ප්‍රශ්නය
කෙනෝසිස් යනු කුමක්ද?
පිළිතුර
මාංසගත වීමේදී ක්‍රිස්තුස් වහන්සේ තමන්ව හිස් කර ගැනීමේ න්‍යාය ධර්මයට යෙදෙන ග්‍රීක් වචනය කෙනෝසිස් වේ. කෙනොසිස් යනු තමන්ව නිශ්ප්‍රභා කිරීම මිස, දේවත්වයෙන් තමන් හිස්වීමක් හෝ දේවත්වය මනුෂ්‍යත්වයට මාරුවීමක් නොවේ. යේසුස් වහන්සේ තමන්ව කිසිත් නැති බවට පත්කර ගනිමින් දාසයෙකුගේ රූපය ගෙන මනුෂ්‍යයින්ගේ සමානත්වයට පැමිණි බව පිලිප්පි: 2:7 සඳහන් කරයි. භුමික සේවයේදී යේසුස් වහන්සේ දෙවියන් වහන්සේගේ ස්වභාවයෙන් වැළක්වීමක් සිදු වූයේ නැත. නුමුත් ස්වර්ගීක මහිමයෙන් මුහුණට මුහුණ දෙවියන් වහන්සේ හා සමඟ තිබූ ස්වර්ගීක මහිමය පසෙකින් තැබූ සේක. ක්‍රිස්තුස් වහන්සේ මුළුමනින්ම පියාණන් වහන්සේගේ කැමැත්තට යටත් වූසේක.
කෙනොසිස්හි කොටසක් ලෙස යේසුස් වහන්සේ සමහර අවස්ථා වලදී මනූෂ්‍යත්වය / මනුසත් බව තුළ ක්‍රියා කළ සේක (යොහාන් 4:6, 19:28). දෙවියන් වහන්සේට වෙහෙසට පත් වීමක් හෝ පිපාසා වීමක් නැත. මතෙව් 24:36 මෙසේ පවසන සේක. "නුමුත් ඒ දවස හා පැය මාගේ පියාණන් වහන්සේ මිස දන්නා කෙනෙක් නැත. ස්වර්ගයෙහි දේව දූතයන්වත් පුත්‍රයාවත් දන්නේ නැත". යේසුස් වහන්සේ දෙවියන් වහන්සේ නම් දෙවියන් වහන්සේ දන්නා සියල්ල එතුමා නොදැන සිටිය හැකි දැයි ඔබ පුදුමයට පත් වන්නට පුළුවන (ගිතාවලිය 139:1-6). යේසුස් වහන්සේ පොළොවෙහි සිටි කාලය තුළදී තමන් වහන්සෙගේ යම් දිව්‍යමය ගුණාංග යටපත් කළසේක. නුමුත් යේසුස් වහන්සේ සම්පූර්ණයෙන්ම ශුද්ධවූ යුක්ති ගරුක වූ දයාවන්තවූ අනුග්‍රහ පූර්ණවූ ධර්මිෂ්ඨවූ ප්‍රේමණීය තැනන් වහන්සේ වූවද, අනුපාතික වෙනස්වීම් වලට සාපේක්‍ෂව භාජනය වූවද, යේසුස් වහන්සෙගේ සියල්ල දත් බව සහ සර්වස්ථාන වීම සිදු වූයේ නැත.
අප කෙනොසිස් පදය කරා එළඹෙන කල්හි යේසුස් වහන්සේ අත් හළ දේවල් දැන සොයා ගන්නා පිණිස අපි වඩා උත්සුක වන්නෙමුව. කෙනොසිස්හි යේසුස් වහන්සේ ගත් දේ පිළිබඳවද අඩංගු වේ. යේසුස් වහන්සේ මනුෂ්‍ය ස්වාභාවයක් ගෙන තමන්ව යටහත් කළ සේක. යේසුස් වහන්සේ ස්වර්ගයෙහි මහිමයෙන් මහිමයට පත්වීම වෙනුවට මනුෂ්‍යයෙකුවී කුරුසියෙහි මරණයට පත් කළ කෙනෙකු විය. පිලිප්පි 2”: 7-8 මෙසේ ප්‍රකාශ කරයි. "දෙවියන් වහන්සේට සමානව සිටීම තමන් විසින් අල්ලා ගෙනම සිටිය යුතු වස්තුවකැයි නොසිතා, එය ඉවත්කර, දාසයෙකුගේ ස්වරූපය ගෙන, මනුෂ්‍යයන්ගේ සමානාත්වයට පැමිණිය සේක. මනුෂ්‍යාකාරයෙන් සිටිය කලත්, මරණය, එසේය, කුරුසියෙහි මරණය දක්වා කීකරුවූ සේක". යටහත් බවේ අවසාන ක්‍රියාව ලෙස විශ්වයේ දෙවිදුන් මනුසත් බව ගෙන මැවිල්ල උදෙසා දිවි පිදුසේක. එබැවින් කෙනෝසිස් යනු සියළු සීමාවන් සහිතව,පාපය රහිතව යේසුස් වහන්සේ මනුසත් බව ගත් බවය.
English
කෙනෝසිස් යනු කුමක්ද?
