ප්‍රශ්නය
අවුරුදු 1000 ක පාලනයෙන් පසු දෙවියන්වහන්සේ සාතන්ව නිදහස් කරන්නේ ඇයි?
පිළිතුර
එළිදරව් 20:7-10, "අවුරුදු දහස අවසන්වූ පසු, සාතන් සිරගෙයින් නිදහස්වී, පොළොවේ සතර කොනේ සිටින ජාතීන් වන ගොග් සහ මාගොග්ව රවටා ඔවුන්ව යුද්ධයට එක්රැස් කිරීමට පිටත්වේ. ඒවා මුහුදු වෙරළේ වැලි හා සමානයි. ඔවුන් පොළොවේ පළල හරහා ගමන්කර දෙවියන්වහන්සේගේ සෙනඟගේ කඳවුර වටලා, එනම් උන්වහන්සේ ආදරය කරන නගරය. නමුත් ස්වර්ගයෙන් ගින්නක් පැමිණ ඒවා කා දැමුවේය. ඔවුන්ව රවටා ගත් යක්ෂයා මෘගයා සහ බොරු අනාගතවක්තෘවරයා විසිකළ ගෙන්දගම් වලින් පිරි ගිනිවිලට හෙළනු ලැබීය. ඔවුන්ට සදාකාලයටම වදහිංසා කරනු ලැබේ. "මෙම ඡේදයේ බයිබලය අනාවැකි පළකරන්නේ යක්ෂයා විසින් උසිගැන්වූ එක් අවසාන කැරැල්ලක් සහ කැරැල්ලට එරෙහිව තීරණාත්මක ජය ග්‍රහණයකි.
සහස්‍රයේ ආරම්භයේදී ඇදහිලිවන්තයන් පමණක් ජීවත්වේ (එළිදරව් 19:17-21) — පීඩා කාලය තුළ ජීවත්වන අය සහ ස්වාමින්වහන්සේගේ දෙවන පැමිණීමේදී නැවත පැමිණෙන අය. එය ඉතිහාසයේ අසමසම සාමයේ කාලයක් වනු ඇත (යෙසායා 2:4; යෝවෙල් 3:10; මීකා 4:3). යේසුස් වහන්සේ දාවිත්ගේ සිංහාසනය මත හිඳ උන්වහන්සේගේ සියලු මැවිල්ල පාලනය කරයි. සෑම අවශ්‍යතාවක්ම සපුරා ඇති බව යේසුස්වහන්සේ සහතික කරනු ඇති අතර, අද සමාජයේ බහුලව පවතින පාපය උන්වහන්සේ ඉවසන්නේ නැත (ගීතාවලිය 2:7–12; එළිදරව් 2:26-29; 19:11-16). අපට සිතාගත හැක්කේ එවැනි කාලයක් "පොළොවේ ස්වර්ගය" ලෙසයි.
පීඩා කාලය තුළ ජීවත්වන ඇදහිලිවන්තයන් මාරාන්තික විය හැකි අතර සහස්‍රයේ රාජධානිය තුළ පෘථිවිය නැවත ජනනය කරනු ඇත. පාපයේ විනාශය නොමැතිව, සහස්‍රය තුළ ජනගහන වර්ධනය අතිමහත් වනු ඇතැයි අපට සිතිය හැකිය. සහස්‍රයේ උපත ලැබූ සියලු දෙනා ක්‍රිස්තුස්වහන්සේගේ පොළොවේ රජකම් කිරීමේ ප්‍රතිලාභ හා ආශීර්වාද භුක්ති විඳිනු ඇත. කෙසේ වෙතත්, ඔවුන් තවමත් පව්කාර ස්වභාවයකින් උපත ලබන අතර, නිදහසේ පසුතැවිලිවී ශුභාරංචිය විශ්වාස කිරීමට සිදුවනු ඇත, පුද්ගලිකව ක්‍රිස්තුස් වහන්සේව ගැලවුම්කරුවා සහ ස්වාමීන් ලෙස තෝරා ගනී.
සහස්‍රය අවසානයේදී සාතන්ව පතුලේ වළෙන් මුදා හරිනු ඇත. එක් අවසාන කැරැල්ලකදී ඔහු පසුපස යෑමට ඔහු විශාල පිරිසක් රැවටීමට පටන් ගනී. පීඩා තවදුරටත් ඉතිහාසයට බැස යන තරමට මනුෂ්‍ය වර්ගයා ඔවුන්ගේ සාමකාමී ජීවිත සුළු කොට තැකෙනු ඇත. සමහරු දෙවියන්වහන්සේගේ යහපත්කම ගැන සැක පහළ කරති. සාතන් සමඟ කැරලිගසන සංඛ්‍යාව "මුහුදු වෙරළේ වැලි මෙනි" (එළිදරව් 20:8) යැයි පැවසුවද, ඔවුන් කැරලි නොගන්නා සංඛ්‍යාවට සාපේක්ෂව සුළුතරයක් විය හැකිය.
