settings icon
share icon
Saludsod

Addapay kadi iti biag kalpasan iti ipapatay?

Sungbat


Kunkunaen iti Biblia, “Agpapadatay amin a nakapuy ken awan mabalbalinna, ababa ken napno iti rigat ti biagtayo. Dumakkel ken malaylaytayo a kas iti sabong; agpukawtayo a kas iti anniniwan. No matay ti tao,agbiagto aya manen?” (Job 14:1, 2, 14)

Kapada ni Job, datayo amin ket adda iti kastoy nga saludsod. Anya nga talaga aya ti mapasamak kadatayo kalapasan iti ipapatay? Mapukawtayo kadi? Maymaysa laeng kadi iti papanan iti tao wenno agduduma a lugar? Adda nga talaga aya iti langit ken impiyerno wenno aramid laeng iti panunot?

Kunkunaen iti Biblia nga iti tao ket saanlaeng nga agbiag nga apag-biit ditoy daga ngem mabalin pay a maaddan iti biag nga agnanayon iti dinna iti Dios idiay langit. Kuna iti kasuratan, “Ti saan pay a nakita wenno nangngeg ti tao, ti saan nga impagarup ti tao a mapasamak, isu ti insagana ti Dios kadagiti agayat kenkuana (1 taga-Corinto 2:9).”

Ni Jesu-Cristo, ti Dios a nagbalin a tao ket dimteng ditoy lubong tapno ikkannatayo iti biag nga agnanayon. “Ngem nasugat gapu kadagiti basbasoltayo, nasaplit gapu kadagiti dakes nga aramidtayo. Nawayawayaantayo gapu iti dusa a sinagabana, naagasantayo gapu iti pannakasapsaplitna (Isaias 53:5).”

Sinagaba ni Jesus ti dusa nga rumbeng a para kadatayo ken indatonna ti biagna para kadatayo. Ngem kalpasan iti maikatlo nga aldaw ket nagungar. Daytoy ket maysa a pammaneknek nga inabakna iti ipapatay. Isu ket nagtalinaed ditoy lubong iti uneg ti 40 nga aldaw ket naimatangan iti ribu-ribu ti panagpangatona nga agsubli idiay langit. Kunkunaen met iti Taga-Roma 4:25, “Nayawat ni Jesus a matay gapu kadagiti basoltayo, ket napagungar tapno mapalintegtayo iti sangoanan ti Dios.”

Ti panagungar ni Cristo ket maysa a pasamak nga saan a pagduaduaan. Kinarit ni Pablo nga adalan dagiti tattao nga sukimatenda dagiti nakaimatang iti pasamak tapno mapaneknekada no anya iti kinapudno, ngem awan iti siasinoman ti makaibaga nga daytoy ket saan a pudno. Ti panagungar ni Jesus ket napateg-unay a pagbatayan iti pammati a Cristianismo. Gapu ta nagungar ni Cristo manipud kadagiti natay, datayo ket mamati nga agungartayo met.

Kinuna ni Pablo kadagiti tao nga saan a mamati nga adda iti panagungar, “Ita, yantangay ta ikaskasabami ti pannakapagungar ni Cristo, apay a kuna ti sumagmamano kadakayo a saan a mapagungar dagiti natay? No saan a mapagungar dagiti natay, saan ngarud a napagungar ni Cristo. Ket no saan a napagungar, awan ngarud ti serserbi ti ikasabami, kasta met ti pammatiyo” (1 Taga-Corinto 15:12-14).

Ni Cristo iti immuna kadagiti adupay a sumaruno nga agungar. Ti ipapatay ket dimteng iti tao gapu iti panagbasol ni Adan nga naggapuantayo. Ngem amin a naikadua iti pamilya ti Dios babaen iti panamati kenni Jesu-Cristo ket maikkan iti baro a biag (1 Taga-Corinto 15:20-22). No kasano a pinagungar iti Dios ni Jesus, datayo ket pagungarenna met babaen iti pannakabalinna (1 Taga-Corinto 6:14).

Uray no agungar iti tao, saan nga amin ket mapan idiay langit. Ti tunggal maysa kadatayo ket masapul a keddengan ti para iti biag nga agnanayon. Kunkunaen iti Biblia, “Naituding a matay ti tao iti maminsan, ket kalpasanna, ukomen ti Dios (Hebreo 9:27). Dagiti impagapu a nalinteg ket mapan idiay langit tapno agbiag idiay nga agnanayon, ngem dagiti dakes ken saan a mamati kenni Jesus ket maipurwak idiay impiyerno iti dusa nga awan patinggana (Mateo 25:46). Ti impiyerno ket saan nga aramid iti panunot laeng. Daytoy ket maysa a pisikal ken pudno lugar. Daytoy iti lugar nga pagsagabaan iti dusa nga agnanayon iti Dios kadagiti dakes a tao. Marikna dagiti tao a mapan idiay iti rigat iti rikna, panunot, ken bagi, karaman pay iti pannakaibabain ken panagbabawi.

