පැරණි ගිවිසුම හා සම්බන්ධ කතාව කුමක්ද?


ප්‍රශ්නය: පැරණි ගිවිසුම හා සම්බන්ධ කතාව කුමක්ද?

පිළිතුර:
ආරම්භයේදීම දෙවියන් වහන්සේ එහි සිටියේය. දෙවියන් වහන්සේ තමාගේ යහපත උදෙසා කාලය හා විශ්වය මැව්වේ උන් වහන්සේගේ වචනයේ බලයෙන්ය. මැවීමේ හයවෙනි දවසේදී, දෙවියන් වහන්සේ අද්විතීය දෙයක් නිර්මාණය කළේය: මිනිසා — එනම් පුරුෂයා හා ස්ත්‍රිය — උන්වහන්සේගේ ස්වරූපයෙන් මවන ලදි. දෙවියන් වහන්සේ පළමු මිනිසුන් දෙදෙනා පිරිමි හා ගැහැණු වශයෙන් මැවූ විට, උන්වහන්සේ විවාහය නම් වු ගිවිසුම ස්ථාපිත කළේය (උත්පත්ති 1-2).

දෙවියන් වහන්සේ මිනිසා සහ ඔහුගේ බිරිඳ පරිපූර්ණ පරිසරයක් වන ඒදන් උයනේ තැබූ අතර උයනේ රැකවරණය පිළිබඳ වගකීම ඔවුන්ට ලබා දුන්නේය. දෙවියන් වහන්සේ උයනේ ඇති ඕනෑම පලතුරක් අනුභව කිරීමට ඔවුන්ට ඉඩ හැරියේය: යහපත හා නපුර දැන ගැනීමේ ගස ඔවුන්ට තහනම් විය. ඔවුන්ට කීකරු වීමට හෝ අකීකරු වීමට තෝරාගැනීමක් තිබුණත්, ඔවුන් අකීකරු වුවහොත් මරණය සිදුවනු ඇතැයි දෙවියන් වහන්සේ ඔවුන්ට අනතුරු ඇඟවීය (උත්පත්ති 2:15-17).

මේ අතර, ලුසිෆර් නම් බලවත් දේවදූතයෙක් ස්වර්ගයේ දෙවියන් වහන්සේට විරුද්ධව කැරලි ගැසුවේය. ඔහු සහ දේවදූතයන්ගෙන් තුනෙන් එකක් ස්වර්ගයෙන් නෙරපනු ලැබීය. ලුසිෆර් මිනිසා සහ ඔහුගේ බිරිඳ සිටි උයනට පැමිණියේය. එහිදී ඔහු සර්පයෙකුගේ ස්වරූපය ගත් අතර තහනම් කල ගෙඩි ගෙන අනුභව කිරීමෙන් දෙවියන් වහන්සේට අකීකරු වීමට පළමු ස්ත්‍රිය වූ ඒවව පොළඹවා ගත්තේය. ඔහු ඇයට කීවේ ඇය මිය නොයන බවත් එම ගෙඩි ඇත්තෙන්ම ඇයට හොඳ බවත්ය. ඇය බොරු විශ්වාස කළ අතර ගෙඩ් ටිකක් කෑවාය. පසුව ඇය තම ස්වාමිපුරුෂයා වූ ආදම්ටත් ලබා දුන් අතර ඔහුත් එය අනුභව කළේය. වහාම ඔවුන් දෙදෙනා වැරැද්දක් කර ඇති බව යුවළ දැන සිටියහ. ඔවුන්ට ලැජ්ජාවක් හා අවදානමක් හා නිරාවරණයක් දැනුණි. දෙවියන් වහන්සේ ඔවුන් සොයන විට ඔවුන් සැඟවී සිටියහ (යෙසායා 14:12-15; උත්පත්ති 3).

