settings icon
share icon

හොෂෙයා පොත

කර්තෘ: හොෂෙයා පොතෙහි කර්තෘන් දිවැසිවර හොෂෙයා ලෙස හොෂෙයා 1:1හි හැදින්වේ. දේව දරුවන්ට සහ ලෝකයට හොෂෙයා විසින් ගෙන ආවාවූ අනාවැකි සහිත පණිවුඩයේ පෞද්ගලික වාර්තාකරණය මෙයවේ. තමන්ගේ ජීවිතයේ පසු කාලීනව වාර්තා කරනු ලැබූ ලේඛණගත අනාවැකි ඉතිරි කොට තැබූ එකම දිවැසිවරයා නම් හොෂෙයාය.

ලියනු ලැබූ දිනය: බීරීගේ පුත්‍රවූ හොෂෙයා බොහෝ කලක් අනාවැකි පැවසුවේය. එනම් ක්‍රි. පූ. 785 සිට 725 දක්වා කාලය තුළය. හොෂෙයා පොත බොහෝ දුරට ක්‍රි. පූ. 755 ත් 725 ත් අතරතුර කාලයේදී ලියවෙන්නට ඇත.

ලිවීමිහි අභිමතාර්ථය: හොෂෙයා විසින් මෙම පොත ලියනු ලැබුවේ ඉශ්‍රායලිතයන්ට සහ අපට, අපගේ දෙවියන්වහන්සේ ප්‍රේමයෙන් පූර්ණවූ මෙන්ම උන්වහන්සේ ගිවිසුමක් ඇති කර ගත්තාවූ සෙනගට එතුමන්ගේ විශ්වාසවන්තකම තිරසාර බවද අපට මතක් කර දෙනු වස්ය. ව්‍යාජ දෙවිවරුන් වෙතට ඉශ්‍රායලිතයන්ගේ අඛණ්ඩ හැරීම මධ්‍යයේ වුවද දෙවියන්වහන්සේගේ අචල ප්‍රේමය නිරූපණය වන්නේ අවිශ්වාසවන්ත බිරිදක් වෙනුවෙන් බොහෝ කලක් දුක් විදිනු ලැබූ ස්වාමිපුරුෂයකු ආකාරයටය. දෙවියන්වහන්සේගේ ප්‍රේමයට පිටුපාන අයවලූන්ටද හොෂෙයාගේ පණිවුඩය අනතුරු ඇගවීමක්ය. හොෂෙයාගේ සහ ගෝමර්ගේ විවාහයේ සංකේතාත්මක ඉදිරිපත් කිරීම තුළින් රූප නමස්කාරයෙන් හෙබි වූ ඉශ්‍රායෙල් ජාතිය කෙරෙහි දෙවියන්වහන්සේගේ ප්‍රේමය විදහා දැක්වෙන්නේ පාපය, විනිශ්චය සහ දයාන්විත ප්‍රේමය යන තේමාවන්හී ඉතා අනර්ඝ රූපකයක් තුළින්ය.

මූලික පද:

හොෂෙයා 1:2, “හොෂෙයා ලවා ස්වාමින්වහන්සේ කියෙවූ කාරණාවල පටන් ගැනීමය. ස්වාමින්වහන්සේ හොෂෙයාට කථා කොටථ නුඹ ගොස් වෙශ්‍යා භාර්යාවක්ද වෙශ්‍යා දරුවන්ද අරගනින්න. මක්නිසාද දේශය ස්වාමින්වහන්සේගෙන් අහක්වී බොහෝ සේ වෙශ්‍යාකම් කෙරේයයි කීසේක.”

හොෂෙයා 2:23, “මම ඈ දේහයෙහි මට වපුරාගෙන කරුණාව නොලත් ඇත්තීට අනුකම්පා කරන්නෙමි. මාගේ සෙනග නොවූවන්ට: නුඹ මාගේ සෙනගයයි කියන්නෙමි; ඒ අයද: ඔබ මාගේ දෙවියන්වහන්සේ යයි කියනවා ඇත.”

හොෂෙයා 6:6, “මම පූජාවට නොව කරුණාවටත් දවන පූජාවලට වඩා දෙවියන්වහන්සේ ඇදින ගැනීමටත් කැමැත්තෙමි.”

