Bia halnak
Thiang Thlarau Hi Aho Dah A Si?
Bia lehnak
Thiang Thlrau hi aho dah a si timi kong ah a dik lomi tampi ruahnak a um. Cheukhat nih Thiang Thlarau hi tthawnnak pakhat khat bantuk ah an ruah. Cheukhat nih cun Thiang Thlarau hi zumtu zeimaw ca lawng ah a si tiah an ruah. Asinain Bible nih Thiang Thlarau hi a hodah a si tiah a chim? Bible nih Thiang Thlarau hi Pathian a si a ti. Bible nih a chim tthanmi cu Thaing Thlarau hi minung a si a ti, asullam minung nih kan ngeih bantukin ruahnak, duhnak le thinlung in tuar khawhnak a ngei ve. Cucaah Thiang Thlarau hi `hawnnak a ngeimi sawhsawh lawng a si lo.
Thiang Thlarau cu Pathian a si timi hi Bible nih fiang tein a kan cawnpiak. Lamkaltu 5: 3-4 ah Peter nih Ananias a siknak kan hmuh. Ananias le a nupi Sapphiara hi Khrihfa an si. An thil kha an zuar i Lamkaltu sin ah cun a phaisa cu an rak ratpi ve, asinain a dawng tein pek loin a cheu kha anmah ca ah an i chiah. Mah tikah a dawng tein kan pek dih tiin an hrokhrol kha an chim. Cucaah Peter nih khan, “Zei ca ah dah Thiang Thlarau nan hlen?” a ti hna. “Minung na kan hlen a si lo, Pathian na hlen a si,” a ti `han. Peter nih hika ah hin Pathian le Thiang Thlarau kha aa khat ah a hmuh hna. Thiang Thlarau hlen kha Pathian hlen bantuk ah Peter nih cun a chim. Cun Thiang Thlarau hi Pathian a si kan tinak a ruang cu Pathian nih a ngeihmi sinak Thiang Thlarau nih a ngei ve. Tahchunnak ah Pathian hi khawika paoh ah a um bantukin Thiang Thlarau zong a um ve (Salm 139: 7-8), “Na Thlarau a um lonak hmun ah khawika dah ka kal khawh lai? Na hmaika in khawika ah dah ka zam khawh lai? Vancung ka kal zong ah na um ko, vawlei tang ah ka um zong ah na um ko,” a ti. 1 Korin 2: 10-11 ah Paul nih a chimmi cu, “Cu biathli cu Pathian nih a Thlarau in kannih sin ah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna. Minung cu a chung i a ummi amah a thlarau nih khan a konglam cu a dihumnak in a hngalh; cu bantuk in Pathian zong cu Pathian Thlarau lawnglawng nih a konglam kha a dihumnak in a hngalh ve,” a ti.
Thiang Thlarau hi minung sinak a ngei. Minung sinak a ngei kan ti tikah chim duhmi cu: ruahnak, thinlung tuar khawhnak, le duhnak a ngei. Thiang Thlarau nih khua a ruat ve i a hngalh kho ((1 Korin 2: 10). Thiang Thlarau hi a ngaihchiatter khawh a si (Ephe 4: 30). Thiang Thlarau nih thla a kan campiak (Roman 8: 26-27). Pathian nih a duhnak kha Thiang Thlarau nih biakhiahnak a ngei (1 Korin 12: 7-11). Thiang Thlarau hi Thumkomh Pathian i a pathumnak minung a si. Pathian a si bantuk in a rian`uanmi cu hnemtu, cawnpiaktu le lamhruaitu a si (John 14:16, 26, 15:26), cu pin ah Thiang Thlarau hi khamhnak kan hmuhmi caah `azeih (seal) Pathian nih a kan namnak a si (Ephe 1: 13-14).
English
Thiang Thlarau Hi Aho Dah A Si?