Zeitin Dah Pathian Duhning Tein Ka Um Khawh Lai?

Pathian duhning tein kan um khawhnak ding ah cun, a pakhatnak ah kan theih awk cu zeidah a hman lomi a si timi le sualnak hi zeidah a si timi kan theih awk a si. Pathian nih sualnak hi a duh lo. Asinain minung cu sualnak a ngeimi kan si. Sual cia in hrinmi fale kan si. Salm 14:3 nih a chimmi cu, “~hatnak a tuahmi minung pakhat hmanh an um lo,” a ti. Pathian nawlbia kan buar dih cio hna i, “Kannih cu khaltu ngei loin a vakvai mi bantuk kan si dih cio hna” (Isaiah 53:6).

Kan sual ruang ah kan ton dingmi cu zungzal thihnak hi a si. Hihi minung ca ah thawng`ha lo taktak a si. Ezekiel 18:4b nih, “A sualmi paoh cu an thi ko lai,” tiah a ti. Thawng`ha a um `hanmi cu dawtnak a ngeimi Pathian nih khamhnak kan hmuh khawh nakhnga a Fapa dawt Jesuh Khrih a kan pek. Jesuh Khrih a ratnak chan cu “a tlaumi kha kawl awk le khamh awk ah” a si (Luke 19:10). Jesuh Khrih nih vawlei i a rathnawh chan rian tlamtling tein vailam cung ah a lim ah khan, hitihin a chim, “Aa lim cang,” tiah a ti (John 19:30).

Sual ngaihthiammi fale kan si nakding le Pathian duhning tein kan um khawh nakding cu kan sualnak hi kan i hngalh a hau. Misual ka si ti kan hngalh a herh. Kei cu misual ka si ti kan cohlan khawh ahcun, Pathian sin ah kan sualnak hi kan i phuan a hau `han (Isaiah 57:15). Cun sualnak hi kan hlawt a hau, kan hrial hrimhrim a hau. Sual ngaihchihnak hi kan ngeih hrimhrim a hau. Cu hnu lawng ah Pathian he remnak kan ngei kho lai. Romans 10:10 nih, “Zei ca ah tiah kan lung in [Jesuh Khrih] kan zumh i Pathian he i remnak kan hmuh; kan kaa in kan chim i khamh kan si,” a ti.

Ka sualnak kaa ngaichih tiah kan i thlen tikah zumhnak nih kan ngeih colh a herh, cucu Jesuh Khrih cu keimah khamh awk ah a thi timi le a tho `han timi hi kan zumh a herh. “Nan ka in, ‘Jesuh Khrih cu Bawipa a si,’ tiah nan ti i amah cu Pathian nih mithi hna sin in a thawhter tiah nan lung in nan zumh ahcun, khamh nan si lai” (Romans 10:9). Cun Bible nih khamhnak kan hmuhnak ding ah zumhnak kan ngeih a herhnak tampi a chim. Zumhnak hi a biapi tukmi a si. John 20:27; Lamkaltu 16:31; Galati 2:16; 3:11, 26; le Ephesa 2:8.

Pathian he rem tein um timi cu Pathian nih ka ca ah zeidah a tuahmi a si hi kan hngalh a hau. Kan ca ah a Fapa ngeihchunte a kan pek, kan sualnak in a kan khamh (John 1:29), cun bia a kan kamh: “Bawipa min a aumi paoh cu khamh an si lai,” tiah a ti (Acts 2:21).

Sual ngaihchihnak le sual ngaihthiamnak kong hi fapa tlau pa tuanbia nih fiang tein a kan cawnpiak (Luke 15:11-32). Fa hniang deuh pa nih cun a pa laksawng kha pumsa duhnak le ningzahnak ah a hman hna (13). Asinain ka sual tiah aa fian tikah cun, a sualnak kha aa ngaichih cikcek i, inn ah kir `han ding in biakhiahnak a tuah (18). Fapa sinak dirhmun zong kaa tlak ti lo timi ruahnak a ngei (19). Cucu sual ngaihchih timi taktak cu a si. Asinain inn ah a lawi `han tikah cun a pa nih lunglawm tein a rak don (20). Ngaihthiamnak le conglawmhnak in an khat (24). Pathian zong cu bantuk cu a si. Sual ngaihchih in a kir `hanmi hna paoh cu a hlaw bal hna lo. A panhmi paoh cu lunglawm tein a don peng hna. “Lung a dongmi kha Bawipa nih a umpi hna i ruahchannak a ngei lomi kha a khamh hna” (Psalm 34:18).

Pathian he rem tein um`i na duh ahcun hitite hin thlacam khawh a si. Na hngalh awk ah, thlacamnak menmen nih khamhnak a kan hmuhter lo. Jesuh Khrih kan zumhnak lawnglawng in khamhnak hi kan hmuh. Sual ngaihchihnak hi ngeih i kan mertak a herh fawn. Hi thlacamnak cu Pathian nih khamhnak a kan pekmi ca ah lawmhnak kan langhter khi a si. Pathian, kei cu sualnak in a thi cangmi ka si ko, asinain Jesuh Khrih thawng in khamhnak le nunnak ka hmuh caah kaa lawm. Na sin ah ka zumhnak ka chiah. Na dawtnak le na velngeihnak ruang ah lawmhnak ka ngei. Amen.

GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.

English

---

Hakha holh in leh mi ahramthawk ah vazoh than

Zeitin Dah Pathian Duhning Tein Ka Um Khawh Lai?