හොෂෙයා 14:2–4, “නුඹගේ වචන රැගෙන ස්වාමින්වහන්සේ වෙතට හැරී ඇවිත් උන්වහන්සේට කථා කොට: අපේ සියලූම අපරාධවලට කමාවී කරුණාවෙන් අප පිළිගත මැනව. එවිට අපේ තොල් වල පූජා ගොනුන් පූජා කරන්නාක් මෙන් ඔප්පු කරන්නෙමුව. අෂූර් අප නොගලවන්නේය. අපි අසුන් පිට නැගී නොයන්නෙමුව. නුඹලා අපේ දෙවිවරුයයි අපේ ජාතීන් සෑදූ දේට අපි තවත් නොකියන්නෙමුව. මක්නිසාද පියා නැත්තාට ඔබගෙන් අනුකම්පා ලැබේයයි කියාපල්ලා. මම ඔවුන්ගේ පසුබටවීම සුවකර සිය කැමැත්තෙන්ම ඔවුන්ට ආදරේ වන්නෙමි. මක්නිසාද මාගේ උදහස ඔවුන් කෙරෙන් පහව ගියේය.”

කෙටි සාරංශය: හොෂෙයා පොත කොටස් දෙකකට බෙදා වෙන් කළ හැක: (1) හොෂෙයා 1:1–3:5හී විස්තර කරනු ලබන්නේ අනාචාර බිරිදක් සහ විශ්වාසවන්ත ස්වාමි පුරුෂයෙකුල එනම් රූප නමස්කාරය හේතුකොටගෙන ඉශ්‍රායලිතයන්ගෙන් දෙවියන්වහන්සේට වූ අවිශ්වාසවන්තභාවයේ සංකේතාත්මක භාවයයි. (2) හොෂෙයා 3:6–14:9 හී අන්තර්ගත වන්නේ ඉශ්‍රායෙල්හී දෝෂාරෝපණය, විශේෂයෙන්ම සමාරියාවේ, රූප නමස්කාරය සහ පසුකාලීන ප්‍රතිෂ්ඨාපනයයි.

මෙම පොතෙහි පළමු කොටසෙහි අන්තර් වන්නේ දෙවියන්වහන්සේගේ දරුවන් කලින් කලට රූප නමස්කාරයට නැවත නැවතත් හැරී ඒම පිළිබදව සන්නිදර්ශණය කරන්නාවූ ඉතාමත් විශිෂ්ටවූ කාව්‍යයන් 3 කි. දෙවියන් වහන්සේ විසින් හොෂෙයාට ගෝමර්ව විවාහ කර ගැනීමට අණ කරනු ලදුව දරුවන් තිදෙනෙක් ප්‍රසූත කිරීමෙන් අනතුරුව ඇය හොෂෙයාගෙන් වෙන්ව ඇයගේ පෙම්වතුන් කරා ගමන් කරන ලද්දීය. මෙම සංකේතාත්මත අවධාරණය ප්‍රථම පරිච්ඡේදයේ පැහැදිලිව දක්නට ලැබෙන්නේ හොෂෙයා ඉශ්‍රායෙලයෙහි ක්‍රියා සංසන්දනය කරනු ලබන්නේ විවාහයකින් වෙශ්‍යයාවකගේ ජීවිතයට පත්වන ආකාරයටය. දෙවන කොටසෙහි අන්තර්ගත වන්නේ හොෂෙයාගෙන් ඉශ්‍රායලිතයන්ට වූ ප්‍රකට චෝදනාව වු නමුත් එය අනුගමනය කරනු ලැබුවේ දෙවියන්වහන්සේගේ පොරොන්දු සහ දයාවන්ය.

හොෂෙයා පොත වූ කලී දෙවියන්වහන්සේ දරුවන් කෙරෙහි උන්වහන්සේට ඇති නිර්දය ප්‍රේමය පිළිබදවූ අනාවැකි වලින් හෙබි වාර්තාකරණයක්ය. කාලයේ ආරම්භය පටන්ම දෙවියන්වහන්සේගේ අකෘතඥ සහ කිසිවක් ලබන්ට නුසුදුසුවූ මැවිල්ල දෙවියන්වහන්සේගේ ප්‍රේමය, කරුණාව සහ දයාව පිළිගනු ලැබුවේ එහි දුෂ්ටකමෙන් තවමත් නොවැළකී සිටීමට තිබූ නොහැකියාවෙනි.

හොෂෙයා පොතෙහි අවසාන කොටස තුලින් පෙන්වා දෙනු ලබන්නේ දෙවියන්වහන්සේගේ දරුවන් පශ්චාතාපවූ හදවතකින් නැවත උන්වහන්සේ වෙතට හැරුණු කල එතුමාණන් ඔවුන්ගේ අපක්‍රියා අමතක කොට දමා උන්වහන්සේගේ ප්‍රේමය නැවත වරක් ප්‍රතිෂ්ඨාපනය කරන අයුරුය. හොෂෙයාගේ අනාවැකි වලින් හෙබි පණිවුඩය මගින් අපට පූර්ව ප්‍රකාශයක් කරනු ලබන්නේ අනාගතයේදී වසර 700 කින් එනු ලබන ඉශ්‍රායෙල්හී මෙසියස් වහන්සේගේ පැමිණීම පිළිබදවය. හොෂෙයාව නිතරම නව ගිවිසුමේ උපුටා දක්වනු ලබයි.

