Sokre
Yaa ãnda la a Zezi?
Leokre
Sãn zʋʋg sokr-ning sen yet tɩ “Rĩnga Wẽnnaam beeme bɩ?” wã yaa neb bilf bal n sokd b mens n yetẽ t’a Zezi sɩd zĩndame. Nebã sen waoog fãa sakame t’a Zezi yɩɩ ned sen zĩnd Israyɛɛll tẽn-goãngã zugu sen ta yʋʋm 2000 woto. B sen mi n kɩɩsd taab zĩig nĩnga yaa sen kẽed ne Zezi mẽnga sen da yɩ a soaba. Wẽnd-tũudmã sen waoog fãa zãmsda nebã t’a Zezi ra yɩɩ porfɛt wal Karen-saam kasenga bɩ Wẽnnaam nin-sõngo. Yɛllã sen dɛg zĩig nĩnga wã yaa tɩ Wẽnnaam Sebrã togsa tõnd t’a Zezi ra yɩɩda porfɛt wal Karen-saam kasenga bɩ Wẽnnaam nin-sõngo.
A C.S. Lewis sebr a sen boond tɩ Mere Christianity wã pʋga b yeelame tɩ: “Mam makdame n dat n wilg ned ning sen dat n togs b rãmb nins sen gomd yalm-goam sɩd sɩd sen kẽed ne A wã [A Zezi Kirist]: ‘Mam sakame t’a Zezi yɩ Karen-saam kasenga, la m ka reeg yẽ meng sen yet t’a yaa Wẽnnaamã ye.’ Tõnd ka sɛgd n gom woto ye. Ned sen da yɩ ninsaa-n-zaalg wa neb a taabã la a gom goam nins a Zezi sen da goma ka tõe n yɩɩ karen-saam kaseng bal ye. Wal a yaa zʋbsa—bɩ a ka mi-a nẽnga—wal a yaa Bug-tẽngã Sʋtãanã. Yãmb n yãked yãmb sen dat a soaba. Wal ra-kãngã, ra yaa wa a sen yet-a yaa a soabã, (la a ra yɩɩ woto), n yaa Wẽnnaam Bi-riblã, wal a ra yaa gãeengã bɩ bũmb a to sen yaa wẽeng n yɩɩd woto. Y tõe n yõk-a lame n pag bi-bees-roogẽ wa gãeengã, y tõe n tʋbs-a zugu la y kʋ-a wa a yaa nĩn-wẽengã; wala y yĩgĩ md a taoor n waoog-a wa y Zusoab la y Wẽnde. La d ra wa ne yalm-goam n yet a ra yɩɩ nĩnsaal sen da yaa Karen-saam kaseng bal ye. A meng ra ka yeel t’a yaa rẽ ye. A ka tags bõn-kãng yell me ye.”
Sãn yaa woto, A Zezi meng yeelame tɩ yẽ la ãnda? Wẽnnaam sebrã yeelame t’a Zezi yaa ãnda? Pipi, d na n deng n kelg a Zezi meng goamã Zã 10:30 “Maam ne m Ba yaa yembre.” Kaanẽ wã,ka wõnd waa yeelame nand tɩ yẽ yaa Wẽnnaam ye. La, ges-y Zuɩf-rãmbã sen tags bũmb nĩnga a Zezi goamã pʋga, “Tõnd ka lobd yãmb ne kug tʋm-sõng yĩng ye, yaa tʋʋsgã yĩnga”(Zã 10:33). Zuif-rãmbã wʋma a Zezi goamã wa a yeelame t’A yaa Wẽnnaam. Verse rãmb nĩns sen pʋgdã a Zezi ka kɩɩs-b goamã n yeel tɩ, “Mam ka yet t’m yaa Wẽnnaam koy.” Rat n wilgame tɩ sɩd sɩda a Zezi ra yeetame tɩ yẽ yaa Wẽnnaam zĩig ningã a sen yeel tɩ, “Maam ne m Ba yaa yembre” (Zã 10:30). A Zã 8:58 yaa mamsg a to “‘A Zezi yeela bãmb yaa: ‘Mam yeta yãmb sɩd-sɩd tɩ mam beeme t’a Abraham nan ka rog ye.’”Rẽ yasa, tɩ wilig tɩ b ka sak a goamã, Zuɩf-rãmbã le rɩka kug tɩ b na n loab a Zezi (Zã 8:59). A Zezi wiligame tɩ “MAM YAA” wa Kãab Kʋdgã Wẽnnaam sen da bool Bãmb meng to-to wã (Yikr 3:14). Yaa bõe n kɩt tɩZuif-rãmbã ra rat n le loab a Zezi ne kug t’a sãn da ka yiisẽ gomd bãmb sen tẽed tɩ yaa Wẽnnaam tʋʋsg gomde, n yet tɩ Yẽ yaa Wẽnnaam?.