Iladladawan ti impiyerno nga kas maysa nga abut nga iti unegna ket awan patinggana (Lukas 8:31; Paltiing 9:1), ken kas iti danaw nga apoy nga adda agburburek nga asupre. Dagiti adda sadiay ket parigaten aldaw ken rabii nga awan patinggana (Paltiing 20:10). Agsangsangitda sadiay ken agngaretnget dagiti ngipen (Mateo 13:42). Daytoy a lugar ket saan a matay dagit igges ken apoy (Marcos 9:48). Ti Dios ket saan a maragsakan iti siasinoman a matmatay gapu kadagiti kinadakesda, ti tarigagayna ket paglikudanda dagiti kinadakesda ken agsubli iti nakemda kenkuana tapno isuda ket agbiag (Ezekiel 33:11). Ngem saannatayo a piliten nga sumurot kenkuana no saantayo a kayat. No ilibaktayo Isuna gapu ta dayta ti kayattayo, itdenna kadatayo iti kayattayo nga panagbiag nga naisina kenkuana.

Ti biag iti lubong ket maysa a pannubok- maysa a panagsagana para iti masangwanan. Para kadagiti namati, daytoy ket aglippas iti maysa a biag nga agnanayon iti dinna iti Dios. Ngem kasanotayo nga agbalin a nalinteg iti imatang iti Dios tapno magun-ud iti biag nga agnanayon? Ti laeng pamuspusan ket babaen iti panamati kenni Jesu-Cristo nga Anak iti Dios. Kinuna mismo ni Jesus, “Siak ti panagungar ken ti biag,” kinuna ni Jesus. “Ti siasinoman a mamati kaniak, uray no matay, agbiagto pay. Ket ti siasinoman nga agbiag ken mamati kaniak, pulos a dinto matay. Patiem daytoy?” (Juan 11:25-26).

Ti daytoy a sagut nga biag nga agnanayon ket sagut nga awan bayad na. Ngem masapul nga agbabawi tayo kadagiti basbasoltayo, idatontayo iti bagitayo iti Dios ken agbiag iti baro a panagbiag (Taga-Roma 12:1, 2). Kunkunaen met iti Juan3:36, “Ti siasinoman a mamati iti Anak maaddaan iti biag nga agnanayon. Siasinoman a di agtulnog iti Anak, dinanto maragpat ti biag, no di ket agtalinaed kenkuana ti pannusa ti Dios.” Awanen ti gundaway nga makababawi kadagiti basol kalpasan iti ipapatay. Kayatna nga umasideg tayo kenkuana ita. No awatentayo nga iti pannakatay ni Jesus-Cristo iti nagbalin nga pangbayad kadagiti panagsukir tayo iti Dios, Sinigurado iti Dios kadatayo nga maaddaantayo iti adda kapaypay-anna a biag ditoy daga ken biag nga agnanayon iti dinna ni Cristo idiay langit kalpasan iti ipapatay.

No kayatmo nga awaten ni Jesus-Cristo a kas mangisalakanmo ken awaten iti pammakawanna, mabalinmo nga ikararag daytoy. Lagipem laeng nga daytoy a kararag ket saan a mangisalakan kenka. Ti Dios laeng ti makaisalakan kenka babaen iti Santo nga Espiritu. Ibagam kenkuana nga agtaud dita pusom, “O Dios, aminek a nagbasolak maibusor kenka ket rebbeng laeng a siak ket madusa. Ngem innala ni Jesus ti basol ko ken sinagabana ti dusa nga siak ti rumbeng nga umawat. Agbabbabawi ken paglikudakon dagiti basbasolko ken agtalekak kenni Jesus maipapan iti pannakaisalakanko. Agyamanak iti nakaskasdaaw a paraburmo ken pammakawan. Agyamanak met iti biag nga agnanayon. Amen!

Gapu kadagiiti nabasam ditoy, Sika aya ket agbabbabawin kadagiti basolmo ken nangaramidka iti keddeng nga ikabil ti pammati ken panagtalekmo kenni Cristo? No wen, i-klik mo ti "Inawat ko ni Cristo ita" iti kahon iti baba.

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".

English



Agsubli iti kasangoan a panid ti Ilocano

Addapay kadi iti biag kalpasan iti ipapatay?
Facebook icon Twitter icon Pinterest icon Email icon
© Copyright Got Questions Ministries