ప్రశ్న
రక్షణకు వయస్సు పరిమితి లేదా? చిన్న బిడ్డలు ఎప్పుడు రక్షణ పొందవచ్చు?
జవాబు
రక్షణకు ఖచ్చితంగా వయస్సు పరిమితి లేదు. యేసు స్వయంగా ఇలా ప్రకటించారు, "చిన్న పిల్లలు నాయొద్దకు రానివ్వండి, వారిని అడ్డుపడవద్దు, పరలోక రాజ్యము ఇటువంటివారిదే" (మత్తయి 19:14). తమరు పాపము చేసినారని (రోమీయులు 3:23), వారి పాపముల మూల్యము చెల్లించుటకు యేసు మరణము పొందారని (రోమీయులు 5:8; 6:23), మరియు రక్షణ కొరకు వారు యేసును విశ్వసించాలని (యోహాను 3:16) అర్థము చేసుకొనేంత వయస్సు వచ్చిన వెంటనే, వారు రక్షణ పొందుటకు సరియైన వయస్సు వచ్చినట్లే.
మోక్ష సిద్ధాంతంలోని అన్ని సంక్లిష్టమైన విషయాలను ఒక బిడ్డ అర్థం చేసుకోవాల్సిన అవసరం లేదు. బైబిల్ తరచుగా మనల్ని పిల్లల వలె విశ్వాసం కలిగి ఉండమని ప్రోత్సహిస్తుంది (మత్తయి 18:4; మార్కు 10:15; లూకా 18:17). తల్లిదండ్రులు తమ పిల్లలు ప్రాథమిక విషయాలను (పైన వివరించిన విధంగా) అర్థం చేసుకున్నారని నిర్ధారించుకోవడం ముఖ్యం, కానీ అపొస్తలుల కార్యములు 16:31లోని వాగ్దానం ఒక పెద్దవాడికైనా లేదా పిల్లలకైనా సమానంగా నిజం: "ప్రభువైన యేసును విశ్వసించుము, అప్పుడు నీవును నీ యింటివారును రక్షణ పొందుదురు."
విశ్వాసుల నుండి గానీ, అవిశ్వాసుల నుండి గానీ జన్మించిన చిన్న పిల్లలు, దేవునిచే ఎన్నుకోబడి, క్రీస్తు రక్తము ద్వారా విమోచించబడి, వారి హృదయాలలో పరిశుద్ధాత్మ యొక్క కార్యమును కలిగి ఉండి, ఆ విధంగా స్వర్గములో ప్రవేశించవచ్చు. వారి జీవితంలో ఏ దశలో ఈ విషయాలను గ్రహిస్తారనేది ప్రతి బిడ్డకు భిన్నంగా ఉంటుంది. కొంతమంది చిన్న పిల్లలు ప్రత్యేకంగా మృదువైన హృదయాలను కలిగి ఉంటారు, మరియు యేసు తమ కొరకే మరణించారని విన్న వెంటనే, తమ పాపపు స్వభావాన్ని గ్రహించి, స్పందించకుండా ఉండలేరు. మరింత ఉల్లాసమైన స్వభావం ఉన్న ఇతరులు, చాలా పెద్దవారయ్యే వరకు ఈ అవగాహనకు రాకపోవచ్చు. హృదయంలోని ఆలోచనలను ప్రభువు మాత్రమే ఎరుగును మరియు ఆయన తన సంపూర్ణ చిత్తం మరియు సమయానికి అనుగుణంగా "నశించినదానిని వెదకి రక్షించుటకు మనుష్యకుమారుడు వచ్చెను" (లూకా 19:10) అని మనము ఆయనను నమ్ముకొనియున్నాము.
English
రక్షణకు వయస్సు పరిమితి లేదా? చిన్న బిడ్డలు ఎప్పుడు రక్షణ పొందవచ్చు?