Zã 1:1 wiligdame tɩ “gomdã yaa Wẽnnaam.” Zã 1:14 wiligdame tɩ “gomdã rika yĩnga.” Woto fãa wiligda vẽeneg vẽeneg t’a Zezi yaa Wẽnnaam sen dɩk yĩngã. A Toma sen yaa Zezi karembiigã leok Bãmb yaa, “Mam Zusoaba la mam Wẽnnaam.”(Zã 20:28). A Zezi ka kɩɩs a Toma gomdã ye. Tʋmtʋmda Poll bilgda a Zezi wa, “la Wẽnnaam sen ya kasengã ne tõnd Fãagda, Kirist a Zezi naam pukri.” (Tɩt 2:13).Tʋmtʋmda Pɩyɛɛr me goma gom yengã, “Wẽnnaam ne tõnd Fãagd a Zezi-Kirist.” (2 Pɩyɛɛre 1:1). Wẽnnaam sen yaa Ba wã me kõta kaset ne a Zezi sen yaa soab ning hakikã, “La Bãmb yeela B biigã yaa, ‘fo naam geer na n zĩnda wakat sen kõn sɛ, la fo naam dasaar yaa tɩrlem dasaare.” (Ebru 1:8). Kãab kʋdgã porfesi rãmbã ra gom a Zezi Wẽnnaamdã yelle, “Tɩ bõe, b roga biig n kõ-do, b kõo tõnd bi-ribla. Soolem soogr na n zĩnda yẽ zugu. La b na n pʋda yẽ yʋʋr tɩ Sagend sen yaa sõama wʋsgo la Wẽnnaam sen tar pãnga la Ba sen ka kiida, la laafi na-biiga.” (Esayi 9:6)
Kɩtame tɩ, wa a C.S. Lewis sen da gʋlsã, tɩ tẽ t’a Zezi yɩ Karen-saam kaseng bal ka bũmb sen zems ye. A Zezi yeelame tɩ ned ka tõe kɩɩse, tɩ yẽ yaa Wẽnnaam. A sãn ka Wẽnnaam rend A ka togsed sɩda, A ka porfɛte, wal Karen-saam kasenga, bɩ Wẽnnaam nĩn-song ye. “Bãng-bɛd-rãmb” wʋsg sen da maked tɩ bilg a Zezi goamã, b tagsdame “tɩ Zezi ning sen zĩnd duniyã zugã” ka gom goam nins fãa Wẽnnaam Sebrã sen yet t’A gomame wã fãa ye. Tõnd la ãnda rãmba n dat n kɩɩs Wẽnnaam goamã sen kẽed ne a Zezi sen yeel wal a sen ka yeele? “Bãng-bɛd rãmb” sen ka zĩnd a Zezi wakatẽ yʋʋm tus-a yiib woto n yɩɩ wãn wãn n tõog n bãng a Zezi sen togs ne A sen ka togs n yɩɩd neb nins sen vɩɩmde, n tʋm ne-a ne neb nins sen da zĩnd ne Zezi wã t’a Zezi menga zãms-b yẽ goamã (Zã 14:26)?
Yaa bõe yĩng t’a Zezi sen yaa soab hakɩkã yell pak nebã woto fãa? Yaa bõe yell n pak nebã a Zezi sãn yaa Wẽnnaam bɩ a ka Wẽnnaam? Sen yaa yel-pakr t’a Zezi yɩɩ Wẽnnaamã yaa t’A sãn da ka Wẽnnaam, A kũuma rag n da ka nan sekẽ tɩ yao dũniyã fãa yel-wẽna sɩbgr yaood ye. (1 Zã 2:2). Yaa Wẽnnaam bal n tõe n yao sɩbgr-kãngã sen da ka tar tɛkã (Rom dãmba 5:8; 2 Korênt rãmba 5:21). A zezi sãn da ka Wẽnnaam A maõongã ra ka tõogdẽ n yao nebã sɩbgrã ye. A ra sɛgd n dɩka ninsaal yĩng n yaool n tõog n ki. A Zezi Wẽnnaamdã yaa a meng sen togs bũmb nĩngã, “Mam yaa sore, la sɩda la vɩɩm. Ned ka tõe n ta m Ba nengẽ, a sãn ka mam maasem yĩng ye.” (Zã 14:6).
English
Yaa ãnda la a Zezi?