Zawhna
Ngaihdamna i chang tawh em? Ngaihdamna chu Pathian hnen a\angin engtin nge ka chan ang?
Chhanna
Tirhkohte Thiltih 13:38 ah chuan ti hian a in ziak a, “Chutichuan unaute u; amah avang chuan sual ngaihhnathiamna thu in hnenah hrilh a nih hi” tiin.
Ngaihdamna chu eng nge a nih a, engvanga ngaihdamna mamawh nge ka nih?
“Ngaidam” tih awmzia chu ziaka lehkha thai bo, ngaihhnathiam, batna thai bo sak tih te hi a ni. Mi chunga thil kan tihsual hian kan inkungkaihna siam \ha leh tur in an ngaihdamna kan dil \hin a. Ngaihdamna hi mi in a phu vanga chang a ni lo. Tumah hian ngaihdam hi kan phu lo a ni. Ngaihdamna chu hmangaihna leh khawngaihna leh zahngaihna a\anga lo chhuak a ni. Ngaihdamna chu miin eng ang pawhin kan chungah thil tisual mah sela, chu a sualna chu kan hriatreng saklohna hi a ni.
Bible chuan Pathian ngaihdamna hi mi tupawh hian kan mamawh vek a ni tiin min hrilh a. Mi zawng zawng hian thil kan tisual vek a ni. Thuhriltu 7:20 ah chuan tihian a in ziak a, “Thil \ha titu, thil sual ti hauh lo khawpa mi fel chu lei chungah hian an awm lo takzet a ni.” 1 Johana 1:8 ah chuan ti hian kan hmu leh a, “Sual ka nei lo, kan tih chuan mahni leh mahni kan inbum a, thutak chu keimahniah a awm lo a ni.” Sualna zawng zawng hi Pathian laka helna vek a ni (Sam 51:4). Chuvang tak chuan Pathian ngaihdamna hi kan mamawh a ni. Kan sual te hi ngaihdam a nih loh chuan, kan sualnate avangin chatuana hrem kan ni dawn a ni (Matthaia 25:46; Johana 3:36)
Ngaihdamna - Engtin nge ka chan ang?
Thil lawmawm em em chu kan Pathian hi hmangaihna leh zahngaihna a khat a ni-kan sualte min ngaihdam chak em em tu a ni! 2 Petera 3:9 ah chuan ti hian kan hmu a, “.......tuma boral duh lo va, mi zawng zawng lo sim duh in, nangmahni lamah a dawhthei a ni zawk e.” Pathian hian min ngaihdam a duh em avangin ngaihdamna tur kawng chu aman a rawn buatsaih ta a ni.
Kan sual man dik tak chu thihna hi a ni a. Rom 6:23 tir lamah chuan heti hian kan hmu a, “Sual man chu thihna a ni” tiin. Chatuana thihna chu kan sualna avanga kan chan tur chu a ni a. Pathian chuan rem fel tak ruat in, Isua Krista chu mihringah a lo chang a (Johana 1:1,14). Lal Isua Krista chu Kross ah rawn thi in, kan phu reng thihna chu a rawn thlang ta a ni. 2 Korinth 5:21 ah ti hian min zirtir a, “Amahah chuan Pathian felna kan lo nih theihna turin, sual reng reng hre lo chu Pathianin keimahni avangin sualah a siam a.” Isua Krista chu krawsah rawn thiin, kan phu reng hremna chu a rawn tuar ta a! Pathian chuan Krista thihna hmang chuan mi zawng zawng tan sual ngaihdamna chu min lo buatsaihsak ta a ni. 1 Johana 2:2 ah chuan, “Ani chu kan sualte thupha chawina a ni; keimahni sual chauh ni lovin, khawvel zawng zawng sual thupha chawina a ni.” tiin a in ziak a ni. Lal Isua Krista chu tho lehin, chu chuan thihna leh sual chu a hnehta a ni tih a puang chhuak ta (1 Kor 15:1-28). Pathian chu fakin awm rawh se, Krista thihna leh thawhlehna avangin, “Pathian thilthlawnpek erawh chu, kan Lalpa Isua Krista zarah chuan, chatuan nunna a ni,” ti a Rom 6:23 sawi hi a lo dik ta a ni.
I sualte chu ngaihdam ve i duh em? Inthiam lohna leh rilru hrehawmna nangmaha awm reng kalsan ngai miah lo che i nei ngai em? Lal Isua Krista hi Lal leh chhandam tu a i pawm anih chuan ngaihdamna chu i chang thei a ni. Ephesi 1:7 ah chuan, “A thisen avangin amahah chuan kan tlanna kan nei a ni- a khawngaihna ngahzia ang zela kan bawhchhiatnate ngaihdamna chu,” tih kan hmu a.Ngaihdam kan nih theihna turin, kan ba zawng zawng chu Kristan min tlaksak tawh a. I tih tur awmchhun chu Krista avanga i sualte ngaidam turin Pathian hnenah dil rawh, Krista chuan i sual man chu a pek sak tawh che a ni tih ring bawk la, tichuan ngaihdam i ni ang! Johana 3:16,17 ah chuan he thu ropui tak hi a awm a, “Pathianin khawvel a hmangaih em em a, chutichuan a fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e.”
Ngaihdamna - chutiang em em a awlsam chu a ni reng em?
Aw ni e, chutiang taka awlsam chu a ni asin! Pathian ngaihdamna hi hlawhchhuah theih chi a ni lo. Pathian ngaihdamna hi lei chhuah theih a ni lo bawk. Pathian khawngaihna leh zahngaihna avang chauhin rinna hmangin, chu ngaihdamna chu i chang thei zawk a ni. Krista hi Lal leh chhandamtu a i pawm duh a, i sualte ngaihdam i duh a nih chuan he \awng\aina tawite hi lo hmang rawh le. He \awng\aina emaw \awng\aina dang reng reng hian a chhandam ngawt thei lo che tih erawh i hre reng dawn nia. He \awng\aina hi chu Pathian i rinna tih lanchhuahna leh ngaihdamna a buatsaihsak che avanga lawmthu sawina mai chauh a ni. “Lalpa, i lakah hian ka sual a ni tih ka hria a, hrem pawh ka phu a ni tih ka pawm a, mahse Lal Isua Kristan chu ka sual man chu min pek tlaksak tawh a, chu chu ka rin chuan ngaihdamna ka chang dawn a ni tih ka hria a. Tunah hian chhandam ka nih theihna tur in ka ring che a ni. I khawngaihna leh i ngaihdamna ropui tak avangin lawmthu ka hrilh a che! Amen!”
Heng thu i chhiar a\ang hian Krista tan thuthlukna i siam tawh em? I siam a nih chuan “Vawiinah hian Lal Isua Krista hi Lal leh chhandamtu a tan ka pawm ta” tih hi hmet rawh.
English
Ngaihdamna i chang tawh em? Ngaihdamna chu Pathian hnen a\angin engtin nge ka chan ang?