Bia halnak
Zei Ruang Ah Dah Kanmah Le Kanmah Kan I Thah Lai Lo?
Bia lehnak
Mah le mah aa thatmi tampi an um cang. Hmailei zong ah an um lai. Lung an `hatter lo tuk hna. Mah le mah thahnak ah hin a ruang tampi a um. Cheukhat cu vawlei cung nun hi retheihnak a tam tiah an zuam lo, cheukhat cu an duhmi an hmuh khawh lo tikah lungdong in an nunnak an hloh men ko. Asinain minung nunnak hi hngalh a har vemi a si caah phisinnak lam a har.
Mah le mah tiang i thah hna kan ngamh tikah hin, Pathian hi kan nunnak ah lianngan bik a si ko timi hngal `han kho usih law, Pathian nih ka nunnak ah a tuah khawh lomi a um hnga lo. “Pathian ca ah cun zei hmanh a si kho lomi a um lo,” tiah Jesuh nih a chimmi hi kan zumh awk a si (Luke 1: 37). Hawi sin ah santlai lo kan si ruang ah kan lung a dong kho men, lungretheih tuk ruang zong ah kan lung a dong kho men, cuticun a phunphun harnak ton i nun zuam ti lonak zong a chuak khomi a si. Cun thintawinak, mah le mah i zaangfahnak, teirulcham duhnak, `ihnak te hna kha nunnak ah ngeih an fawite cang. Cuticun nunnak zawtnak hma kha a `han chin lengmang tikah cun nunnak tiang in a hrawh khawhmi a si.
Zei ruang ah dah nangmah le nangmah cu naa thah lai? Hawi dawt, zei tluk chia le harsa le sualnak hmanh in nung ko law, Pathian nih an hngah ko, bawmh an duh ko, luatnak pek an duh ko, cun khamhnak zong pek an duh ko. Ruahchannak pek zong an duh. Cucu Jesuh Khrih hi a si.
Jesuh Khrih zong kanmah bantuk in harsatnak phun kip a tuarmi a si. Kanmah nakin fak deuh in a tuar i thihnak tiang a tuarmi kan Bawipa a si. Zei tluk in dah kan harsat le kan temtuar hi a hngalh. Amah hrimhrim zong nih hlawtnak le teminnak phun kip a ton. Isaiah 53: 2-6 nih a chimmi cu, “Amah cu aho paoh nih an zomhtaih i an hlawtmi pa a si. A nunnak ah ngaihchiatnak le teminnak in a khat. Asinain ngaihchiatnak a tuarmi hna cu amah ca ah a si lo; kanmah ca ah a si. Fei in an chunh, an denchih, cu vialte cu kanmah sual ruang ah a si. A teminnak thawng in kan nunnak cu thleng in damter hirhiar kan si,” a ti.
Hawi dawt, na sualnak in luatter na si nakhnga le na thilrit an chan nakhnga ca ah Jesuh Khrih hi vialte hi a tuarmi a si. Na sual thilrit vialte chan ding in Jesuh Khrih nih an sawm zungzal ko. Na khamhtu ah na ser ahcun khamhnak an pek lai, cun ruahchannak an pek lai, hi ruahchannak nun hi kan ngeih lo ahcun vawlei nunnak hi zei hmanh a si lo. Cucaah Jesuh Khrih nih an auh, “…Harnak nan ton tikah ka au u law, kan khamh hna lai…” (Salm 50: 15). Jesuh Khrih nih an ngaihthiam khawh lo ding pakhat hmanh a um lo, an tuahpiak khawh lo ding zong a um lo. Bible ah kan zoh ahcun Moses mithatmi hmanh a ngaihthiam i a rian`uantu `ha ah a hman ko, David mithat le mi nupi cung ah a sualmi pa hmanh a ngaithiam khomi Pathian a si. Jesuh Khrih na zumh ahcun mithar na si lai. “Cucaah aho hmanh hi Jesuh Khrih a zumh ahcun ser tharmi a si cang; nun `hing kha a tlau i nun thar aa thawk cang,” a ti (2 Korin 5: 17).
Hawi dawt, zei ruang ah dah nangmah le nangmah naa thah lai? Na nunnak a rawh tuk zong ah Pathian nih a remh khawh lomi a um lo. Isaiah 61: 1-3 ah zeitin dah a chim, “Bawipa Pathian nih thlarau in a ka khahter. Sifakmi hna sin ah thawngṭha phorh awk le lung a kuaimi hna damter awk le sal i a tangmi hna sin ah chuahnak thanh awk le thong chung i a ummi hna sin ah luatnak thanh awk ah a ka thim i a ka thlah. Bawipa nih a mi cu a khamh cang hna lai i an ral cu a tei cang hna lai, ti thanh awkah a ka thlah. A ngaih a chiami vialte kha hnemh awk le Zion i ngaihchia in a ummi vialte hna cu vutcam ca ah pangpar ṭhi, mitthli ca ah lawmhnak chiti le thangṭhatnak hla pek awk ah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruang ah khan an thangṭhat lai.”
Jesuh Khrih sin ah rak ra law, lawmhnak in i khahter law, na zumhnak bantuk in nun tharnak an pek ko lai. Naa lawmh khawh lomi kha lawmhter `han ding bia an kamh, Thlarau thar an pek lai i ruahchannak thar na ngei lai. Na lungthin kuainak kha Jesuh Khrih ca ah cun a sunglawi tukmi a si, “Ka raithawinak cu toidornak lungthin hi a si, maw Pathian, toidornak lungthin le nawl ngaimi lungthin hi na hlaw lai lo” (Psalm 51:12, 15-17).
Jesuh Khrih hi a ka khamhtu le ka tuukhal `ha a si tiah na cohlang lai maw? Na cohlan ahcun a lam ding an hmuhsak lai. Bawipa nih, “Na zulh awk hnga lam kha kan hmuhsak lai, kan cawnpiak lai i lungthin kan cheuh lai,” a ti (Salm 32: 8). “Hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si,” (Isaiah 33: 6). Asinain Jesuh Khrih na zumh lai nain harnak tampi na tong `hiam`hiam lai, asinain ruahnak an pekmi nih na nunnak a `hawnter zungzal lai.
Jesuh Khrih hi a ka khamtu a si tiah zumh na duh ahcun na thinlung taktak in Pathian sin ah thlacam ko. Pathian, ka nunnak ah kan herh. Zaangfahnak tein ka tuahmi thil `halo vialte ka ngaithiam. Jesuh Khrih hi a ka khamhtu a si tiah ka zumh, ka sualnak in ka ngaithiam law, nun tharnak ka pe ko. Jesuh Khrih ka ca ah a thihnak le na ka dawtnak ruang ah kaa lawm.
GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.
English
Zei Ruang Ah Dah Kanmah Le Kanmah Kan I Thah Lai Lo?