settings icon
share icon
Pangutana

Unsa ba ang giingon sa Bibliya bahin sa pagsugal? Sala ba ang pagsugal?

Tubag


Mahimo nga ihulagway ang pasusugal sa “mapadaghan ang kwarta sa dili pangkasagaran nga paagi.” Dili direktang gihukman sa Bibliya ang pagsugal, pagpusta ug uban pa. Bisan pa,gihatagan kita ug pasidaan sa Bibliya nga molikay sa paghigugma sa kwarta. (1 Timoteo 6: 10; Hebreo 13: 5). Gidasig usab kita sa kasulatan nga likayan ang mga pagsulay nga modato sa dagli-ang paagi” (Panultihon 13: 11; 23: 5; Ecclesiastes 5: 10). Ang pagsugal pirming nakasumpay sa gugma sa kwarta ug dili maikalimud nga daghang tawo ang matintal niini tungod sa saad nga sayon ug dali nga pagdato o pag-angkon sa daghang kwarta.

Unsa ba ang sayop sa pagsugal? Ang pagsugal usa ka malisod nga isyu. Kon gabohaton kini panalagsa, dili pirmi o kon may higayon lamang, maingon kini nga pag-usik sa salapi, apan wala nagpasabot nga kini “daotan”. Ang mga tawo nagausik-usik sa salapi sa bisan unsang matang nga bulohaton. Ang pagsugal dili sama sa mas hingpit nga pag-usik sa salapi kon itandi sa matag kanunay nga pagpanan-aw sa sine, pagkaon sa mga dili naman kinahanglang pagkaon, o pagpalit sa wala namay pulos nga butang. Ang kamatuorang nausik usab ang salapi sa bisan unsa pa mang butang wala naghatag-ug pagkamatarong sa pagsusugal. Ang salapi dili angay nga usikon. Ang sobrang salapi kinahanglan tigumon alang sa muabot nga mga panginahanglanon o dili kaha ihatag sa boluhaton sa Dios- ug dili angay usikon sa pagsugal.

Pagsugal sa Bibliya: Samtang dili man kini hingpit nga gihisgotan sa Bibliya ang pagsugal, apan ang gihisgotan niini mao ang dula nga “swerte” o “kaugmaon.” Isip nga panag-ingnan, gigamit sa libro sa Levitico ang dula nga “palabunotan” sa pagpili sa mananap nga panghalad (kanding). Gigamit usab ni Josue ang “bunot-bunot” aron mahibaloan ang pagpahinungod sa yuta sa pila ka mga tribo. Nigamit usab sa “palabunotan”si Nehemias aron mahibaloan kon kinsa ang mupoyo sa sulod sa koral sa Jerusalem ug kon kinsa ang dili. Ang mga Apostol nigamit usab sa “palabunotan” aron mahibaloan kon kinsa ang iilis kang Hudas. Giingon sa Panultihon 16:33 “Magripa ang mga tawo aron masayran ang kabubut-on sa Dios apan ang Ginoo ray magbuot sa tubag.” Dili makita sa Bibliya ang pagsugal o dula sa kaugma-on nga gigamit isip kalingawan o gipaila-ilang bililhong bulohaton sa mga tagasunod sa Dios.

Balay-pasugalan ug dulang sugal: Gigamit tanang mga bahay-pasugalan ang tanang pamaagi aron madani pa ang usa ka tawo nga hilig magsugal nga ipamasin o ipatad ang tanan niyang kwarta. Kanunay pa nga tanyagan sila sa dili kaayo mahalon na imnunon ug kon usahay libre pa kini, nga nagresulta usab sa pagkahubog ug tungod dinhi dili na makapag-hunahuna sa matarong ang tawo ug dili na kini usab makabuhat sa husto nga desisyon. Ang tanang butang sa balay pasugalan gihimo aron makakuha ug daghang salapi ug dili aron ipanghatag, Gipakita usab sa mga dula sa sugal nga pamaagi kini aron masoportahan ang programang sosyal at edukasyon. Bisan pa, matud sa pagtuon ang makita nga kasagarang gaipil niining dula katong mga tawo nga may katakos lamang aron mupalit ug tiket alang sa dulang sugal. Ang pang-dani nga “mudatu sa dali nga pamaagi” usa ka panintal nga lisud mabalibaran alang sa mga tawong desperado na. Gamay ang tsansa nga makadaog, nga nagresulta usab sa pagkadaot sa kinabuhi sa tawo. Nganong ang salapi gikan sa sugal dili mahimaya sa Dios? Daghang tawo ang miingon nga nipatad lamang sila o gasugal lamang sila aron maihatag ang kwarta sa simbahan, o ibutang ang salapi sa uban nga adonay maanindot nga tinguha. Mahimo nga kini may maayong motibo, apan sa tinuod gamay lamang ang gagamit sa salapi nga nadaogan para sa maka-Diosnong bulohaton.

Gipakita sa pagtuon nga kadaghanan sa mga nidaog sa dulang sugal anaa na sa mas lisod pa nga kahimtang pila ka tuig mahuman siyang midaog sa dakong kantidad gikan sa sugal. Gagmay, kon adona man, ang matinud-anon nga naghatag sa kwarta alang sa maanindot nga tinguha. Dili kinahanglan sa Dios ang atong kwarta aron magastuhan ang Iyang misyon sa kalibotan. Giingon sa libro sa Panultihon 13:11 “Ang bahandi nga mabatonan sa sayon nga paagi dali rang mahanaw, Apan modaghan kini kon nakuha mo kini sa inanay.” Ang Dios makakagahom ug Siya ang maghatag ug motugon sa mga panginahanglan sa simbahan sa matinud-anong paagi. Mahimaya ba ang Dios sa salaping gihatag gikan sa droga? O salaping gikawat gikan sa bangko? Dili! Dili usab kinahanglan o gapangandoy ang Dios sa salaping “gikawat” gikan sa mga kabos pinaagi sa dulang sugal. Giingon sa libro sa 1 Timoteo 6:10 “Kay ang pagkamahigugmaon sa salapi maoy tinubdan sa tanang pagkadaotan. May mga tawo nga tungod sa kadako sa ilang tinguha nga masapian., nahimulag hinuon sa pagtuo ug nahiagom sa daghang mga kagul-anan.” Gipahayag usa b sa Hebreo 13:5 “Ayaw higugmaa ang salapi. Kinahanglan makuntento kamo sa unsay anaa kaninyo kay nagingon ang Dios, “Dili gayod kamo biyaan o talikdan.” Giingon usab sa Mateo 6:24 “Dili mahimo nga ang usa ka tawo magpaulipon sa duha ka agalon kay mahitabo gayod nga iyang dumtan ang usa ug ang usa iyang higugmaon o unongan niya ang usa ug ang usa iyang tamayon, Dili kamo makapaulipon ug sa Dios ug sa salapi.”

English



Balik sa home page sa Cebuano

Unsa ba ang giingon sa Bibliya bahin sa pagsugal? Sala ba ang pagsugal?
© Copyright Got Questions Ministries