Biakam Hlun Nawibia Hi Khrihfami Nih Kan Zul Lai Maw?


Bia halnak: "Biakam Hlun Nawibia Hi Khrihfami Nih Kan Zul Lai Maw?"

Bia lehnak:
Hi biahalnak kan fiannak ding ah cun Biakam Hlun fian a herh. Biakam Hlun hi Khrihfami sin ah pekmi si loin Israel mi hna sin ah pekmi a si. Nawlbia pek an sinak cu Pathian hi zeitin dah a lung an lawmhter lai timi le zeitin dah toidor nun an ngeih lai timi hi a si. Tahchunnak ah Nawlbia pahra kha zoh ah a fiang ko. Cheukhat nawlbia cu zeitin dah Israel mi nih Pathian an biak lai timi kong a chim. Cheukhat nawlbia cu zeitin dah Israel hi ramdang hna he an i dan lai timi a cawnpiaknak hna a si. Asinain Israel nih nawlbia nih Khrihfami cu nawl a kan ngeih ti lo. Jesuh Khrih vailam cung ah a thih ah khan, Biakam Hlun nawlbia cu a lim cang (Romans 10:4; Galatians 3:23-25; Ephesians 2:15).

Biakam Hlun nawlbia tangah um loin, Jesuh Khrih nawibia tangah kan um cang (Gala 6: 2), cucu, “Bawipa na Pathian kha na thinlung dihlak, na ruahnak dihlak le na nunnak dihlak in na dawt lai, cun nangmah naa dawt bantuk in na innpa na dawt lai,” ti a si (Matthew 22: 37-39). Hi nawlbia hna hi kan zulh ahcun Jesuh Khrih nih tuah u, a kan timi kan zulh dih tinak a si lai: “Nawlbia vialte hna le Prophet vialte hna cu hi nawlbia pahnih in funmi an si,” a ti (Matthew 22: 40). Asinain Biakam Hlun nawlbia hna hi atu kan chan ah kan herh ti hna lo tinak a si lo. Biakam Hlun nawlbia tam deuh hna cu Pathian dawt le innpa dawt ah fun deuh an si. Zeitin dah Pathian le innpa hna hi kan dawt deuh hna lai tinak zawn ah hin nawlbia nih tampi a kan cawnpiak. Asinain Biakam Hlun nawlbia hi Khrihfami hna nih kan zulh awk a si kan ti ahcun kan palh kho men. Asiloah, a dawngte zong in kan hman khawh i, hman khawh lo zong a si kho ko. Jesuh Khrih Biakam Hlun chung in raithawinak nawlbia a tlinter ahcun a dawngte in a tlinter dih tinak a si.

“Pathian bia zulh hi Pathian kan duhnak a langhtertu asi i a nawlbia zulh hi thilrit an si lo,” tiah John nih a ti (1 Johan 5: 30. Nawlbia pahra hi a ngaingai ti ah cun Biakam Hlun a tawinak funmi an si. Nawlbia pahra chung ah pakua hi cu Biakam Thar ah nolh `han an si. Asinain Sabbath ni ulh hi Biakam Thar ah a um ti lo. Pathian hi kan dawt taktak ahcun a hmaan lomi pathian cu kan biak ding an si lo ti cu a fiang. Kan innpa kan dawt taktak ahcun kan hlen hna ding an si lo, kan thah hna ding an si lo, kan nahchuah hna ding an si lo ti cu a fiang. Biakam Hlun nawlbia nih aa tinhmi taktak cu zulh khawh ding taktak a si lo zia kha mipi hngalhternak caah a si, cu pin ah Jesuh Khrih a kan hmuhsaktu a si fawn (Romans 7:7-9; Galatians 3:24). Pathian nih Biakam Hlun nawlbia hi vawleicung minung ca ah a tinhpiakmi a si bal lo. Pathian le innpa hna kan dawt paoh ahcun Pathian nih tuah hna seh tiah a kan duhmi kan tlinh dih tinak a si.

English
Hakha holh in leh mi ahramthawk ah vazoh than

Biakam Hlun Nawibia Hi Khrihfami Nih Kan Zul Lai Maw?