A Piangtharmi/hring`hanmi Khirhfa timi sullam hi zeidah a si?


Bia halnak: "A Piangtharmi/hring`hanmi Khirhfa timi sullam hi zeidah a si?"

Bia lehnak:
A piangthar mi Khrihfa ti mi sullam hi zei dah a si? Hi bia halnak `ha taktak in aa lehnak cu Johan 3:1-21 ah hin a si. Bawi Jesuh Khrih le Nicodemus bia an i ruah, Nicodemus hi Farasi minthang ngai mi a si, cun Sanhedrin ah chungtel a sinak in Jew mi hna uktu pakhat a si fawn. Zan ah Jesuh Khrih sin ah cun bia hal ding in a rak ra.

Jesuh nih cun bia cu a vun ruah thluahmah i, a timi cu, “Biangaite in, biangaite in kan chimh, aho hmanh ti le Thlarau in hrin a si lo ahcun, Pathian pennak chung ah a lut kho lai lo. Taksa in hrinmi paoh cu taksa a si. Thlarau in hrinmi paoh cu thlarau a si. ‘Hrinṭhan hrimhrim na si a herh,’ kan ti tikah na khuaruahhar hlah. Thli cu a duhnak paoh ah a hrang ko. A thawng cu na theih. Sihmanhsehlaw khuazei in dah a rat i khuazei ah dah a kal ti kha na hngal lo. Thlarau in hrin mi paohpaoh cu cu bantuk cun an si,’ tiah a ti” (Johan 3:5-8).

“Hrin `han” catlang a sullam taktak cu “cunglei in hrin mi” ti a si. Nicodemus nih a herh taktak mi a rak si. A thinlung kha Thlarau lei in thlennak a herh. Hrin thar, hrin `han ti mi cu Pathian rian`uannak a si, cucu Jesuh Khrih a zum mi hna sin ah Pathian nih zungzal nunnak pek kha a si. (2 Corinth 5:17; Titus 3:5; 1 Peter 1:3; 1 Johan 2:29; 3:9; 4:7; 5:1-4, 18). Johan 1:12,13 nih a chim duh mi cu Jesuh Khrih min kan zumhnak thawng in hrin `han ti mi a sawh duh mi cu Pathian fa sinak zong kha a si.

Biahal awk a ra colh mi cu, “Zei ruang ah dah mi pakhatkhat hi hrin `han a herh?” Lamkaltu Paul nih Ephe. 2:1 ah a chimmi cu, “Hlan ah cun nawl nan ngaih lo ruang le nan sual ruang ah Thlarau lei in nan rak thi,” a ti. Rom 3:23 ah a chim mi cu, “Zei caah tiah mi vialte cu kan sual dih cio ko i Pathian sunparnak kha kan bau dih cio ko,” a ti. Cucaah cun hrin `han kan sinak ding ah cun kan sualnak kha ngaihthiam hmasa a herh. Cu hnu lawng ah Pathian he pehtlaihnak kan ngei kho lai.

Ephesus 2:8-9 nih a chimmi cu, “Zei caah tiah vel an ngeih hna caah zumhnak thawng in khamh nan si i khamh nan si cu nanmah tuahnak thawng in a si lo, Pathian laksawng a si. 9 Thilṭha tuahnak in nan hmuhmi a si lo caah, aho hmanh nan i porhlawt awk a si lo.” Mi pakhatkhat nih khamhnak a hmuh tikah, hrin `han a si, Thlarau in tharter a si i hrin `han a sinak in Pathian fa a si cang. Vailam chungah a thi i kan sual man a petu Jesuh Khrih ah zumhnak ngei hi Thlarau in hrin `han cu a si. “Cucaah, mi zeihmanh hi Khrih he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang” (2 Cor. 5:17).

Jesuh Khrih hi a ka khamhtu le ka Bawipa a si tiah na zumh bal rih lo ahcun, Thiang Thlarau nih na thinlung chung ah bia chim seh law zeitin dah na ruah hnga? Hrin`hannak nun hi na ngeih awk ah a herh. Sual ngaihchihnak he thlacam in Jesuh Khrih ah ser tharmi si na duh ve lo maw? “Asinain tlawmpal nih cun an rak cohlan i an rak zumh i cu hna cu Pathian fa cannak nawl kha a pek hna. Pathian fa an can cu minung phung ning in a si lo; vawlei cung i hrinsor ning in a si lo, Pathian hrimhrim kha an Pa cu a si (John 1:12-13).

Jesuh Khrih hi a ka khamhtu a si tiah na cohlan i na hrin `han ahcun, hitihin thlacam ko. Cun na hngalh awk ah a herh mi cu thlacamnak menmen nih hin an khamh kho lai lo. Sualnak in an khamhtu Jesuh Khrih na zumhnak lawnglawng nih khamhnak cu an pek khawh lai. Hi thlacamnak cu Pathian sin ah zumhnak na ngeihnak na langhternak kha a si. Khamhnak an pek mi cungah lawmhnak bia na chim kha a si. “Pathian, kei cu misual ka si, zungzal in a thi ding mi ka si ti ka hngalh. Asinain ngaihthiam ka si khawh nakhnga ca ah ka in hnga ding mi kha Jesuh Khrih nih a ka inpiak. Na khamhnak cung ah ka zumhnak ka chiah. Na dawtnak le na velngeihnak ruang ah zungzal nunnak kan hmuh caah kaa lawm. Amen.

GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.



English
Hakha holh in leh mi ahramthawk ah vazoh than

A Piangtharmi/hring`hanmi Khirhfa timi sullam hi zeidah a si?