ඇත්ත වශයෙන්ම, දෙවියන් වහන්සේ ඔවුන්ව සොයාගත්තේය. විනිශ්චය සකස් කරන ලදී. මිනිසා වෙනුවෙන් භූමිය ශාපයට ලක් විය: එය තවදුරටත් එහි පල පහසුවෙන් ගෙන එන්නේ නැත; ඒ වෙනුවට මිනිසා බෝගයක් නිපදවීමට වෙහෙස විය යුතුය. දරු ප්‍රසූතියේදී කාන්තාව වේදනාවෙන් ශාපයට ලක් විය. එතැන් සිට සර්පයාට දූවිල්ලෙහි බඩගා යාමට ශාප විය. එවිට දෙවියන් වහන්සේ පොරොන්දුවක් දුන්නේය: කවදා හෝ සර්පයා සමඟ සටන් කිරිමට ස්ත්‍රියකගෙන් කෙනෙකු උපත ලබන බව . මෙම ක්‍රියාවලියේදී ඔහුට තුවාල සිදුවුවද, ඔහු සර්පයාගේ හිස පොඩි කරනු ඇත. දෙවියන්වහන්සේ සතෙකුව ඝාතනය කර පව්කාර යුවළට ඒදන් උයනේ සිට පන්නා දැමීමට පෙර සම ආවරණ ලබා දුන්නේය (උත්පත්ති 3:15-19, 21).

පළමු යුවළගේ පවුල තුළ යහපත හා නපුර අතර අරගලය දිගටම පැවතුනි. ඔවුන්ගේ එක් පුතෙකු වූ කායින් ඔහුගේ සහෝදර ආබෙල්ව ඝාතනය කළ අතර ඔහුගේ ක්‍රියාව නිසා ශාප කරනු ලැබීය. පළමු කාන්තාවට තවත් දරුවෙකු උපත ලැබීය. ඔහුගේ නම සෙත් (උත්පත්ති 4:8, 25).

පරම්පරා කිහිපයකට පසු ලෝකය දුෂ්ටකමින් පිරී ගියේය. ප්‍රචණ්ඩත්වය සහ දෙවියන්වහන්සේ නොසලකා හැරීම බහුලව සිදු විය. මිනිසාගේ දුෂ්ටකම විනාශ කර නැවත ආරම්භ කිරීමට දෙවියන් වහන්සේ තීරණය කළේය. සෙත්ගේ පරම්පරාවෙන් කෙනෙකුවූ නෝවා නම් මිනිසෙකු කරුණාව ලැබීය (නුසුදුසු අයට දෙවියන් වහන්සේගේ ආශීර්වාදය). පොළොව විනාශ කිරීම සඳහා විශාල ජල ගැල්මක් එවන බව දෙවියන්වහන්සේ නෝවාට හෙළි කළ අතර ජලගැල්මෙන් බේරීම සඳහා නැවක් සෑදීමට උන්වහන්සේ නෝවාට උපදෙස් දුන්නේය. නෝවා නැව ගොඩ නඟා, කාලය පැමිණි විට දෙවියන්වහන්සේ සෑම වර්ගයකම සතුන් නැවට ඇතුල් කලේය. මෙම සතුන්, නෝවා සහ ඔහුගේ පවුලේ අය සමඟ බේරුණා. ජලගැල්ම පෘථිවියේ අනෙකුත් සෑම ජීවියෙකුම විනාශ කළේය (උත්පත්ති 6-8).

ජලගැල්මෙන් පසු නෝවා සහ ඔහුගේ පවුලේ අය පොළොව නැවත ජනනය කිරීමට පටන් ගත්හ. ඔවුන්ගේ පරම්පරාව දෙවියන්වහන්සේට විරුද්ධව ස්මාරකයක් ගොඩනඟා ගැනීමට පටන් ගත් විට, දෙවියන් වහන්සේ ඔවුන්ගේ භාෂාව ව්‍යාකූල කළහ. පෘථිවියේ වැසියන් ඔවුන්ගේ භාෂා කණ්ඩායම් අනුව වෙන් වී පොළොව පුරා පැතිරී ගියේය. (උත්පත්ති 11:1-8).

