ආඥා පණත් හා සක්‍රමේන්තුන් අතර ඇති වෙනස කුමක්ද?



ප්‍රශ්නය: ආඥා පණත් හා සක්‍රමේන්තුන් අතර ඇති වෙනස කුමක්ද?

පිළිතුර:
රෝමානු කතෝලික ආගම, පෙරදිග සාධාර්මිකතාව / ඕතඩොක්ස් සහ සමහර ප්‍රොතෙස්තන්ත නිකායන් "සක්‍රමේන්තුන්" යන පදය ලකුණ / ආගමික පිළිවෙත, දෙවියන් වහන්සේගේ අනුග්‍රහයේ ප්‍රතිඵල පෞද්ගලිකව හිමිකරදීම / පවරාදීම යන්නට යොමු කිරීම සඳහා පරිහරණය කරනු ලැබේ. නියමානූකුල වශයෙන් මෙම නිකායන් තුළ සක්‍රමේන්තු හතක් වේ. ඒවා බෞතීස්මය, ස්ථීර කිරීම, ශුද්ධ මේසය, පාපෝච්චාරනය, විවාහය, ශුද්ධ අණපණත් සහ රෝගීන් ආලේප කිරීම වේ. කතෝලික සභාවට අනුව සක්‍රමේන්තු හතක් වේ. ඒවා ක්‍රිස්තුස් වහන්සේ විසින් පිහිටුවන ලද අතර පරිපාලනය සඳහා සභාවට භාර දෙන ලදී. ගැලවීම සඳහා ඒවා අවශ්‍ය වේ. ඒවා භාර දෙන අනුග්‍රහයේ වාහනය සක්‍රමේන්තු වේ. බයිබලය අපට ඉතාමත් පැහැදිලි ලෙස අනුග්‍රහය දෙනු ලබන්නේ පිටස්තර ක්‍රියාවක සළකුණක් ලෙස නොවන බව පවසන අතර ගැලවීම සඳහා කිසිම චාරිත්‍රයක් අවශ්‍ය නොවන බවද පවසයි. අනුග්‍රහය නොමිලේය. නමුත් අපගේ ගැළවුම්කාරයාණන් වන දෙවියන් වහන්සේගේ ගුණවන්තකමද මනුෂ්‍යයන් කෙරෙහි ඇති ප්‍රේමය ප්‍රකාශවූ කල, අප විසින්ම කළාවු ධර්මිෂ්ඨකමේ ක්‍රියාවලින් නොව තමන් වහන්සේගේ දයාව ලෙස නැවත ඉපදීම නැමති සේදීමෙන්ද ශුද්ධාත්මයාණන්වහන්සේගේ අලුත් කිරීමෙන්ද උන්වහන්සේ අප ගැළවූසේක. එසේය උන්වහන්සේගේ කරුණාවෙන් අප ධර්මිෂ්ඨ කරනු ලැබ, සදාකාල ජීවනයේ බලාපොරොත්තුවේ හැටියට උරුමක්කාරයන් වන පිණිස, උන්වහන්සේ අපගේ ගැළවුම්කාරයාණන්වූ යේසුස් ක්‍රිස්තුස් වහන්සේ කරණකොටගෙන ශුද්ධාත්මය අධික ලෙස අප පිට වැගිර වූ සේක (තීතස් 3:4-7).

ආඥාවක් යනු නියමිත ප්‍රතිපත්තියක් හෝ චාරිත්‍ර විධියක් වේ. ප්‍රොතෙස්තන්ත සහ ක්‍රිස්තු ධර්මය / ශුභාරංවිය පතුරවන අය ආඥා පණත් දකින්නේ ශුභාරංචි පණිවිඩයේ පසුගිය සිදුවීම් මත ක්‍රියා කිරීමක් ලෙසය, එනම් ක්‍රිස්තුස් වහන්සේ ජීවත් වුණා, මැරුණා, මළවන්ගෙන් උත්ථාන වුණා, ස්වර්ගාරෝහණ වූණා සහ යම් දිනක නැවත පැමිණෙන බවය. ආඥා පණත් යනු මිදීමේ ක්‍රියාවලියේදී යේසුස් වහන්සේ අප උදෙසා සම්පූර්ණකළාවූ ක්‍රියාව හොාඳාකාරව වටහා ගන්නා පිණිස සහ අගයන පිණිස දී ඇති දෘශ්‍යආධාරක වේ. ආඥා පණත් කරුණු තුනක් මත ස්ථීර වන අතර ඒවා යේසුස් ක්‍රිස්තුස් වහන්සේ විසින් පිහිටුවන ලද අතර අපෝස්තුලුවරුන් විසින් උගන්වන ලද අතර මුල් සභාව ඒවා පවත්වන ලදී. බෞතීස්මය සහ ශුද්ධ සහභාගිකම යන චාරිත්‍ර විධි පමණක් මෙම නිර්ණායකයන්ට ඇතුළත් වන අතර, අඥා පණත් තිබිය හැක්කේ දෙකක් පමණි. ගැළවීම සඳහා ආඥා පණත් හෝ "අනුග්‍රහයේ වාහන" හෝ දෙකෙන් එකක්වත් අවශ්‍ය නොවේ.

ආඥා පණත් යනු වෙනත් කිතුණුවන් හා පවත්වන පිණිස යේසුස් වහන්සේ අපට පවසන ලද දේවල් යනුවෙන් වටහා ගත හැකිය. බෞතීස්මය ගැන සළකන කල්හි, මතෙව් 28:18-20 දක්වා "යේසුස් වහන්සේ ඔවුන් ළඟට ඇවිත් කථා කොට: ස්වර්ගයෙහිද පොළොවෙහිද සියලු බලය මට දී තිබේ. එබැවින් නුඹලා ගොස් සියලු ජාතීන් ගෝලයන් කරපල්ලා, පියාණන්ගේත් පුත්‍රයාණන්ගේත් ශුද්ධාත්මයාණන්ගේත් නාමයට ඔවුන් බෞතීස්ම කරපල්ලා. මා විතින් නුඹලාට අණ කළ සියල්ලම පවත්වන්ට ඔවුන්ට උගන්වාපල්ලා. මමද ලෝකාන්තිමය දක්වා සෑම කල්හිම නුඹලා සමඟ සිටිමියි කීසේක". ස්වාමින්ගේ භෝජනය යනුවෙන් සඳහන් වන ශුද්ධ මේසය සඳහා ලූක් 22:19 පවසන අන්දමට "උන්වහන්සේ රොටි ගෙන ස්තුති කොට කඩා ඔවුන්ට දී: මේක නුඹලා උදෙසා දෙන ලද මාගේ ශරීරයය, මා සිහි කිරීම පිණිස මේක කරපල්ලායයි කීසේක. එලෙසම රාත්‍රී කෑමට පසු කුසලාන දී නුඹලා උදෙසා වගුරුවන මාගේ ලෙයෙහි අලුත් ගිවිසුමයය". බොහෝ සභාවන් මෙම ක්‍රියාවන් දෙක පවත්වනු ලබන නමුත් ආඥා ලෙස අවශ්‍ය ලෙස යොමු කිරීමක් සිදුවන්නේ නැත.





නැවතත් සිංහල මුල් පිටුවට



ආඥා පණත් හා සක්‍රමේන්තුන් අතර ඇති වෙනස කුමක්ද?