සාතන් මෙලොවදී ඇති කරන කරදර දෙවියන්වහන්සේ දන්නා බැවින් උන්වහන්සේ ඔහුව නිදහස් කරන්නේ ඇයි? ශුද්ධලියවිල්ල නිශ්චිත පිළිතුරක් ලබා නොදේ. කෙසේ වෙතත්, එක් හේතුවක් විය හැක්කේ මිනිස් වර්ගයාට අවසාන පරීක්ෂණයක් ලබා දීමයි. අවුරුදු 1,000 ක් තිස්සේ, පරීක්ෂකයා සිරකර තබනු ඇති අතර, පෘථිවියේ බොහෝ මනුෂ්‍යයන් කිසිවිටෙකත් අධ්‍යාත්මික ක්ෂේත්‍රයෙන් බාහිර පරීක්ෂාවක් අත්විඳිනු නොලැබේ. දෙවියන්වහන්සේ මනුෂ්‍යයා මැව්වේ නිදහස් කැමැත්තකින් වන අතර, එම කැමැත්ත පරීක්ෂා කිරීමට උන්වහන්සේ ඉඩ දෙයි. සහස්‍රරාජධානියේ උපත ලැබූ අනාගත "සහස්‍ර" වලට තවමත් ක්‍රිස්තුස් වහන්සේව අනුගමනය කිරීමට හෝ සාතන්ව අනුගමනය කිරීමට දැනුවත් තේරීමක් කිරීමට අවශ්‍යවනු ඇත. දෙවියන්වහන්සේ යක්ෂයා නිදහස් කිරීම ඔවුන්ට තෝරාගැනීමට අවස්ථාවක් ලබා දෙනු ඇත.
දෙවියන්වහන්සේ සාතන්ව නිදහස් කිරීමට තවත් හේතුවක් නම්, මුළු මනුෂ්‍ය වර්ගයා තුළම ඇති පාප ස්වභාවය කොතරම්ද යන්න නිරූපණය කිරීමයි (යෙරෙමියා 17:9 බලන්න). වසර දහස් ගණනක් දිව්‍යම නෝරාඡ්‍යයක් මිහිපිට තිබියදීත්, මිනිසාට කැරලි ගැසීමේ ගුප්ත හැකියාවක් ඇත. සාතන්ව නිදහස් කිරීමට තවත් හේතුවක් විය හැක්කේ අප කෙතරම් පහසුවෙන් රැවටී ඇත්ද යන්න නැවත අපට ඉගැන්වීමයි. රැවටිලිකාරයාගේ වචන කිහිපයක් නිසා ආදම් සහ ඒව ඔවුන්ගේ ඒදන් උයන ප්‍රතික්ෂේප කළාක් මෙන්, ආදම් සහ ඒවගේ පරම්පරාවෙන් බහුතරයක්ද එසේවනු ඇත. අප මාංශ හා රුධිරය වන අතර අප රැවටීමට ගොදුරුවේ.
සාතන්ව වළෙන් නිදහස් කිරීමේදී, දෙවියන්වහන්සේ ස්වකීය ස්වභාවය ගැන යමක් හෙළි කිරීමට අදහස් කරයි. අවුරුදු 1,000 ක් තිස්සේ, උන් වහන්සේගේ කරුණාව හා යහපත්කම අඛණ්ඩව පෙන්වනු ඇත, නමුත් එම කාලය අවසානයේදී, අකිකරුකම උන්වහන්සේ නොඉවසයි. උන් වහන්සේගේ යුක්තිය පහත වැටෙනු ඇති අතර, අකිකරුකම තෝරා ගන්නා අයට උන්වහන්සේ "දෙවන අවස්ථාවක්" ලබා නොදෙනු ඇත.
දෙවියන්වහන්සේ සහස්‍රය අවසානයේ සාතන්ව නිදහස් කිරීම මගින් සාතන් සිටි බවත් සෑමවිටම මනුෂ්‍යත්වයේ සතුරා බවත් පෙන්වයි. දෙවියන්වහන්සේ තම ප්‍රේමය අප කෙරෙහි තබා ඇති ආකාරයට සාතන් අප කෙරෙහි විශේෂ වෛරයක් ඇත. සාතන්ගේ වැටීමෙන් පසු (යෙසායා 14, එසකියෙල් 28) ඔහු ඇදහිලිවන්තයන්ගේ විරුද්ධවාදියාවූ අතර ඔහු මනුෂ්‍ය වර්ගයාගේ අවසාන රැවටිලි කාරයා ලෙස උචිත ලෙස විස්තරකර ඇත (යොහන් 8:44). ඔහුට මිනිසාට දිය හැකි හෝ පොරොන්දු විය හැක්කේ මරණය හා විනාශය පමණි (යොහන් 10:10). සාතන් එළිදරව් 20 හි සැබවින්ම පරාජිත සතුරෙකු ලෙස දක්වා ඇති අතර, ඔහුගේ අවසාන විනාශය ඔහු පසුපස එන සියල්ලන්ටම ස්ථිරය. සාතන් යනු දෙවියන්වහන්සේ ඉදිරියෙහි බල රහිතවූ මැවිල්ලකි.
අවුරුදු 1000 අවසානයේදී දෙවියන්වහන්සේ සාතන්ව නිදහස් කරන්නේ ඇයි? දෙවියන්වහන්සේ සාතන්ට කිසියම් නිදහසක් ලබා දීමට ඉඩ දෙන්නේ මන්දැයි අපට පහසුවෙන්ම විමසිය හැකිය. දෙවියන්වහන්සේගේ මහිමයේ පූර්ණත්වය හෙළිකිරීමේ දෙවියන්වහන්සේගේ පරමාධිපත්‍ය සැලැස්මේ අවසානයේ පිළිතුර සොයා ගත යුතුය. දෙවියන්වහන්සේගේ පරමාධිපත්‍යය සාතන් දක්වා විහිදේ. දෙවියන්වහන්සේට ශුද්ධවූ සැලැස්ම ක්‍රියාත්මක කිරීම සඳහා ඕනෑම දෙයක් — සාතන්ගේ නපුරු ක්‍රියා පවා භාවිතා කිරීමට හැකිය (1 තිමෝති 1:20 සහ 1 කොරින්ති 5:5 බලන්න).
English
අවුරුදු 1000 ක පාලනයෙන් පසු දෙවියන්වහන්සේ සාතන්ව නිදහස් කරන්නේ ඇයි?