සර්පයාව පාගාදමන්නාව ලෝකයට හඳුන්වා දීමේ දෙවියන් වහන්සේගේ සැලැස්ම ආරම්භ කිරීමට කාලය පැමිණ තිබුණේය. පළමු පියවර වූයේ තමා වෙනුවෙන් වෙන් වූ ජනතාවක් නිර්මාණය කිරීමයි. උන්වහන්සේ නව මිනිසුන්ගේ ආරම්භ කිරීමක් සඳහා ආබ්‍රහම් සහ ඔහුගේ බිරිඳ සාරා තෝරා ගත්තේය. දෙවියන් වහන්සේ ආබ්‍රහම්ව තම නිවසින් කැඳවා කානාන් දේශයට ගෙන ගියේය. දෙවියන් වහන්සේ ආබ්‍රහම්ට පොරොන්දු වූයේ කානාන් තමන්ගේ යැයි කියා අසංඛ්‍යාත පරම්පරාවක්. දෙවියන් වහන්සේ ආබ්‍රහම්ගේ වංශයට ආශීර්වාද කරන බවත්, එම වංශය තුළින් පොළොවේ සියලු ජාතීන්ට ආශීර්වාද කරන බවත් පොරොන්දු විය. ගැටලුව වූයේ ආබ්‍රහම් සහ සාරා මහලු වීම සහ සාරා වඳ වීමයි. නමුත් ආබ්‍රහම් දෙවියන් වහන්සේගේ පොරොන්දුව විශ්වාස කළ අතර දෙවියන්වහන්සේ ආබ්‍රහම්ගේ ඇදහිල්ල ධර්මිෂ්ධකම ලෙස ගණන් ගත්තේය (උත්පත්ති 12:1-4; 15:6).

නියමිත වේලාවට දෙවියන් වහන්සේ ආබ්‍රහම්ට සහ සාරාට ඊසාක් නම් පුතෙක් ලබා දුන්නා. දෙවියන්වහන්සේ බොහෝ පරම්පරාවන් ගැන පොරොන්දු වී ඊසාක්ට ආශීර්වාද කලේය . ඊසාක්ට නිවුන් දරුවන් ලෙස ඒසව් සහ යාකොබ් විය. පොරොන්දු වූ ආශීර්වාදය උරුම කර ගැනීමට දෙවියන්වහන්සේ යාකොබ්ව තෝරාගෙන ඔහුගේ නම ඊශ්‍රායෙල් ලෙස වෙනස් කලේය. යාකොබ්ට / ඊශ්‍රායෙල්ට පුතුන් දොළොස් දෙනෙක් සිටි අතර ඔවුන් ඊශ්‍රායෙල් ගෝත්‍ර දොළොසෙහි ප්‍රධානීන් බවට පත්විය (උත්පත්ති 21:1-6; 25: 19-26; 28: 10-15; 35: 23-26).

දරුණු සාගතයක් නිසා යාකොබ් තම මුළු පවුලම කානාන් සිට ඊජිප්තුවට පදිංචියට ගියේය. යාකොබ් මිය යන්නට පෙර ඔහුගේ සෑම පුත්‍රයෙකුටම අනාවැකිමේ ආශීර්වාද ලබා දුන්නේය. යූදාට, ඔහුගෙන් පැවතෙන්නන් අතර රජෙකු සිටින බවට ඔහු පොරොන්දු විය. ඔහු ලෝකයේ සියලු ජාතීන් විසින් ගෞරවයට පාත්‍ර වනු ඇති බවත් ,යාකොබ්ගේ පවුල ඊජිප්තුවේ වැඩි වූ අතර ඊළඟ අවුරුදු 400 තුළ ඔවුන් එහි රැඳී සිටියහ. ඊශ්‍රායල් දරුවෝ හැසිරවිය නොහැකි තරම් විශාල වේ යැයි බියෙන් ඊජිප්තුවේ රජ ඔවුන්ව වහල් භාවයට පත් කළේය. ඊශ්‍රායෙල් ජනතාව ඊජිප්තුවෙන් පිටතට ගෙන ආබ්‍රහම්ට පොරොන්දු වූ දේශයට නැවත ගෙන ඒම සඳහා දෙවියන් වහන්සේ ලෙවී ගෝත්‍රයේ මෝසෙස් නම් අනාගතවක්තෘවරයෙකුව නැඟිටුවනු ලැබිය (උත්පත්ති 46; 49; නික්මයාම 1:8-14; 3:7 -10).

