilea. Mabalin nga imminumpay ti arak ni Jesus iti sumagmamano nga okasion (Juan 2:1-11; Mateo 26:29).
Iti panawen ti Baro a Tulag, ti danum ket saan a nadalus. No awan ti kabarruan a panglinis, ti danum ket napnuan kadagiti baktiria ken naduma-duma a klase dagiti mikrobio ti nangrugit iti danum. Daytoy ket pudno kadagiti pagilian a maibilang kadagiti makunkuna a maikatlo nga lubong wenno dagiti narigat a pagilian ita. Gapu iti daytoy, kanayon nga umin-inum dagiti tao ti arak (wenno mainum a naggapu iti ubas) agsipud ta dakkel ti posibilidad nga saan a narugit. Iti 1 Timoteo 5:23, sinuruan ni Pablo ni Timoteo nga saan laeng nga uminum ti danum (nga mabalin a makagapu ti parikutna iti tian) no diket uminum met ti bassit nga arak
Ti panagaramid ti arak idi immuna a panawen ket saan a kasla ti panagaramid ti arak iti madama. Saan met nga umisu nga ibaga idi ti arak ket tubbog laeng ti ubas nga inaramid tapno panglaban iti lamiis, ngem saan met nga umisu nga ibaga nga kapada laeng daydiay kadagiti arak nga gamgamitentayo ita a panawen. Ulitek manen, saan a kasapulan nga paritan ti maysa a Cristiano nga uminum ti sirbesa, arak wenno anniaman nga inumen nga addaan ti alcohol. Ti alcohol ket saan a gagangay nga dakes iti bukodna. Ti panagbarbartek iti arak ken adiksion iti alcohol ti dakes ken rumbeng nga liklikan ti maysa a Cristiano (Efeso 5:18; 1 Corinto 6:12). Adda dagiti pagbatayan a wayat iti Biblia maibusor iti panaginum ti arak. Gapu iti daytoy nagrigat nga ikalintegan ti maysa a Cristiano ti panaginum ti arak. Ti panaginum ti arak, kasano man kabassit wenno kaadu ket saan a gagangay nga makaay-ayo iti Dios.
English
Anya kadi ti kunkunaen ti Biblia maipapan iti panaginum ti arak? Basol kadi para iti maysa a Cristiano ti uminum ti arak?
