Bia halnak
Misual Hna Thlacamnak Hi Zei Dah A Si?
Bia lehnak
Misual hna thlacamnak cu ka sual ti an i hngalh, khamhnak ka herh ti an i hngalh i Pathian sinah zaangfah halnak thla an cammi kha a si. Pathian sin ah khamhnak thlacam in an halnak kha a si. Sual ngaihthiamnak Pathian sin ah an halnak kha a si.
A pakhatnak ah misual hna nih kan hngalh ding mi cu misual kan si ti hi kan hngalh a herh. Romans 3:10 nih a chimmi cu, “Cathiang nih miding aho hmanh an um lo, an um lo, pakhatte hmanh an um lo,” a ti. Bible nih fiang tein a chim mi cu aho taktak hmanh kan thiang lo. Kan sual dih hna. Pathian vel le zaangfahnak kan herh dih hna (Titus 3:5-7). Kan sual ruang ah, zungzal thihnak kan i tlak dih hna (Matthew 25:46). Dantatnak hmuhnak kan in nakhnga lo misual hna thlacam cu zaangfahnak hal kha a si. Pathian thinhunnak kan hmuh sual nakhnga lo a velngeihnak hal kha a si.
A pahnihnak ah misual hna nih kan hngalh awk cu Pathian nih hin kan ca ah zei dah a kan tuahpiak ti mi hi a si. Pathian nih Jesuh Khrih hmang in taksa kha aa lak i kan sin ah khua a rung sa (John 1:1,14). Pathian biatak kha Jesuh Khrih nih a kan cawnpiak i tling tein a nung (John 8:46; 2 Corinthians 5:21). Kanmah hmun ah vailam cung ah a kan thihpiak. Kan sual ruang ah kan in ding mi kha amah nih a kan inpiak (Romans 5:8). Thihnak, Hell le sualnak a teinak cu thihnak in a thawh`hannak in a langhter (Col. 2:15; 1 Corinth 15).
Hi ruang ah hin, Jesuh Khrih kan zumh ahcun, kan sualnak ngaihthiam a si lai, vancung ah zungzal nunnak kamh kan si lai. Kanmah nih kan tuah ding cu Jesuh Khrih hi ka ca ah a thi, ka ca ah a tho `han, a rak ra `han lai timi kan zumh ding a si (Romans 10:9-10). Pathian velngeihnak lawnglawng in khamhnak hi kan hmuh khawh mi a si, cucu Pathian nih a Fapa ngeihchunte a kan pek mi kha a vel taktak cu a si. Eph. 2:8 nih a chimmi cu, “Zei caah tiah vel an ngeih hna caah zumhnak thawng in khamh nan si i khamh nan si cu nanmah tuahnak thawng in a si lo, Pathian laksawng a si.”
Hi misual thlacamnak cu Jesuh Khrih hi a ka khamhtu a si tiah kan i bochannak Pathian sin ah langhter kha a si. Khamhnak hi zeihmanh nih a chuahpi kho lo. Jesuh Khrih a thawh`hannak le kan zumhnak hi khamhnak kan hmuhnak cu a si. Jesuh Khrih hi khamhnak kan hmuhnak lam a si tiah na hngalh i, misual ka si tiah naa hngalh ahcun hitihin Pathian sin ah thlacam khawh a si ko. Pathian, kei cu misual ka si tiah kaa hngal, thihnak le dantatnak a hmu ding ka si. Asinain Jesuh Khrih hi a ka khamhtu a si tiah ka zumh cang. A thihnak le a thawh`hannak hi ka sualnak ngaihthiamnak ca ah a si tiah ka zumh. Jesuh Khrih lawnglawng hi ka Bawipa le a ka khamhtu a si tiah ka zumh. Na ka khamh ca le na ka ngaihthiam caah kaa lawm. Amen.
GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.
English
Misual Hna Thlacamnak Hi Zei Dah A Si?