ඊජිප්තුවෙන් නික්ම යාමත් සමඟ රතු මුහුදෙන් වෙන්වීම ඇතුළු විශාල ප්‍රාතිහාර්යයන් රාශියක් සිදුවිය. ඊජිප්තුවෙන් ආරක්ෂිතව පිටත් වූ පසු, ඉශ්‍රායෙල්වරු සීනයි කන්දේ කඳවුරු බැඳ ගත්තෝය. දෙවියන්වහන්සේ මෝසෙස්ට ව්‍යවස්ථාව දෙනු ලැබුවේ සීනයි කන්දේදිය. දස පනත ලෙස සාරාංශගත කර ඇති මෙම නීතිය දෙවියන්වහන්සේ ඊශ්‍රායෙලය සමඟ ඇති කරගත් ගිවිසුමක පදනමයි: ඔවුන් උන්වහන්සේගේ ආඥා පිළිපදින්නේ නම් ඔවුන්ට ආශීර්වාද ලැබෙනු ඇත, නමුත් ඔවුන් උන්වහන්සේගේ ආඥා කඩ කළහොත් ඔවුන්ට ශාප ලැබෙනු ඇත. දෙවියන්වහන්සේගේ ව්‍යවස්ථාව අනුගමනය කිරීමට ඊශ්‍රායෙලය එකඟ විය (නික්මයාම 7–11; 14: 21-22; 19-20).

සදාචාර සංග්‍රහයක් ස්ථාපිත කිරීමට අමතරව, නීතිය මගින් පූජකයාගේ කාර්යභාරය නිර්වචනය කර ඇති අතර පාපයට සමාව ලබා ගැනීම සඳහා පූජා ඔප්පු කිරීමට නියම කළේය. සමඟි කිරීම කළ හැක්කේ පිරිසිදු පූජාවක ලේ වැගිරීමෙන් පමණි. දෙවියන්වහන්සේගේ අභිමුඛත්වය පැවතිම පිනිස වාසස්ථානය වන ශුද්ධ දේවමාලිගාවක් හෝ කූඩාරමක් ගොඩ නඟන්නේ කෙසේද යන්නත්, උන්වහන්සේ තම සෙනඟ හමුවන්නේ කොතැනද යන්නත් ව්‍යවස්ථාව විස්තර කරයි (ලෙවී කථාව 1; නික්මයාම 25:8-9).

ව්‍යවස්ථාව ලැබීමෙන් පසු මෝසෙස් ඉශ්‍රායෙල්වරුන්ව පොරොන්දු දේශයේ දේශ සීමාවට ගෙන ගියේය. එහෙත්, කානාන්හි යුධමය වාසීන්ට බියවී දෙවියන්වහන්සේගේ පොරොන්දු සැක කරමින් ජනයා ඇතුළු වීම ප්‍රතික්ෂේප කළහ. දඬුවමක් වශයෙන්, දෙවියන් වහන්සේ ඔවුන්ව නැවත පාළුකරයට හරවා, එහිදී ඔවුන්ට අවුරුදු 40 ක් පුරා ඉබාගාතේ යාමට සිදුවිය. දෙවියන්වහන්සේගේ වරප්‍රසාදය අනුව, දෙවියන් වහන්සේ මුළු සමූහයටම ආශ්චර්යමත් ලෙස ආහාර හා ජලය ලබා දුන්හ (ගණන් කථාව 14:1-4, 34-35; නික්මයාම 16:35).

අවුරුදු 40 ක් අවසානයේදී මෝසෙස් මිය ගියේය. ඔහුගේ අවසාන අනාවැකිවලින් එකක් වූයේ මෝසෙස් හා සමාන වන තවත් දිවැසිවරයෙක්ගේ පැමිණීම හා ජනයා සවන් දිය යුතු බවත්ය. මෝසෙස්ගේ අනුප්‍රාප්තිකයා වූ යෝෂුවා දෙවියන්වහන්සෙගේ විසින් ඊශ්‍රායෙල් ජනතාව පොරොන්දු දේශයට ගෙන යාමට යොදා ගත්තේය. ඔවුන්ගේ සතුරන් කිසිවෙකුටත් ඔවුන්ට විරුද්ධව නැගී සිටිය නොහැකි බවට දෙවියන් වහන්සේ දුන් පොරොන්දුව සමඟ ඔවුහු ගියහ. දෙවියන්වහන්සේ තම බලය පෙන්වූයේ ඔවුන් හමු වූ පළමු නගරය වන ජෙරිකෝවේදිය. නගරයේ බිත්ති සමතලා විය. දෙවියන්වහන්සේගේ වරප්‍රසාදය හා දයාව නිසා දෙවියන් වහන්සේ ජෙරිකෝවේ විනාශයෙන් රාහාබ් නම් විශ්වාසවන්ත ගණිකාවක් බේරා ගත්හ (ද්විතීය කථාව 18:15; යෝෂුවා 6).

