Zungzal Nunnak Hi Zei Dah A Si?


Bia halnak: "Zungzal Nunnak Hi Zei Dah A Si?"

Bia lehnak:
Zungzal nunnak lam hi Bible nih fiang tein a kan cawnpiak. A pakhatnak ah, kan hngalh awk a herh mi cu kan sualnak nih Pathian he ral bantuk in a kan umter: “Zei caah tiah mi vialte an sual dih cang i Pathian sunparnak cu an chambau dih ko” (Rom 3: 23). Pathian nih a duh lo mi kan tuah dih cio hna, cu ruang ah dantatnak hmu ding lawngte kan si hna. A hmun zungzal mi Pathian hmai ah a sualmi lawngte kan si hna bantuk in zungzal thihnak a ing ding mi lawngte kan si hna. “Zei caah tiah sualnak man cu thihnak a si, sihmanhsehlaw Pathian laksawng cu kan Bawipa Khrih Jesuh thawng in zungzal nunnak a si” (Romans 6:23).

Kan sual cuahmah lio le kan thih cuahmah lio ah, Jesuh Khrih, sualnak a ngei lo mi (1 Peter 2:22), a hmun zungzalmi Pathian Fapa cu minung ah a rung cang (John 1:1,14) i kanmah nih kan sual man ah kan in ding mi dantatnak cu amah nih vailam cung ah a kan inpiak. “Asinain Pathian nih cun zeitluk in dah a kan dawt kha hitihin a langhter: Kannih cu misual kan si ko rih lio ah hin Khrih cu kan ca ah a thi” (Rome 5:8). Jesuh Khrih cu vailam cung ah a thi (John 19:31-42), kanmah nih in ding mi dantatnak kha amah nih a kan inpiak (2 Corinth 5:21). Nithum hnu ah thihnak in a tho `han (1 Corinth 15:1-4), sualnak le thihnak cu a kan teipiak. “Mithi hna sin in Jesuh Khrih a thawhṭhannak in a nung mi ruahchannak ah a ngan mi a zaangfahnak thawng in a kan hringṭhantu kan Bawipa Jesuh Khrih i a Pa le Pathian cu thangṭhat in um ko seh. A rawk kho lo mi le thurhhnawmh lo mi le a uai kho lo mi ro cu van ah chiahpiak nan si cang” (1 Peter 1:3, 4).

Zumhnak in Jesuh Khrih kan hmuhning—Aho dah a si, zei dah a tuah mi a si, zei ca ah dah kan ca ah a thih ti mi kan hmuhning hna hi kan thlen awk an si. Jesuh Khrih hi kan zumh i kan sualnak ca ah vailam cung ah a kan thihpiak ti kan zumh ahcun, kan sualnak in ngeihthiam kan si lai i zungzal nunnak kan hmu ko lai. “Cuticun Pathian nih vawlei hi a dawt hringhran ca ah a Fapa ngeihchunte kha a pek, cucaah amah a zumhmi poah cun an thi lai lo, zungzal nunnak an ngei lai (John 3:16). “Nan ka in ‘Jesuh cu Bawi a si,’ tiah nan ti i amah cu Pathian nih mithi hna sin in a thawhter tiah nan lung in nan zumh ahcun, khamh nan si lai” (Romans 10:9). Cucaah Jesuh Khrih cu kan sualnak caah vailam cungah a thimi a si tiah kan zumhnak lawng in zungzal nunnak kan hmuh lai. “Zei caah tiah vel an ngeih hna caah zumhnak thawng in khamh nan si i khamh nan si cu nanmah tuahnak thawng in a si lo, Pathian laksawng a si” (Ephesus 2:8-9).

Jesuh Khrih hi a ka khamhtu a si tiah na nunnak uktu Bawi ah na cohlan ahcun, hitihin Pathian sin ah thlacam awk a si ko. Na hngalh awk cu na thlacamnak menmen nih an khamh lai lo. Khamhnak an petu taktak cu Jesuh Khrih cung ah na zumhnak kha a si. Hi bantuk in thlacam cu na zumhnak le naa lawmhnak Pathian sin ah na langhtermi khi a si ko. “Pathian Bawipa, kei cu miusal ka si i dantatnak a hmu ding ka si. Sihmanhsehlaw khamhnak kan hmuh khawh nakhnga ding ah keimah nih ka in dingmi Jesuh Khrih nih a ka lakpiak cang. Keimah khamhnak ding ah nangmah sin ah ka zumhnak kan pek. Na velngeihnak le na zaangfahnak ruang ah lawmhnak tampi ka ngei. Amen.



GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.



English
Hakha holh in leh mi ahramthawk ah vazoh than

Zungzal Nunnak Hi Zei Dah A Si?