ප්‍රශ්නය
යේසුස්වහන්සේ දාවිත්ගේ පුත්‍රයා යන්නෙහි අරුත කුමක්ද?
පිළිතුර
නව ගිවිසුමේ දාහත් වරක්ම යේසුස්වහන්සේව “දාවිත්ගේ පුත්‍රයා” ලෙස විස්තර කර ඇත. එනමුත් ප්‍රශ්ණයක් පැණ නගින්නේ දාවිත් යේසුස් වහන්සේට වසර 1000 කට පමණ පෙර ජීවත් වූයේ නම් යේසුස් වහන්සේ දාවිත්ගේ පුත්‍රයා වන්නේ කෙසේද යන්නය. එයට පිළිතුර නම් දාවිත්ගේ බීජය පිළිබදව අනාවැකිය ක්‍රිස්තුස් වහන්සේ (මෙසියස්වහන්සේ) සම්පූර්ණ කරනු ලැබූ බවය (2 සාමුවෙල් 7:12–16). පොරොන්දු වනු ලැබූ මෙසියස්වහන්සේ නම් යේසුස්වහන්සේය, එහි අර්ථය නම් උන්වහන්සේ දාවිත්ගේ බීජය බවය. මතෙව් 1 හි පෙළපත සාක්ෂි දෙනු ලබන්නේ යේසුස්වහන්සේ උන්වහන්සේගේ මනුෂ්‍යයත්වයෙන් තමන් වහන්සේගේ නීතිමය පියාවූ යෝසෙප්ගේ වංශයෙන් සෘජු පැවතෙන්නෙක් බවය. ලුක් 3 වන පරිච්ඡේදයේ සදහන් වන පෙළපතෙහි යේසුස්වහන්සේගේ පරම්පරාව දෙනු ලබන්නේ උන්වහන්සේ මව වන මරියාගෙනි. යේසුස්වහන්සේ දාවිත්ගේ වංශයෙන් යෝසෙප්ගේ භාරකරත්වයෙන් සහ මරියාගේ ලේ වලින් පැවත එන සේක. මූලිකවම යේසුස් වහන්සේව දාවිත්ගේ පුත්‍රයා ලෙස සදහන් කළ නමුත් එය අර්ථවත් වූයේ පැරණි ගිවිසුමේ උන්වහන්සේ හා සම්බන්ධ වූ අනාවැකි හේතුකොටගෙන ක්‍රිස්තුස්වහන්සේ පිළිබදවූ නාමයකි.
යේසුස්වහන්සේව “ස්වාමිනි ඔබ දාවිත්ගේ පුත්‍රයාය” ලෙස කිහිප විටක්ම ආමණ්ත්‍රණය කරනු ලැබුවේ සෙනග ඇදහිල්ල කරණකොටගෙන උන් වහන්සේගෙන් දයාව සහ සුවය සොයමින් ආ කලය. යක්ෂයකු විසින් බලවත් ලෙස හිරිහැරයට ලක් කරනු ලැබූ දියණියගේ මව (මතෙව් 15:22), පාර අද්දර සිටියාවූ අන්ධ මිනිසුන් දෙදෙනා (මතෙව් 20:30) සහ උපකාරය පිණිස දාවිත්ගේ පුත්‍රයාට හඩ ගසනු ලැබූ අන්ධ බාර්තිමෙවුස්ය (මාර්ක් 10:47) ඔවුන් විසින් උන්වහන්සේට දෙනු ලැබූ ගෞරව නාම තුලින් එතුමන් කෙරෙහි වූ ඔවුන්ගේ විශ්වාසය ප්‍රකාශ කරනු ලැබීය. “ස්වාමිනි” ලෙස ප්‍රකාශ කිරීම තුළින් උන්වහන්සේගේ දේවත්වය, පාලනය සහ බලය පිළිබදව හැගීමක් පළ වූ අතර “දාවිත්ගේ පුත්‍රයා” ලෙස ආමන්ත්‍රණය කිරීම තුළින් ඔවුන් ප්‍රකාශ කරනු ලැබුවේ උන්වහන්සේ මෙසියස්වහන්සේ බවය.
පරිසිවරුන් පවා සෙනග යේසුස්වහන්සේට “දාවිත්ගේ පුත්‍රයා” ලෙස ආමන්ත්‍රණය කළ විට එහි අර්ථය තේරුම් ගත්හ. ඇදහිල්ලෙන් හඩ ගසන්නාවූ අය මෙන් නොව ඔවුන්ගේ උඩගුකමෙන් අන්ධව සිටීම හේතුවෙන් සහ ශුද්ධ ලියවිල්ල පිළිබදව අවබෝධය නොමැතිකම හේතුකොටගෙන අන්ධ හිගනුන්ට දැකිය හැකි ප්‍රමාණයවත් ඔවුන්ට දකින්ට නොහැකි විය – එසේ හෙයින් ඔවුන් සිතූ පරිදිම මුළු ජීවිත කාලයෙහි බලා සිටි මෙසියස්වහන්සේ මෙහි සිටි බව ඔවුන් නොදැක්කහ. ඔවුන් යේසුස්වහන්සේට වෛර කරනු ලැබුවේ ඔවුන් විසින් ලැබීමට සුදුසු යයි ඔවුන් සිතූ ගෞරවය උන්වහන්සේ ඔවුනට ලබා නොදුන් හෙයිනි. එසේ හෙයින් සෙනග උන්වහන්සේට ගැළවුම්කරුවාණන් ලෙස ආචාර කරනු ඔවුන්ට ඇසුනු විට ඔවුන් බොහෝ කුපිත වී (මතෙව් 21:15) උන් වහන්සේව විනාශ කිරීමට උපාය මාර්ග යෙදූහ (ලුක් 19:47).
යේසුස්වහන්සේ තවදුරටත් ලියන්නන් සහ පරිසිවරුන්ට මෙම නාමයේ අර්ථය පැහැදිලි කරන ලෙස කියමින් ඔවුන් ව්‍යාකූල කළ සේක. දාවිත් උන් වහන්සේට “මාගේ ස්වාමිනි” ලෙස සදහන් කරන විට මෙසියස්වහන්සේ දාවිත්ගේ පුත්‍රයා වන්නේ කෙසේද? (මාර්ක් 12:35–37) සැබවින්ම නීතියේ ගුරුවරුන්ට එම ප්‍රශ්නයට පිළිතුරු දීමට නොහැකි වූහ. යේසුස්වහන්සේ එමගින් යුදෙව් නායකයන් ගුරවරුන් ලෙස සිටීමේ මෝඩකම සහ පැරණි ගිවිසුටමේ මෙසියස් වහන්සෙගේ සත්‍යය ස්වාභාවය ගැන උගන්වා ඇති දේ පිළිබදව නොදැන්ම හෙළිදරව් කරමින් උන්වහන්සේගෙන් තවදුරටත් ඔවුන්ව පිටස්තර කර දැමූ සේක.
යේසුස්ක්‍රිස්තුස්වහන්සේ, දෙවියන්වහන්සේගේ එකම පුත්‍රයා සහ ලෝකයාට එකම ගැළවීමේ මාර්ගය (ක්‍රියා 4:12). වන අතරම භෞතික සංවේදනයෙන් සහ ආත්මික අර්ථයෙන් දාවිත්ගේ පුත්‍රයාද වේ.
English
යේසුස්වහන්සේ දාවිත්ගේ පුත්‍රයා යන්නෙහි අරුත කුමක්ද?