ඊළඟ වසරවලදී, කානානිවරුන්ගෙන් බොහෝ දෙනෙකුව පලවා හැරීමට යෝෂුවා සහ ඉශ්‍රායෙල්වරු සමත් වූ අතර දේශය ගෝත්‍ර දොළොස් දෙනා අතර බෙදී ගියේය. කෙසේ වෙතත්, භූමිය අත්පත් කර ගැනීම අසම්පූර්ණ විය. ඇදහිල්ල නොමැතිකම සහ සරල අකීකරුකම නිසා ඔවුන් එම කාර්යය නිම කිරීමට අසමත් වූ අතර කානානිවරුන් සමහරක් ඉතිරි විය. මෙම මිථ්‍යාදෘෂ්ටික බලපෑම් දෙවියන්වහන්සේගේ නීතිය කෙලින්ම උල්ලංඝානය කරමින් රූප වන්දනාමාන කිරීමට පටන් ගත් ඉශ්‍රායෙල්වරුන්ට බලපෑමක් ඇති කළේය (යෝෂුවා 15:63; 16:10; 18:1).

යෝෂුවාගේ මරණයෙන් පසු, ඉශ්‍රායෙල්වරු කලබලකාරී කාලයක් අත්විඳිති. ජාතිය රූප වන්දනාවට වැටුනූ අතර දෙවියන්වහන්සේ සතුරෙකුට වහල් භාවයට පත්විමක් ලෙස විනිශ්චය ගෙනායේය. දෙවියන්වහන්සේගේ සෙනඟ පසුතැවිලි වී සමිඳාණන්වහන්සේගෙන් උපකාර ඉල්ලා සිටියහ. පිළිම විනාශ කිරීමට, ජනතාව පෙළගැස්වීමට සහ සතුරා පරාජය කිරීමට දෙවියන්වහන්සේ විනිශ්චයකරුවෙකු මතු කරයි. සාමය ටික කලක් පවතිනු ඇත, නමුත්, විනිසුරුවරයාගේ මරණයෙන් පසු, ජනතාව නිරතුරුවම රූප වන්දනාවට වැටුණු අතර, චක්‍රය නැවත සිදුවිය. (විනිශ්චයකාරයෝ 17:6).

අවසාන විනිශ්චයකරු වූයේ අනාගතවක්තෘවරයෙකු වූ සාමුවෙල්ය. ඔහුගේ කාලය තුළ ඊශ්‍රායෙලය රජෙකු ඉල්ලා සිටියේ අනෙක් ජාතීන් මෙන් වීමට ඔවුන්ව පාලනය කරන ලෙසයි. දෙවියන්වහන්සේ ඔවුන්ගේ ඉල්ලීම ඉටු කළ අතර සාමුවෙල් සාවුල්ව ඊශ්‍රායෙලයේ පළමු රජු ලෙස අභිෂේක කළේය. කෙසේවෙතත්, සාවුල් බලාපොරොත්තු සුන්වීමක් විය. ඔහු දෙවියන්වහන්සේට අකීකරු වූ අතර බලයෙන් ඉවත් කරනු ලැබීය. සාවුල්ගෙන් පසු රජ වීමට දෙවියන් වහන්සේ යූදා ගෝත්‍රයේ දාවිත්ව තෝරා ගත්තේය. දෙවියන්වහන්සේ දාවිත්ට පොරොන්දු වූයේ ඔහුට සිංහාසනය මත සදහටම රජකම් කරන පරම්පරාවක් සිටින බවය (1 සාමුවෙල් 8:5; 15: 1, 26; 1 ලේකම් 17:11-14).

දාවිත්ගේ පුත් සලමොන් දාවිත්ගේ මරණයෙන් පසු යෙරුසලමේ රජකම් කළා. සලමොන්ගේ පුත්‍රයාගේ පාලන සමයේදී සිවිල් යුද්ධයක් ඇති වූ අතර රාජ්‍යය බෙදී ගියේය: උතුරු රාජධානිය ඊශ්‍රායෙලය ලෙසත් දකුණු රාජධානිය යූදා ලෙසත් හැඳින්වේ. දාවිත් රාජවංශය යූදාහි පාලනය කළේය (1 රාජාවලිය 2:1; 12).