ලකුණු පහල වීම්: දෙවියන්වහන්සේගෙන් වූ අපූරු අනාවැකිමය පණිවුඩය නම් හොෂෙයා 2:23 වන අතර එය වූ කලී දෙවියන්වහන්සේ (යුදෙව් නොවූ) අන්‍ය ජාතීන් තමන්වහන්සේගේ දරුවන් ලෙස ඇතුළත් කර ගන්න බවය. මෙය රෝම 9:25 සහ 1 පේත්‍රැස් 2:10 හිද සදහන් වී ඇතග අන්‍ය ජාතීන් මූලික වශයෙන් “දෙවියන්වහන්සේ සෙනග” නොවුනු අතර උන්වහන්සේගේ කරුණාව සහ දයාව කරණකොටගෙන යේසුස්ක්‍රිස්තුස්වහන්සේව අපට ලබාදී එතුමන් කෙරෙහි වූ ඇදහිල්ල තුලින් උන්වහන්සේගේ සෙනග නමැති වෘක්ෂයට අපවද බද්ධ කරනු ලැබූවෙමු (රෝම 11:11–18). සභාව පිළිබදව මෙය විශ්මජනක සත්‍යයකි, මෙය “අභිරහසක්” ලෙස හඳුන්වනු ලැබුවවේ ක්‍රිස්තුස්වහන්සේගේ පැමිණීමට ප්‍රථමයෙන් දෙවියන්වහන්සේගේ සෙනග ලෙස සලකනු ලැබුවේ යුදෙව්වන් පමණි. ක්‍රිස්තුස්වහන්සේ පැමිණි කළ යුදෙව්වන් තාවකාලිකව අන්ධභාවයට පත් කරනු ලැබුවේ අන්‍ය ජාතීන්ගේ සම්පූර්ණත්වය පැමිණෙන තුරුය (රෝම 11:25).

ප්‍රායෝගික උපයෝගය: හොෂෙයා පොත තුළින් සහතික වනු ලබන්නේ උන්වහන්සේගේ දරුවන්ට දෙවියන්වහන්සේගේ කොන්දේසි රහිතවූ ප්‍රේමයයි. එසේම එය උන්වහන්සේගේ දරුවන්ගේ ක්‍රියා කරණකොටගෙන දෙවියන් වහන්සේ අගෞරවයට සහ උදහසට ලක්වීම පිළිබදවද පින්තාරුවකි. දරුවෙකුට ප්‍රේමය, දයාව සහ කරුණාව බහුලත්වයකින් ලබා දුන් පසුත් පියාණන්වහන්සේට මෙතරම් අගෞරවයකින් සලකන්නේ කෙසේද?එනමුත් ශතවර්ෂ ගණන් පුරා අප විසින් කර ඇත්තේද එයම පමණි. ඉශ්‍රායලිතයන් දෙවියන්වහන්සේට පිටුපෑ අයුරු සලකා බලන විට අප වැඩි ඈතක් නොබලා අප ඉදිරියේ ඇති කැඩපත දෙස බැලිය යුත්තේ එම ඉශ්‍රායලිතයන්ගේම ඡායාවක් දකිනු වස්ය.

දෙවියන්වහන්සේ අප එකිනෙකාට කර ඇති සෑම දෙයක්ම සිහි කර ගැනීම තුළින්ල අපට සැබවින්ම යෝග්‍යවූ පාතාලය වෙනුවට මහිමයෙන් යුතුවූ සදාකාල ජීවනය ලබා දිය හැකි එකම තැණන්වහන්සේව ප්‍රතික්ෂේප කිරීම මග හරවා ගත හැක. අපගේ මැවුම්කරුවාණන්ට ගරු කිරීමට ඉගෙන ගැනීම අත්‍යවශ්‍ය වූවකි. හොෂෙයා අපට පෙන්වා දී ඇත්තේ අප වරදක් කළ විට අප ශෝකජනක හදවතකින් පශ්තාපවීමට පොරොන්දු වුවහොත් දෙවියන්වහන්සේ නැවතත් උන්වහන්සේගේ කිසිදා අවසන් නොවන්නාවූ ප්‍රේමය දක්වනු ලබන සේක යනුයිග (1 යොහාන් 1:9). English



පැරණි ගිවිසුම පිළිබඳ සමීක්ෂණය



නැවතත් සිංහල මුල් පිටුවට

හොෂෙයා පොත
මෙම පිටුව බෙදා ගන්න: Facebook icon Twitter icon Pinterest icon Email icon
© Copyright Got Questions Ministries