Sokre
A Zezi meng zoe n yeelame t’B yaa Wẽnnaam bɩ? A Zezi yaa Wẽnnaam bɩ?
Leokre
Neb nĩns sen kɩɩsd t’a Zezi ka Wẽnnaama rãmb gomdame t’A meng zɩ n yeel t’B yaa Wẽnnaam ye. Yaa sɩd tɩ Wẽnnaam sebrã ka gʋls t’a Zezi yiisa goam n yeel tɩ, “ Mam yaa Wẽnnaam” ye. La rẽ ka wiligdi, t’a Zezi zɩ n yeel t’A yaa Wẽnnam way.
A Zezi yaa Wẽnnaam bɩ?— A Zezi meng zoe n yeelame t’B yaa Wẽnnaam.
D sãn dɩk makr ne a Zezi goamã Zã 10:30, “Maam ne m Ba yaa yembre.” D ges Zuif-rãmbã yel-manesmã a Zezi goamã poore tɩ y na n bãngame t’A yeelame t’A yaa Wẽnnaam. B rɩka kug n dat n loab-A goam nins sen pʋgdã yĩnga: “Foo ka, n yaa ninsaa-n-zaalg bala, n yaool n yet tɩ f yaa Wẽnnaam” Zã 10:33, tõnd pula gomdã bilfu). Zuif-rãmbã ra wʋma a Zezi goamã sõama—a wiligame t’A yaaWẽnnaam. A Zezi sen wa n yeel tɩ, “Maam ne m Ba yaa yembre,” A ra rat n yeelame tɩ yẽ ne a Bawã yalẽ wã yaa yembre. A Zã 8:58 yaa mamsg a to.“Mam yeta yãmb sɩd-sɩd tɩ mam beeme t’a Abraham nan ka rog ye.” Wo to tẽegda tõnd Yikr sebrã verse 3:14 sen da gom pĩnda wakatẽ Wẽnnaam sen puk-B meng n yet tɩ “MAM YAA.”Zuif-rãmbã sen wʋm gomdã b yɩɩ tao-tao bal n wʋk kug n na loab-a n kʋ tɩ bala B tʋʋsa Wẽnnaam, wa a Moyiiz Tõogã sen kõ nõor to-to (Mãan Kʋʋr 24:16).
A Zezi yaa Wẽnnaam bɩ?— A tũudbã ra yeelame tɩ B yaa Wẽnnaam.
A Zã gomame yɩlme n wilig a Zezi Wẽnnaamdã: “gomdã [Zezi] ra yaa Wẽnnaam.” la “gomdã rika yĩnga.” (Zã 1:1, 14). Verse kãensã wiligda vẽeneg t’a Zezi yaa Wẽnnaam sen dɩk ninsaal yĩnga. Tʋʋmã 20:28 goma ne tõnd n yeel yaa, “Dẽ yĩnga, bɩ y gûus y mens ne piis nins fãa Sɩɩg-sõng sen kõ yãmbã, la y rɩlg Zusoabã tẽedbã bãmb sen da ne bãmb mengã zɩɩmã.” Anna n da wẽn-doogã ne a meng zɩɩm? A Zezi Kirist. Verse-kãng leb n yeelame tɩ Wẽnnaam ra B wẽnd-doogã ne b meng zɩɩm. Woto yĩnga, a zezi yaa Wẽnnaam.
A Zezi Karem-biig a Toma yeela Zezi yaa, “Mam Zusoab la mam Wẽnnaam” (Zã 20:28). A Zezi ka kɩɩs-a ye. Tɩt 2:13 keoogda tõnd tɩ d gũ d Zusoabã la d Wẽnnaamã waoongo, a Zezi Kirist (ges-y 2 Piyɛɛre 1:1). Hebre 1:8, Ba wã yeel a Zezi yaa, “La Bãmb yeela B biigâ yaa, ‘fo naam geer na n zĩnda wakat sen kõn sɛ, la fo naam dasaar yaa tɩrlem dasaare.” Ba wã boonda a Zezi tɩ Wẽnnaam, n wiligdẽ t’a Zezi sɩd yaa Wẽnnaam.
Wiligr sebrã pʋga, Malɛkã goma ne a Zã n yeel-a t’a waoog Wẽnnaam bala (Wiligr 19:10). Wẽnnaam sebrã pʋga b waoog a Zezi n yɩlme (Matthew 2:11; 14:33; 28:9, 17; Luke 24:52; Zã 9:38). A zɩ n gɩdeg neb baa ye tɩ b ra waoog bãmb ye. A Zezi sãn da ka Wẽnnaam, B ra na n togsẽ la nebã tɩ b ra waoog Bãmba, wa malɛkã sen maan Wiligr sebrã pʋgã. Verse kãens poore, zĩins wʋsg n be Wẽnnaam sebrã pʋg n kõt kaset t’a Zezi yaa Wẽnnaam.
A Zezi yaa Wẽnnaam bɩ? Bũmb nĩns sen wiligd t’a Zezi yaa Wẽnnaama.
Kaset kaseng ning sen wiligd t’a Zezi sɩd yaa Wẽnnaama, yaa t’A sãn n dagẽ da ka Wẽnnaam, A kũuma ra ka sekdẽ tɩ yao dũniyã fãa nebã yel-wẽna sɩbgr ye (1 Zã 2:2). A Zezi sãn da yaẽ la Wẽnnaam bõn-naandega, n kaẽ Wẽnnaam, b ra kõ tõog n yao tõnd yel-wẽna sɩbgr ning sen ka tar saabã sen yaa Wẽnnaam sen ka saabã beegr yaodã ye. Sɩbgr sen ka tar saabã yaa Wẽnnaam bal n tõe n yao yẽ. Yaa Wẽnnaam bal n da tõe n deeg dũniyã fãa yel-wẽna (2 Korẽntiyẽ rãmba 5:21), n ki, la B vʋʋge, n wilig tɩ Bãmb toga yel-wẽnã ne kũumã.
A Zezi yaa Wẽnnaam bɩ? N-ye. A Zezi meng yeelame t’A yaaWẽnnaam. A tũudbã tẽeme t’B yaa Wẽnnaam. Fãagrã kũun yaa bũmb sen yaa vẽenega sãn mikame t’a Zezi yaa Wẽnnaam. A Zezi yaa Wẽnnaam sen dɩk yĩnga, sen Ka-saab sen yaa Alfa la Omɛga wã (wiligr 1:8; 22:13), la yaa tõnd Wẽnnaam la tõnd Fãagda (2 Pɩyɛɛre 1:1).
English
A Zezi meng zoe n yeelame t’B yaa Wẽnnaam bɩ? A Zezi yaa Wẽnnaam bɩ?