ඉශ්‍රායෙල් රාජ්‍යයට නොකඩවා දුෂ්ට රජවරු සිටියහ. ඔවුන්ගෙන් කිසිවෙකු දෙවියන්වහන්සේගේ නීතියට අනුව ස්වාමින්ව සෙවීමට හෝ ජාතිය මෙහෙයවීමට උත්සාහ කළේ නැත. ප්‍රාතිහාර්යයන් කරන එලියා සහ එලිෂා ඇතුළු අනතුරු ඇඟවීමට දෙවියන් වහන්සේ අනාගතවක්තෘවරුන්ව එව්නු ලැබිය. නමුත් රජවරු ඔවුන්ගේ දුෂ්ටකම දිගටම කරගෙන ගියේය. අන්තිමේදී දෙවියන්වහන්සේ අෂූරියේ ජාතිය විනිශ්චය සඳහා ඊශ්‍රායෙලයට ගෙනාවේය. අෂූරියයන් බොහෝ ඉශ්‍රායෙල්වරුන්ව පිටුවහල් කළ අතර එය උතුරු රාජධානියේ අවසානය විය. (1රාජාවලිය 17:1; 2 රාජාවලිය 2; 17).

යූදා රාජධානියේ දුෂ්ට රජවරුන්ගේ කොටස තිබුණත්, දම්වැල කැඩී ගියේ ඉඳහිට දේවභක්තික රජෙකු විසිනි. ඔහු සමිඳාණන්වහන්සේට සැබවින්ම ප්‍රේම කළ අතර ව්‍යවස්ථාවට අනුව පාලනය කිරීමට උත්සාහ කළේය. දෙවියන්වහන්සේ තම පොරොන්දුවට විශ්වාසවන්තව සිටි ජනතාව උන් වහන්සේගේ ආඥා පිළිපදින විට ඔවුන්ට ආශීර්වාද කළහ. ඇසිරියානු ආක්‍රමණයේදී ජාතිය ආරක්ෂා වූ අතර තවත් බොහෝ තර්ජන දරා සිටියේය. මේ කාලය තුළ අනාගතවක්තෘ යෙසායා යූදාගේ පව්වලට විරුද්ධව දේශනා කළ අතර බබිලෝනීය ආක්‍රමණය කලින් දුටුවේය. සමිඳාණන්වහන්සේගේ සේවකයාගේ පැමිණීම ගැන ද යෙසායා පුරෝකථනය කළේය. එතුමා තම සෙනඟගේ පව් නිසා දුක් විඳ මහිමයට පත් වී දාවිත්ගේ සිංහාසනයෙහි හිඳගනු ඇති බව. පොරොන්දු වූ තැනැත්තා බෙත්ලෙහෙමේ උපත ලබන බවට අනාගතවක්තෘ මීකා අනාවැකි පළ කළේය (යෙසායා 37; 53: 5; මීකා 5: 2).

අවසානයේදී යූදා ජාතියද රූප වන්දනාවට වැටුණි. දෙවියන්වහන්සේ යූදාට විරුද්ධව බබිලෝනිය විනිශ්චය කලේය. අනාගතවක්තෘ යෙරෙමියා යෙරුසලමේ වැටීම අත්විඳින අතර බබිලෝනියේ සිටි යුදෙව් වහලුන් අවුරුදු 70 කට පසු නැවත පොරොන්දු දේශයට පැමිණෙනු ඇතැයි පුරෝකථනය කළේය. යෙරෙමියා අනාගත ගිවිසුමක් ගැන අනාවැකි පළ කළේ ව්‍යවස්ථාව ගල් පුවරු මත නොව දෙවියන් වහන්සේගේ සෙනඟගේ හදවත් තුළ ලියා ඇති බවය. මෙම නව ගිවිසුමේ ප්‍රතිපලය වනුයේ දෙවියන් වහන්සේ පාපයට සමාව දීමයි (2 රාජාවලිය 25:8-10; යෙරෙමියා 29:10; 31:31-34).

