settings icon
share icon
Bia halnak

Jesuh Khrih Hi Aho Dah A Si?

Bia lehnak


Pathian a um tak maw um tak lo timi hi mi tampi nih an ruah ngaimi a si, asinain Jesuh Khrih cu a um tak maw um tak lo timi hi cu an ruat tuk lo, zei ca ah tiah a um timi hi an theih cio dih. A luan cia 2000 kum hrawng ah Jesuh an timi cu a um timi cu an zumh dih ngawt hna. Asinain Jesuh Khrih hi aho dah a si timi hi fakpi in an i almi a si. Biaknak kip nih an cawnpiakmi cu Jesuh Khrih hi prophet a si, cawnpiaktu saya `ha a si, cun mi `ha a si an ti cio. Asinain Jesuh Khrih hi cu lawng cu a si lo tiah Bible nih a kan cawnpiak.

Mere Christianity timi cauk ah C.S Lewis nih a chimmi cu, “Hi cauk in Jesuh Khrih kong an hrawkhrol in an chimmi cu kham kaa zuam: ‘Jesuh Khrih cu cawnpiaktu saya `ha a si ti cu ka zumh ko, asinain Pathian ka si a timi cu ka zum kho lo,’ an ti. Hihi kan chim hrimhrim lo ding a si. Mi sawhsawh nih Jesuh Khrih a chimmi le a tuahmi hi an tuah kho lai lo, cawnpiaktu saya `ha sawhsawh lawng a si lai lo. Nanmah tein i thim ko u. Pathian a si zong ah minung a si zong ah mihrut a si zong ah a sining paoh in va si ko seh. Mihrut zong na ti ko lai, nan cil zong nan chak ko lai, khual a si tiah a thah zong nan that ko lai, Bawipa a si tiah a ke hram zong ah nan khup nan i bil lai i nan biak ko lai. Asinain Cawnpiaktu saya `ha a si le si lo kong ah kan ruahnak paoh in chim hna hlah usih. Kan ruahnak paoh in chim ding in a kan onpiakmi a si lo. Jesuh Khrih nih aa tinhmi zong a si lo,” a ti.

Cuti a si ahcun Jesuh nih aho ka si aa ti dah? Bible nih aho dah a si a ti? Pakhatnak ah, Jesuh Khrih nih a chimmi bia kan zoh hmasa lai. John 10: 30 ah kan hmuhmi cu, “Keimah le ka Pa cu pakhat kan si,” a ti. ~ha tein ruah lo ahcun Jesuh nih Pathian a sinak a chim duhmi a si lo kan ti men lai. Asinain Jesuh nih hi bia a chim ah khan, Jews mi hna nih lung in cheh an timh, “Hi ruang ah hin lung in cheh kan i tim lo,” tiah Jews mi nih an leh. Asinain, “‘Pathian ka si,’ tiah na chimmi hi Pathian serhsat a si tiah lung in cheh kan i timhmi a si,” an ti (John 10: 33). Jew mi nih Jesuh Khrih a chimmi kha an fiang ko. Jesuh nih Pathian ka si ka ti bal lo tiah a let bal hna lo. Johan 8: 58 ah Jesuh nih a chimmi cu, “Biatak kan chimh hna, ‘Abraham a chuah hlan ah ka um cang,’” a ti hna. Hi ruang zong ah hin Jew mi nih lung in cheh an timhnak kha a si. (Johan 8: 58 hi Exodus 3: 14 he hin aa pehmi a si.)

Johan 1: 1 nih, “Bia cu Pathian a si,” a ti. Johan 1: 14 nih, “Bia kha titsa in a lang,” a ti. Hi nih a langhtermi cu Pathian kha Jesuh in taksa in aa langhnak kha a si. Jesuh zultu Thomas nih Jesuh kut hma a hmuh ah khan a chimmi cu, “Ka Bawipa le ka Pathian,” tiah a au i a khup aa bil (Johan 20: 28). Asinain Jesuh nih Thomas cu ka bia hlah Pathian ka si lo a ti lo. Paul nih Jesuh kong a chimmi cu, “…a liannganmi kan Pathiam le khamhtu Jesuh Khrih,” a ti (Titus 2: 13). Peter nih a chim `hanmi cu “…kan Pathian le khamhtu Jesuh Khrih,” a ti ve (2 Peter 1: 1). Pathian hrimhrim nih Jesuh kong a chimmi cu, “Sihmanhsehlaw a Fapa tu cu, ‘Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk,’” a ti (Hebrew 1: 8). Isaiah nih a chimmi cu, “Kan ca ah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai,” a rak ti (Isaiah 9: 6).

Cucaah C.S Lewis a chim bang, Jesuh Khrih hi cawnpiaktu saya `ha tiin zumh sawhsawh hi san a tlai lo. Jesuh Khrih nih Pathian ka si tiah fiang tein a chim. Pathian si hlah seh law, lih chim a si hnga, cucaah prohet sawhsawh a si lo, saya `ha sawhsawh a si lo, cun mi `ha sawhsawh zong a si lo. Chan thar ah scholar cheukhat nih an chimmi cu Bible ah Jesuh Khrih a chim an timi hi Jesuh Khrih nih a chim taktakmi an si lo, a zultu hna nih an chimmi lawngte an si tiah an ti. Asinain cheukhat chan thar scholar maw an thei deuh lai Jesuh Khrih he a um`imi hna dah (John 14:26)?

Jesuh Khrih hi aho dah a si timi biahalnak hi zei ruang ah dah a biapit tuk? Jesuh Khrih hi Pathian a si zong si lo zong ah zei dah a biapimi a si? A biapi tukmi cu Jesuh Khrih hi Pathian si hlah seh law, a thihnak nih hin kan sualnak ngaihthiamnak a chuahpi kho hnga lo. Vawlei cung misualmi kan ca ah a thihmi hi san a tlai hnga lo (1 John 2: 2). Sualnak timi hi a sawhsawh a si lo, zungzal thihnak tiang a chuahpimi a si caah Pathian lawnglawng nih a ngaihthiam `han khawhmi a si (Rom 5:8; 2 Korin 5:21). Jesuh Khrih nih kan sual leiba a cham khawhnak ding ah cun Jesuh Khrih hi Pathian a si awk a si. Cun Jesuh Khrih nih kan sual leiba chamnak ding ah cun a thih a hau, cucaah minung a si a hau. Cu ruangah Jesuh Khrih hi Pathian zong a si i Minung zong a sinak a si. Khamhnak hi Jesuh Khrih kan zumhnak lawng in hmuh khawh a si. Jesuh nih, “Kei cu lam le baitak le nunnak ka si. Keimah dah ti lo cun aho hmanh Pa sin ah an phan kho lai lo,” tiah a ti (John 14: 6).

English



Hakha holh in leh mi ahramthawk ah vazoh than

Jesuh Khrih Hi Aho Dah A Si?
© Copyright Got Questions Ministries