Jesuh Hi Pathian A Si Maw? Jesuh Nih Pathian Ka Si A Ti Bal Maw?


Bia halnak: "Jesuh Hi Pathian A Si Maw? Jesuh Nih Pathian Ka Si A Ti Bal Maw?"

Bia lehnak:
Bible ah Jesuh nih keimah cu Pathian ka si a ti bal lo. Keimah cu Pathian si lo a ti bal fawn lo. Jesuh nih a chimmi cu, “Keimah le ka Pa cu pakhat kan si,” a ti (John 10: 30). Jesuh hi Pathian a si le si lo cu a chimmi bia in hngalh khawh a si. “Keimah le Pathian cu pakhat kan si,” a ti ah khan, lung in cheh an timh, zei ca ah tiah Jesuh nih Pathian ka si a ti tiah sual an puh. “…nangmah, mi sawhsawhte nih hin Pathian ka si naa ti,” tiah lung in cheh an timh (John 10: 33). “Keimah le Pathian cu pakhat kan si,” a timi nih a langhtermi cu pakhat an sinak kha a si. Cun John 8: 58 ah Jesuh nih a chimmi cu, “Biatak kan chimh hna, Abraham a chuah hlan ah, kei cu ka um cang,” a ti hna. Asinain Jew mi nih Pathian an sersat tiah lung in cheh an timhnak kha a si. Moses upadi ah a ummi cu Pathian a sersatmi hna cu lung in cheh si hna seh ti a si (Leviticus 24: 15).

Jesuh cu Pathian a sinak kha John nih a chim `han: “Vawlei hi ser a rak si hlan ah Bia cu a rak um cang; cu Bia cu Pathian sin ah a rak um i cu Bia cu Pathian a si,” a ti (John 1: 1). Hi Bible cacaang nih a langhtermi cu Pathian kha Jesuh in taksa in a vun i langhnak kha a si. Lamkaltu 20: 28 nih a kan chimhmi cu, “Nanmah lila kha i veng u law nan zohkhenh awk ah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawng in amah ta ah aa sermi khrihfabu tuukhal kha si ko u,” a ti. Aho nih dah amah thisen in Khrihfabu hi a cawk? Lamkaltu nih 20: 28 nih cun, “Pathian nih amah thisen in a cawkmi a si,” tiah a ti, cucaah Jesuh hi Pathian a si ko.

Jesuh Khrih a zultu Thomas nih Jesuh Khrih kut hmepe a vun hmuh ah khan, “Ka Bawipa le ka Pathian,” tiah a ti (John 20: 28). Jesuh nih Thomas kha na palh a ti lo. Pathian ka si lo a ti fawn lo. “Na mit in na hmuh cang caah na zumh, mit in a hmu lo nain a ka zummi cu zeitluk mithluachuak dah an si!” tiah a ti (John 20: 29). Titus 2: 3 nih Jesuh Khrih kan Pathian a rat `hannak kha hngak ko u,” tiah a kan forhfial. Cun Hebrew 1: 8 ah Pathian nih Jesuh kong a chimmi cu, “Sihmanhsehlaw a Fapa tu cu, ‘Maw Pathian, na bawiṭhutdan cu zungzal in zungzal tiang a hmun lai: Na pennak cu dinnak in na uk,’” a ti. Pa Pathian nih Jesuh cu Pathian a ti. Cucaah Jesuh Khrih hi Pathian a si.

Biathlam ah vancungmi nih Lamkaltu Johan kha Pathian lawng biak ding a simi kha a chim (Johan 19: 10). Hmun tampi ah Jesuh an biaknak kan hmuh (Matthew 2:11, 14:33, 28:9, 17; Luke 24:52; John 9:38). Asinain ra ka bia hlah u, Pathian ka si lo tiah a kham bal hna lo. Pathian cu si hlah seh law an biak ah khan a kham ko hna hnga. Asinain a kham hna lo caah a chim bantuk in Pathian taktak a si.

A biapi tukmi cu Jesuh Khrih hi Pathian si hlah seh law, a thihnak nih hin kan sualnak ngaihthiamnak a ser kho hnga lo. Pathian thin hmanh a hunter kho cangmi sualnak cu amah Pathian lila nih a ngaihthiam lo ahcun minung tuahsernak menmen nih ngaithiamnak a ser khawh ding a si lo. Cucaah Jesuh Khrih nih a kan serpiakmi sual ngaihthiamnak hi Pathian rian`uannak a si timi hi al awk a `ha lomi a si.

English
Hakha holh in leh mi ahramthawk ah vazoh than

Jesuh Hi Pathian A Si Maw? Jesuh Nih Pathian Ka Si A Ti Bal Maw?