බබිලෝනියේ වහල්භාවය අවුරුදු 70 ක් පැවතුනි. අනාගතවක්තෘවරුන් වන දානියෙල් සහ එසකියෙල් ඒ කාලය තුළ සේවය කලේය. බොහෝ ජාතීන්ගේ නැගීම හා වැටීම ගැන දානියෙල් පුරෝකථනය කළේය. අන් අය උදෙසා මරා දමන මෙසියස් නොහොත් තෝරාගත් තැනැත්තාගේ පැමිණීම ගැන ද ඔහු පුරෝකථනය කළේය (දානියෙල් 2:36-45; 9:26).

බබිලෝනිය පර්සියානුවන්ට වැටීමෙන් පසු යූදා වෙත ආපසු යෑමට යුදෙව්වන්ව නිදහස් කරන ලදි. බොහෝ යුදෙව්වන් ජෙරුසලම සහ දේවමාළිගාව නැවත ගොඩනැඟීම සඳහා ආපසු ගීයේය. නෙහෙමියා සහ එස්රා එම උත්සාහයන් මෙහෙයවූයේ අනාගතවක්තෘවරුන් වන හග්ගයි සහ සෙකරියාගේ දිරිගැන්වීමෙනි. සෙකරියාගේ අනාවැකිවලින් එකක් නම්, බූරුවෙකු පිට නැඟී නිහතමානීව යෙරුසලමට පැමිණෙන අනාගත රජෙකුගේ විස්තරයකි (නෙහෙමියා 6:15-16; එස්රා 6:14-15; සෙකරියා 9: 9).

කෙසේවෙතත්, සියලු යුදෙව්වන් යූදා වෙත ආපසු නොගියහ. බොහෝ දෙනෙක් පර්සියාවේ නැවතී සිටීමට තීරණය කළා. එස්තර් නම් යුදෙව් ස්ත්‍රියක් පර්සියාවේ රැජින ලෙස නැගී සිටි අතර රාජධානියේ සිටි සියලුම යුදෙව්වන්ගේ ජීවිත බේරා ගැනීමට ඉවහල් විය (එස්තර් 8:1).

මලාකී පරණ ගිවිසුමේ අවසාන පොත ලිවීය. සමිඳාණන්වහන්සේ සිය මාලිගාවට පැමිණෙන බව ඔහු පුරෝකථනය කළ නමුත්, උන්වහන්සේ පැමිණීමට පෙර තවත් දූතයෙකු සමිඳාණන්වහන්සේට මාර්ගය සූදානම් කරනු ලැබීය. මෙම දූතයා පුරාණ අනාගතවක්තෘ එලියාට සමාන වනු ඇත බවත්, මලාකීගේ අනාවැකියෙන් පසු, දෙවියන්වහන්සේ මිනිසාට කෙලින්ම කථා කිරීමට තවත් වසර 400 කට පෙර සිදුවීය (මලාකී 3:1; 4:5).

පරණ ගිවිසුම යනු මිනිසාගේ මිදීම ගෙන ඒමට දෙවියන්වහන්සේගේ සැලැස්මේ කතාවයි. පරණ ගිවිසුම අවසානයේ දෙවියන්වහන්සේට පූජා කිරීමේ වැදගත්කම අවබෝධ කරගත්, ආබ්‍රහම්ට හා දාවිත්ට දුන් පොරොන්දු විශ්වාස කරන, මිදුම්කරුවෙකු බලාපොරොත්තුවෙන් සිටින සුවිශේෂී තෝරාගත් ජනතාවක් ඇත. කෙටියෙන් කිවහොත්, උත්පත්ති පොතේ සඳහන් ආකාරයට සාතන් පාගා දමන්නේකු, මෝසෙස් වැනි දීවැසිවරයා , යෙසායාගේ දුක් විඳින සේවකයා, දාවිත්ගේ පුත්‍රයා, දානියෙල්ගේ මෙසියස් සහ සෙකරියාගේ නිහතමානී රජු යන සියල්ල පිළිගැනීමට ඔවුහු සූදානම්ව සිටිති. ඒ ඒක පුද්ගලයකු වු , යේසුස් ක්‍රිස්තුස් වහන්සේ.

English


නැවතත් සිංහල මුල් පිටුවට
පැරණි ගිවිසුම හා සම්බන්ධ කතාව කුමක්ද?

කොහොමද දැනගන්න ...

දෙවියන් වහන්සේ සමග සදාකාලිකත්වය



දෙවියන්ගෙන් සමාව ලබාගන්න