Jesuh Lawng Hi Vancung Kainak Lam A Si Maw?


Bia halnak: "Jesuh Lawng Hi Vancung Kainak Lam A Si Maw?"

Bia lehnak:
Kei cu mi`ha ka si caah vancung ah ka kai ko lai. A caancaan ah thil `halo ka tuah, asinain thil `ha ka tuahmi hi a tam deuh, cucaah vancung ah ka kai ko lai. Bible ning in ka um lo ruang ah Pathian nih cun Hell ah cun a ka thla bal lai lo. Atu cu caan zong aa thleng dih cang. Mitha`u ti bantuk le nu tlaihhrem a hmangmi lawng Hell ah an kal lai.

Hihi mipi ruahnak ah a um ngaimi a si cang. A taktak ah cun an hrokhrol lawngte in an ruahmi le an chimmi a si. Vawlei uktu Satan nih hi bantuk ruahnak cu an ruahnak ah a chiahmi a si. Satan le a zultu paoh cu Pathian ral an si (1Peter 5:8). Satan hi mihlen hmang a si i mi`ha bantuk in umter a thiam ngaimi a si (2 Korin 11:14), asinain Pathian fale a si lomi hna ruahnak poahpaoh cu Satan nih a ukmi an si. “Annih nih zei ca ah dah an zumh lo ti ahcun, hi vawlei khuazing ṭhalo nih hin an lungthin cu mui lak ah a chiah peng hna caah a si. An cung i a ceumi ceunak cu hmu loin a umter hna, cu ceunak cu Khrih sunparnak kong thawngṭha in a rami a si i Khrih cu Pathian bantuk taktak a si,” (2 Korin 4:4).

Sualnak kan tuahmi fa tete hna hi cu Pathian nih zeihmanh ah a rel lo, mi`halo hna zong hell ah an kal lai lo timi ruahnak hi a dik lomi an si. Sual fate a si zong a nganpi a si zong Pathian he a kan `hentertu a si. Zei ca ah tiah mi vialte cu kan sual dih cio ko i Pathian sunparnak kha kan bau dih cio ko,” a ti (Rom 3:23). Vancung kai timi hi cu thil `ha kan tuahmi le thil `halo kan tuahmi ruang ah an si lo. “A thim hna cu a zaangfah hna ruang ah a si ko, anmah tuahmi ruang ah a si lo. Zei ca ah tiah Pathian nih a thimmi hna cu anmah tuahmi ruang ah a si ahcun a zaangfahnak cu zaangfahnak taktak a tling lomi pei a si hnga cu” (Rom 11:6). “Cu a kan khamhnak cu hrinṭhannak ti thawng le Thiang Thlarau nih mi tharter khawhnak a ngeihmi ṭhawnnak thawng in a si,” tiah a ti (Titus 3:5).

“Kutka bi chung ah cun lut tuah u, zeitintiah Hell ah a kalmi lam cu a kau i a fawi i mi tampi nih an zulh,” (Ma`hew 7:13). Pathian i bochannak a um lonak hmun hmanh ah kan duhning in kan sual ahcun Pathian nih a kan ngaithiam lai lo. “Hlan ah cun nawl nan ngaih lo ruang le nan sual ruang ah thlarau lei in nan rak thi. Cu lio ah cun vawleicung phunglam ṭhalo kha nan rak zul; van le vawlei kar i a ummi thlarau ṭhawnnak uktu nawl kha nan rak zul; cu thlarau nih cun Pathian nawl a ngai lomi kha atu cu a uk hna,” a ti (Ephesa 2:1-2).

Pathian nih vawlei a ser ah hin chambaunak a ngei lo i a `ha dih. Cun Adam le Eve a ser hna i duh thim khawhnak nawl a pek hna. An duh cun Pathian nawl an ngai kho i an duh lo cun amah duhning in an um kho fawn. Cu lio ah cun Satan nih Pathian nawl ngai lo ding in a tukforh hna i sualnak an tuah. Sualnak an tuahmi nih cun Pathian he a `hen hna. Pathian he hawikomhnak an ngeih tawnmi kha a rawk cang. Pathian cu a thiang i a tlingmi a si bantuk in sualnak hi a huatmi a si. Misual kan si bantuk in, kanmah tein Pathian he remnak kan tuah kho lo. Cucaah amah he remnak kan hmuh `han khawh nakding ah Pathian nih lam a kan sialpiak. “Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai,” (John 3:16). “Zei caah tiah sualnak man cu thihnak a si, sihmanhsehlaw Pathian laksawng cu kan Bawipa Khrih Jesuh thawng in zungzal nunnak a si,” (Rom 6:23). Kan sual man ah kan thih nakhnga lo ding ah Jesuh Khrih nih kan ca ah a kan thihpiak. Kan tuar hnga dingmi a kan tuarpiak. Pathian le minung karlak ah remnak hlei a kan donhpiak, cuticun amah a zummi paoh cu Pathian he remnak an hmu.

“Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si” (John 17:3). Mi tampi nih Pathian hi an zumh, Satan hmanh nih a zumh. Asinain khamhnak hmuhnak ding ah cun Pathian kan fuh a herh i pehtlaihnak kan ser a herh, kan sualnak kan mertak a herh, cun kan zulh hrimhrim a hau. Zei kan tuahmi le kan ngeihmi paoh in Jesuh Khrih hi kan zumh i kan thang`hat ding a si. Jesuh Khrih lawnglawng hi kan lam `ha bik a si. “Cu lam, Pathian he i remnak lam cu Jesuh Khrih zumhnak thawng in a si i Jesuh Khrih a zummi ca paoh ah a si dih. Aho hmanh i thleidan ding a si lo,” tiah Cathiang nih a ti (Rom 3:22). Bible nih fiang tein a kan cawnpiakmi cu Jesuh Khrih lawng dah ti ko lo cun lam dang in khamhnak kan hmuh nakding a um lo. John 14:6 ah Jesuh nih, “Keimah hi lam le biatak le nunnak ka si; keimah sin in ti dah lo cun aho hmanh Pa sin an phan kho lo,” a ti.

Jesuh Khrih lawnglawng hi khamhnak kan hmuhnak cu a si, zei ca ah tiah amah lawng hi ka sual man a cham khomi a si (Rom 6:23). Biaknak dang hna nih sualnak hi biatak in a cawnpiakmi an um hna lo. Jesuh Khrih nih kan sual man a kan champiak tluk in biaknak dang a um lo. Biaknak dang dirhtu hna zeitik hmanh ah Pathian-minung an si kho lo (John 1:1,14). Jesuh Khrih hi Pathian taktak a si caah kan sual man zong a cham khawhnak a si. Jesuh Khrih hi minung taktak a si caah a thih khawhnak hi a si fawn. Khamhnak cu Jesuh Khrih lawnglawng ah hmuh khawh a si. “Amah thawng lawnglawng in khamhnak hi hmuh khawh a si. Zei ca ah tiah vawlei cung dihlak ah hin a kan khamh khotu ding min dang zeihmanh a um lo,” tiah a ti (Lamkaltu 4:12).

GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.



English
Hakha holh in leh mi ahramthawk ah vazoh than

Jesuh Lawng Hi Vancung Kainak Lam A Si Maw?