Zeitin Dah Pathian Duhnak Hi Ka Nunnak Ah Ka Hngalh Khawh Lai?


Bia halnak: "Zeitin Dah Pathian Duhnak Hi Ka Nunnak Ah Ka Hngalh Khawh Lai? Pathian Duhnak Hngalh Timi Bible Nih Zei Dah A Chimmi A Si?"

Bia lehnak:
Pathian duhnak hi zei dah a si timi kan hngalhnak ding ah tawh tlaitu pahnih a um: 1) Pathian sin ah na halmi kha Bible nih a hnatlakpimi a si lai; 2) Pathian sin ah na halmi nih hin Pathian sunparnak a pemi a si maw si lo timi na ruah lai, cun na thlarau ca ah thazaang petu a si maw si lo timi na zohchih lai. Hi pahnih hoih tein Pathian na hal ko nain Pathian nih an pek lo ahcun Pathian nih a rem a ti lo caah a si lai. Asiloah caan sau deuh in na hngah a hau. Pathian thinlung/duhnak hngalh hi a har tukmi a si. Minung nih kan ruah tawnmi cu Pathian nih hin zei dah kan tuah lai timi kan chim seh ti kan duh, kawika ah dah rian ka `uan lai timi hi kan chim seh ti kan duh, aho dah ka `hit lai timi kan chim seh ti kan duh, kawika ah dah ka um lai timi hi ka chim seh ti kan duh. Pathian nih cu bantuk cu fiang tein a kan chim lo. An duhning tein i thim hna seh ti kha Pathian nih cun a kan duhpiakmi a si.

Roman 12: 2 nih a chimmi cu, “A ṭha le cohlan awktlak le a tlingmi Pathian duhnak kha nan hngalh khawh nakhnga atu chan vawlei kalning in kal hlah u, nan lungthin tharchuah a si cangnak nih in thleng hna seh,” a ti. Pathian nih tuah hna hlah seh tiah a kan duhmi cu Pathian duhnak al le sualnak tuah hi a si. Pathian nih thil kan hngalh ko nain kan tuah lomi kha Pathian nih a duh lomi a si, cun sualnak tuah hi Pathian nih a duh lomi a si. Pathian nih a duhning tein um hna seh ti hi a kan duhpiakmi a si. Pathian nih hihi a ka duhpiakmi a si ti zeitin dah ka hngalh khawh lai? Pathian he pehtlaihnak `ha tein na ngeih zungzal i Pathian duhnak na kawl zungzal ahcun Pathian hrimhrim nih a duhnak kha na thinlung ah an chiahpiak lai i zei thil na tuah paoh ah Pathian duhnak lawngte na tuah cang ko lai. Pathian he nan duhnak aa kalh ti lai lo. Nangmah duhnak kha a biapi ah chia loin Pathian duhnak kha kawl hmasa. Cucaah hihi philh hrimhrim hlah, “Bawipa duhnak tuah kha nan duhnak ngan bik ah chia u law nan lungthlitum kha an pek hna lai,” tiah Salm ca`ialtu nih a chim (Salm 37: 4). Toidornak le thinlung taktak in Pathian duhnak na kawl ahcun a duhnak cu an hngalhter ko lai.

English
Hakha holh in leh mi ahramthawk ah vazoh than

Zeitin Dah Pathian Duhnak Hi Ka Nunnak Ah Ka Hngalh Khawh Lai? Pathian Duhnak Hngalh Timi Bible Nih Zei Dah A Chimmi A Si?