ප්‍රශ්නය
දෙවියන්වහන්සේ සාධාරණද?
පිළිතුර
බොහෝ මිනිසුන්ගේ මනසෙහි සාධාරණත්වය යනු සෑම කෙනෙකුටම ඔහුට හෝ ඇයට ලැබිය යුතු දේ හරියටම ලැබීමයි. මෙම නිර්වචනයට අනුව දෙවියන්වහන්සේ සම්පූර්ණයෙන්ම “සාධාරණ” නම්, අපි සියල්ලෝම අපගේ පාපය වෙනුවෙන් සදාකාලිකවම නිරයේ ගත කරනු ඇත, එය හරියටම අපට ලැබිය යුතු දෙයයි. අපි සියල්ලෝම දෙවියන්වහන්සේට විරුද්ධව පව් කර ඇත (රෝම 3:23) එබැවින් සදාකාලික මරණයට සුදුස්සන් වෙමු (රෝම 6:23). අපට ලැබිය යුතු දේ අපට “සාධාරණව” ලැබුනේ නම්, අප අවසන් වන්නේ ගිනි විලටය (එළිදරව් 20:14-15). නමුත් දෙවියන්වහන්සේ දයානුකම්පිත හා යහපත් ය, එබැවින් උන්වහන්සේ යේසුස් ක්‍රිස්තුස්වහන්සේ අප වෙනුවට කුරුසියේ මැරීමට එවූ සේක, අපට ලැබිය යුතු දඬුවම ලබාගෙන (2 කොරින්ති 5:21). අප කළ යුත්තේ ක්‍රිස්තුස්වහන්සේව විශ්වාස කිරීම සහ අප ගැලවීම ලබා ගැනීම සහ අපට ස්වර්ගයේ සදාකාලික නිවසක් ලැබෙනු ඇත (යොහන් 3:16). ක්‍රිරිස්තුස්වහන්සේගේ පූජාව සමඟ, දෙවියන්වහන්සේ උන්වහන්සේගේ “සාධාරණත්වය” පවත්වා ගෙන යන අතර, එම පාපයට ප්‍රමාණවත් දඬුවම් ලැබේ.
සාධාරණ යන්නෙහි පර්යාය පදයක් යුක්තිසහගත ය, දෙවියන්වහන්සේ යුක්තිසහගත බව බයිබලය නිසැක ය: “උන්වහන්සේ පර්වතය ය, උන් වහන්සේගේ ක්‍රියා පරිපූර්ණ ය, උන්වහන්සේගේ සියලු මාර්ග සාධාරණ ය. කිසිම වරදක් නොකරන, අවංක සහ යුක්තිසහගත විශ්වාසවන්ත දෙවි කෙනෙක්ය” (ද්විතීය කථාව 32:4; 2 ලේකම් 19:7; රෝම 9:14; සහ 2 තෙසලෝනික 1:6 බලන්න). දෙවියන්වහන්සේ “සාධාරණ” වන්නේ උන් වහන්සේ අපක්ෂපාතී, අවංක සහ යුක්ති සහගත ය. පේතෘස් අන්‍යජාතිකයෙකුගේ නිවසක සිටගෙන ශුද්ධාත්මයාණන්වහන්සේගේ ක්‍රියා දකින විට, “දෙවියන්වහන්සේ අනුග්‍රහය නොපෙන්වන නමුත් සෑම ජාතියකින්ම තමන්ට භය වී හරි දේ කරන තැනැත්තාව පිළිගන්නා බව කොතරම් සත්‍යයක්දැයි මට දැන් වැටහෙනවා” (ක්‍රියා 10:34-35). දෙවියන් වහන්සේ ඉතා සාධාරණ ය. උන්වහන්සේ කිසිවෙකුට වැරදි ලෙස සලකන්නේ නැත.
දෙවියන්වහන්සේගේ ප්‍රේමනීය කරුණාව තිබියදීත්, කිසිවෙක් උන්වහන්සේව තනියම විශ්වාස කරන්නේ නැත (රෝම 3:10-18). අපට විශ්වාස කිරීමට නම් දෙවියන්වහන්සේ අපව තමන් වෙතට ඇද ගත යුතුය (යොහන් 6:44). දෙවියන් වහන්සේ සෑම කෙනෙකුම ඇද නොගනී, නමුත් උන්වහන්සේ ස්වෛරී ලෙස තෝරාගත් සමහර පුද්ගලයන් පමණි (රෝම 8:29-30; එපීස 1:5, 11). සාධාරණත්වය සෑම කෙනෙකුටම හරියටම සමාන ලෙස සැලකීම අවශ්‍ය යැයි විශ්වාස කරන අයගේ ඇස් හමුවේ මෙය “සාධාරණ” බවක් නොපෙනේ. තෝරාගැනීමේදී පෙනෙන්නේ දෙවියන්වහන්සේ සියලු මිනිසුන්ට එක හා සමානව නොසලකන බවයි. කෙසේ වෙතත්, දෙවියන්වහන්සේ කිසිවෙකු තෝරාගත යුතු නැත. නැවතත්, සෑම කෙනෙකුටම සදාකාලික නිරයේ ගත කිරීම සම්පූර්ණයෙන්ම සාධාරණ වනු ඇත. දෙවියන්වහන්සේ සමහරුන් ගැලවීම, ගැලවීම නොලබන අයට අසාධාරණයක් නොවේ, මන්ද ඔවුන්ට ලැබිය යුතු දේ හරියටම ලැබෙනු ඇත.
දෙවියන්වහන්සේ තෝරාගත් අය දෙවියන්වහන්සේගේ ආදරය හා කරුණාව ලබති. එහෙත්, දෙවියන්වහන්සේ අපගේ හදවත් ඇදගෙන අපගේ මනස විවෘත කරන විට, අප වටා ඇති මැවිල්ල (ගීතාවලිය 19:1-3) සහ අප තුළ ඇති හෘදය සාක්ෂිය (රෝම 2:15) වෙත ප්‍රතිචාර දැක්වීමට සහ දෙවියන්වහන්සේ වෙතට හැරීමට අපට අවස්ථාව තිබේ. ප්‍රතිචාර නොදක්වන අයට උන්වහන්සේව ප්‍රතික්ෂේප කිරීම නිසා ඔවුන්ට සැබවින්ම ලැබිය යුතු දේ ලැබෙනු ඇත. ඔවුන්ගේ දඬුවම සාධාරණයි (යොහන් 3:18, 36). විශ්වාස කරන අය තමන්ට ලැබිය යුතු දේට වඩා බොහෝ සෙයින් හොඳින් ලබති. කෙසේ වෙතත්, කිසිවෙකුට ඔහුට හෝ ඇයට ලැබිය යුතු ප්‍රමාණය ඉක්මවා දඬුවම් නොලැබේ. දෙවියන්වහන්සේ සාධාරණද? ඔව්. උන්වහන්සේ ද කරුණාවන්ත, දයාවන්ත සහ සමාව දෙන.
English
දෙවියන්වහන්සේ සාධාරණද?
