Bia halnak
Khrihfa Timi Zei Dah A Si?
Bia lehnak
Khrihfa ti mi cu dictionary nih a hrilfiahning ah cun "Jesuh Khrih le a cawnpiaknak ah zumhnak a ngeimi a si lai" a ti. "Khrihfa" ti mi biafang hi Biakam Thar ah voithum aa hmannak a um (Lamkaltu 11:26; 26:28; 1 Peter 4:16). Jesuh Khrih a zultu hna kha Khrihfa tiah Antioch in auh an rak si hmasa (Acts 11:26), zei ca ah tiah an ziaza, an cawlcangh, an holhrel vialte ah Jesuh Khrih nunnak an ngei. "Khrihfa" timi a sullam taktak cu "Jesuh Khrih a zultu" tinak a si.
Caan a vun rauh deuh tikah cun "Khrihfa" timi biafang hi a sullam ngeihnak a tlau thluahmah i a hnu deuh hna in cun Jesuh Khrih a zultu kha si lem ti hna lo in biaknak a min men tein aa tlaihmi hna zong kha Khrihfa tiah auh an vun si. Jesuh Khrih a zum taktak lo mi, a nun aa thleng taktak lo mi, asinain Khrihfa innchungkhar an `han ruang le Biakinn an kal ruang ah Khrihfa ah aa ruahmi tampi an vun um. Asinain Biakinn kal ruang ah Khrihfa kan si lo, Khrihfa innchungkhar in kan `han ruang zong ah Khrihfa kan si lo, cun Khrihfa ram kan sinak zong nih Khrihfa a kan siter kho lo. Jesuh Khrih kan zumh i Jesuh Khrih nun kan ngeih lawnglawng ah Jesuh Khrih zultu kan si i, cucu Khrihfa kan sinak cu a si.
Bible nih a kan cawnpiak mi cu thil `ha kan tuahmi nih Pathian lung a kan tonter hlei lo a ti. Titus 3:5 nih a chimmi cu, "A kan khamhnak hi thil `ha kan tuah ruang ah a si lo, asinain a zaangfahnak ruang ah a si. Hrin`hannak le Thiang Thlarau in tharternak in a kan khamh," a ti. Cucaah Khrihfa ti mi cu Pathian nih Thiang Thlarau in a tharter `hanmi kha a si (John 3:3; John 3:7; 1 Peter 1:23), cun Jesuh Khrih a zum i aa bochan mi kha a si. Efesa 2:8 ah, "Zei caah tiah vel an ngeih hna caah zumhnak thawng in khamh nan si i khamh nan si cu nanmah tuahnak thawng in a si lo, Pathian laksawng a si," a ti.
A dik taktak mi Khrihfa cu Jesuh Khrih vailam cung a thihnak, ni thum hnu ah thihnak in a thawh`hannak, a rat `han lainak, Pathian taktak a sinak vialte an zumh hrimhrim lai, cun Jesuh Khrih nun zia a ngei mi an si hrimhrim fawn lai. John 1:12 nih a kan chimh mi cu, "Sihmanhsehlaw amah a cohlang i a min a zummi paohpaoh cu Pathian fa sinak nawl kha a pek hna," a ti. Khrihfa sinak a langhtertu cu dawtnak, toidornak, cun Pathian bia zulhnak an si (1 John 2:4, 10). Khrihfa kan si ahcun Thiang Thlarau kan coting cio hna, cucu Pathian fa kan sinak "seal" (cakhenh) a langhtertu a si. Thiang Thlarau theipar cu: "dawtnak, lawmhnak, daihnak, lungsaunak, zaangfahnak, ṭhatnak, zumhawktlak sinak, toidornak le mah le mah i tei khawhnak tehna hi an si" (Gala 5: 22-23). Hi cakhenh "seal" hi kan ngei cio maw?
GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.
English
Khrihfa Timi Zei Dah A Si?