Jesuh Cu A Kan Khamhtu A Si Ti Sullam Cu Zei Dah?


Bia halnak: "Jesuh Cu A Kan Khamhtu A Si Ti Sullam Cu Zei Dah?"

Bia lehnak:
Jesuh Khrih hi a ka khamtu a si tiah na cohlaang cang maw? Hi biahalnak theih fiannak ding ah “Jesuh Khrih” “Khamhtu” le “Pumpak” ti bia sullam hna hi na hngalh hmasa a herh.

Jesuh Khrih hi aho dah a si? Mi tampi nih cun Jesuh Khrih hi mi `ha pakhat cu a si ko an ti, cawnpiaktu saya `ha pakhat cu a si an ti, Pathian lamkaltu `ha pakhat cu a si ko, an ti. An zapi tein an dik dih, asinain Jesuh Khrih hi aho dah a si ti mi taktak cu a fianter kho lo. Bible nih a kan chimhmi cu Jesuh Khrih hi Pathian kha taksa in aa langhnak a si, tiah a ti. Jesuh Khrih hi Pathian kha minung in aa langhnak a si, a ti (John 1:1, 14). Pathian kha kanmah cawnpiak awk, damter awk, chimhhrin awk, le ngaihthiam awk, le thihpiak awk ah vawlei ah a rak ra mi a si. Jesuh Khrih hi Pathian a si, zeizong vialte sertu a si, cun nawlngeitu bik a si. Jesuh Khrih hi a ka khamhtu a si ko tiah na cohlang cang maw?

Khamhtu timi zeidah a si? Zei ruang ah dah khamhtu hi kan herh? Bible nih a kan cawnpiak mi cu, “Zei ca ah tiah kannih cu kan sual dih cio ko i, Pathian sunparnak kha kan chambau dih cio ko hna,” a ti (Rom 3:10-18). Kan sual ruang ah Pathian dantatnak hmu ding in kan i tlak, a thi ding in kan i tlak. Zungzal a nung mi Pathian sin ah kan sual bantuk in zungzal dantatnak ing ding kan si hna (Rom 6:23; Biathlam 20:11-15). Cucaah khamhtu kan herh!

Jesuh Khrih cu vawlei ah a ra i kan ca ah a thi. Jesuh Khrih a thihnak hi kanmah nih kan cham khawh lo ding mi kan sual man cham awk ah a si (2 Korin 5:21). Kan sual ruang ah kan tuar ding mi amah nih a kan tuarpiak (Rom 5:8). Kanmah tein kan cham khawh lomi kan sual man Jesuh Khrih nih a kan champiak. Jesuh Khrih thihnak in a thawh`hannak nih kan sual man hi za lak in a cham khawh ti mi fiang tein a langhter. Hi ruang ah hin Jesuh Khrih lawng hi khamhtu taktak a sinak cu a si (John 14:6; Lamkaltu 4:12)! Jesuh Khrih hi a ka khamhtu a si tiah na zum cang maw?

Jesuh Khrih hi nangmah “pumpak” khamhtu a si maw? Mi tampi nih cun Khrihfa mi hna hi Biakinn ah an kal, phunglam pakhatkhat an tuah, sualnak an tuah lo tiah an hmuh. Hihi Khrihfabu kan timi cu a si lo. A dik taktak Khrihfabu cu Jesuh Khrih he pumpak pehtlaihnak a ngei mi an si lai. Jesuh Khrih hi a ka khamhtu a si tiah kan zumhnak a sullam cu pumpak in kan cohlannak le kan zumhnak Jesuh Khrih cung ah chiah kha a si. Midang zumhnak thawng in aho hmanh khamhnak hmuh khawh a si lo. Kan tuahsernak pakhatkhat ruang ah khamhnak hi kan hmuh mi zong a si lo. Khamhnak kan hmuhnak lam pakhat cu Jesuh Khrih hi keimah pumpak a ka khamhtu a si tiah zumh hi a si. Keimah sualnak ruang ah a thi ti mi hi kan zumh a herh. A thawh`hannak hi ka zumh ahcun zungzal nunnak aamah a khantertu a si ti a langhtertu a si (John 3:16). Jesuh Khrih hi nangmah pumpak khamhtu a si cang maw?

Jesuh Khrih hi keimah pumpak a ka khamhtu a si tiah na cohlan ahcun, Pathian sin ah a tanglei bantuk in thlacam khawh a si. Na hngalh awk ah thlacamnak menmen in khamhnak hi na hmu lai lo, Jesuh Khrih hi keimah sual ruang ah a thi tiah na zumhnak lawng in khamhnak hi hmuh khawh mi a si. Hi thlacamnak cu Pathian sin ah na lawmhnak na chimmi khi a si. Pathian, na hmai ah kei cu misual ka si, thihnak hmu ding in aa tlakmi ka si. Asinain Jesuh Khrih nih ka tuar ding vialte a ka tuarpiak cang tiah ka zumh, Jesuh Khrih ka zumh caah ngaihthiam ka si ti ka zumh fawn. Na dawtnak le na vel ruang ah kaa lawm. Amen.

GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.



English
Hakha holh in leh mi ahramthawk ah vazoh than

Jesuh Cu A Kan Khamhtu A Si Ti Sullam Cu Zei Dah?