Pathian Hi A Dik Taktak Maw? Pathian Hi A Dik Taktak Ko Tiah Zeitin Dah Kan Hngalh Khawh Lai?


Bia halnak: "Pathian Hi A Dik Taktak Maw? Pathian Hi A Dik Taktak Ko Tiah Zeitin Dah Kan Hngalh Khawh Lai?"

Bia lehnak:
Pathian hi a dik taktak tiah kan hngalh khawh, zei ca ah tiah amah tein aa phuannak lam pathum a um: cu hna cu, sermi thil vialte, Bible le Jesuh Khrih an si. Pathian a um taktak ko timi kan hngalh khawhnak cu a sermi thil in an si. “Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a ṭhawnnak le a Pathian sinak kha, fiang tein a langhter ko. Cucaah i silhnalh khawhnak zeihmanh an ngei lo!” (Romans 1:21). “Van nih khin Pathian sunparnak a langhter i a tuahmi thil kha a kan hmuhsak,” tiah Salm ca`ialtu nih a chim (Salm 19:1).

Tahchunnak a fawimite pakhat in kan chim ahcun, suimilam pakhat khi na hmuh tikah a sertu an um timi na hngalh khawh colh, zei ca ah tiah amah le aa tlakning tein sermi le suaimi a si. A caan kalning zong hmaan tein suai ciami a si. Cu bantuk in kan vawlei hi `ha tein suai i sermi vawlei a si. Pathian thil ser kan zoh tikah kan umnak vawlei lawng hi a ummi a si lo, vawlei dangdang tampi an um rih hna. Nika hi an vel cio hna i anmah le an lam cio in an vel. An velnak hi pial sual hna seh law pakhat le pakhat aa pah dih i a rawk dingmi vawlei lawngte an si. Asinain Pathian nih dik tein a sermi an sinak fiang tein hngalh khawh a si. Vawlei zoh in sertu a um timi cu hngalh khawh a si.

Pathian nih vawlei hi hngalh awk ah har ngai `ung le zungthiam ngaiin a ser lawng si loin “minung lungthin chung ah zeizong vialte hi anmah le an caante a serpiak cio hna; cun hmailei thil hngalh duhnak kha minung kan lungthin chung ah a chiah i asinain Pathian nih a tuahmi kha tling tein hngalh khawhnak kha cu a kan pe lo,” tiah Phungchimtu nih a ti (Phungchimtu 3: 11). Vawlei cung ah hin kan mit lawng nih a hmuh khawhmi thil hi um loin thih hnu pinlei tiang ah khin nunnak a um timi hi kan nunnak nih a hngalh khawh.

Minung kan tuanbia hramthawk in, minung nih ziaza hi fakpi in an ruahmi a si. Miphun kip nih ziaza timi an ngei cio hna. Tahchunnak ah dawtnak hi vawlei cung minung nih an upat dih, cun lihchim hi vawlei cung minung kip nih an duh lo. Hi thil a ummi nih hin a sawh duhmi cu Pathian hi a si. Pathian nih a chia le `ha hngalh khawhnak kan pe hlah seh law ziaza timi hi a um lai lo.

Cu bantuk cun vawlei cung minung kip nih hin zei bantuk phunglam an ngeih zong ah biaknak hi cu an ngei cio dih. An biaknak phunglam le ningcang cu aa dang cio ko lai, asinain minung nunnak ah Pathian huham a um timi al awk a `ha lo. Pathian biak duhnak kan ngeihmi le Pathian nih a muisam keng in sermi kan sinak hi aa milh thiam tuk (Gen 1: 27).

Pathian nih amah tein Bible hmang in kan sin ah aa phuang. Bible nih a kan cawnpiakmi cu Pathian hi aho hmanh sertu a ngei lo, zungzal in a ummi Pathian a si (Genesis 1:1; Exodus 3:14). Mi pakhatkhat nih midang tuanbia a `ial tikah, a `ialmi pa hi a ummi a si maw si lo timi ah a buai lo, a ummi a si kha a hngalh i a kong kha a `ial, cu bantukin Bible `ial a si ah hin Pathian a um maw um lo timi ah Bible nih a buaipi lo. Pathian kong kha a chim top ko.

Pathian nih aa phuannak cu a Fapa Jesuh Khrih in a si. (John 14:6-11). “Vawlei hi ser a rak si hlan ah Bia cu a rak um cang; cu Bia cu Pathian sin ah a rak um i cu Bia cu Pathian a si. Bia cu minung ah a cang i kan lak ah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si” (John 1: 1, 14; Colosa 2:9).

Jesuh Khrih a nunnak kan zoh tikah Biakam Hlun nih Messiah kong a chimmi phunglam le upadi vialte hna kha hrelh lo tein a tlinter dih hna (Matthew 5:17). Pathian taktak a sinak kha dawtnak in a siseh, khuaruahhar thil tuahnak in a siseh mipi sin ah a hmuhsak peng hna (John 21:24-25). Vailam an tah i a ni thum hnu ah thihnak in a tho `han. A thawh`hannak hi minung tampi mit nih a hmuh (1 Corinthians 15:6). Jesuh Khrih hi aho dah a si timi hi tuanbia hlathlaitu hna nih tampi an hmuh (Lamkaltu 26:26). Cucaah Pathian a um le um lo kong ah buai loin zeitin dah kan hngalh chinchin lai i kan duh chinchin lai timi kong ah hin buai cang hna usih.

English
Hakha holh in leh mi ahramthawk ah vazoh than

Pathian Hi A Dik Taktak Maw? Pathian Hi A Dik Taktak Ko Tiah Zeitin Dah Kan Hngalh Khawh Lai?