Zawhna
Pathian hi a awm em? Pathian a awm ngei ani tih hi finfiahna a awm em?
Chhanna
Pathian a awm leh awm loh chungchang hi zawhna tlanglawn tak leh pawimawh tak a ni a. Pathian chungchang hi ngaihdan tamtak a awm a, mahse Pathian hi a awm ngei em? tih zawhna erawh hi chu chhanna \ha tak bakah fiahna \ha tak neih ngei a ngai thung si a ni. A tawp ah chuan mihring te tawnhriat a\angte, finna leh thiamna a\angte, chhui dan hrang hrang a\angte, leh thil hlui chanchin a\angte hian chhanna lo chhuak thei ta chu: Aw, PATHIAN hi a awm ngei a ni.
Pathian hi a awm ngei a ni tih i fiah thei em? tih zawhna hi zawh fo a ni thin a. Harsatna awm thei a awm a, chu chu thudik kan tih hi a dik famkim nghal a, chuvang chuan hriatna leh ngaihdan pawn lam a\ang hi chuan fiahna famkim hi a awm thei lo a ni. Chu mi avang chuan Court ah te pawh hian thutlukna siam dawn hian fiahna famkim thlap hi an phut ngai kher lo a ni, "rinhlelh awm tak" thil anih chuan an hnawl a, "a ni thei awm ber" ang a lang kha an hmang mai \hin zawk a ni.
Tumah in a an hnawl theih loh Pathian a awm ngei a ni tih "fiahna" phut luih tlat hi thil atthlak tak a ni a. Khawvelah hian mihring hi fiahna hmang in kan khawsa ngai lo a ni. "Tawn hriatna" leh "pawmna" hi thil hrang hlak a ni. Ring duhlo tlat tute tan chuan hnialna tur hi a awm reng dawn a ni. Awi duh lo tu tan chuan "fiahna" hian awmzia a nei thui lo hle bawk a, a dawngsawng tu rilru hi fiahna leh tawnhriatna ai pawh in a pawimawh zawk a ni.
Tichuan, Pathian awm leh awm loh fiahna chungchang ah chauh ni lo hian, "rinna" hi a pawimawh em em a ni. Hriatna famkim hi keini mihring te theihna bak a ni bawk. Fiahna \ha tak a awm hma a ngaihdan lo siam zung zungna te hian kan ngaihtuahna hi a hruai nasa em em a ni. Kan "hriatna" leh kan "rinna" tur ah hian in kar thui tak a awm a ni. Hei hi ringhleltu leh ringtute inkarah hian a nasa lehzual. Thil kan ei lai te, thuthlenga kan \hut lai te leh step a kan kal lai te hian thil thleng zawng zawng a te ber thleng hian kan hre vek thei lo a ni. Chutiang tur chuan rinna a pawimawh a ni. Kan hriat miah loh thilah pawh chet kan la ngam \hin a, a chhan chu kan thil lo hriat tawhte vang a ni. Chu chu Bible in rinna a tih awmzia chu a ni. Chu chuan Pathian a awm ngei a ni tih rinna pawh hi a huam tel a ni. Thil kan hriat chu kan ring ngam a, chu chuan chet min lak tir \hin, hriatna famkim nei lo mah ila.(Hebrai 11:6)
Mi in Pathian a hria emaw hrelo emaw thuthlukna siam tur chuan rinna a pawimawh a. Pathian a rinna hian hrefiah lo a rinna hi a kawk lo a ni. (Johana 20:29), nasa taka dodalna pawh a hneh theih chuang loh a ni (Johana 5:39-40). Rinna chu mihringte tawn hriat te, chhui dan te, fiahna te hi an ni a, chu chuan Pathian hi a awm em? tih zawhna chhang tur in a pui thei a ni.
Pathian hi a awm em? — Mihring tawnhriat
A \ha zawnga inhnialna a\ang hian Pathian a awm leh awm loh sawihona hi a lo intan \hin a. Chutiang chuan awmzia pawh a nei \hin a, mahse chutiang chu mihringte ngaihdan a ni \hin lo. Tumah hian ngaihdan nei hmasa lo in thil lan dan hi an pawm satliah mai ngai lova. Mi tupawh mai hian kan chhehvel a thil awm dan ang hian kan awm dan hi kan hrilhfiah mai \hin a ni. Chuvang chuan Pathian a awm tih hre tur chuan tawnhriat nen bul \an a pawimawh ta a ni. Chu mi hnuah chauh chuan chung ngaihdan te chu dik tak in kan chhut ang.
Pathian hi a awm ngei a ni tih mihringte nitin tawnhriat a\angin (Rom 1:19-20; Sam 19:1; Thuhriltu 3:11). Kan mihring pian ken ngaihdan leh tawn hriat hi a huam tel bawk a ni. Kan chheh vela thilsiam min hual vel tute thleng hian a huam tel bawk a ni. Mihring nun chu thudik te, dawt te, hmangaihna te, huatna te, thatna te leh sualnate hi pawm tur a tihluih a ni tih hi a dik in, a pawmawm em em a ni. Hun kal tawh a\anga chhut in, mihring tam zawkte hi tisa thil te ai in thudik hi awi tur a tih an ni.
Kan tawnhriatna hi fiahna famkim a ni lo a, chu aiah chuan Pathian hian amah a in hriattirna hi miten amah an hriatna atana sawmnaah a hmang \hin (Thupuan 3:20). Mihriang hriatna satliah hi chu chhanna ril leh thuk zawk kan mamawh a ni tih min hriattirtu a ni a (Mathaia 7:7, 8). Pathian sawmna hnartute hian chhuanlam tur engmah an nei lo a ni (Rom 1:18; Sam 14:1).
Pathian hi a awm em? — Mihring ngaihdan
Pathian hi a awm ngei a ni tih mihringte chhut dan leh ngaihdan a\anga kan hmuh theihna pawimawh em em pathum an awm a, chungte chu kan awmna khawvel leh van lam thil zirna lam te, thil awm chhan zirna lamte leh chhia leh \ha hriatna a\anga Pathian a awm a ni tih zirna te hi an ni.
Kan awmna khawvel leh van lam thil zirna chuan chhan leh a hnathawh a buaipui ber a. Hnathawh lo lanna chu chhan vangin a ni a, chu chhan pawh chu a hma a chhan lo awm tawh avanga lo awm a ni. Amaherawhchu, chu chhan chu hun kal tawh a tawp chin neilo a\anga awm tawh a ni lo a. Ngaihdan kan tih hian chatuan a thil lo awm tawh sa, eng thil mah avanga lo awm ni lo chu a phut tlat a. Lei leh van te hi chatuana ta lo awm sa a ni lo a. Ngaihdan chuan Pathian a kawk a: siam ni lo, chatuana lo awm sa, siam kan nihna bul \anna chu.
Thil awm chhan zirna chuan he kan lei leh van te hi a zirchiang a. Van thengreng a thil awm te, ni leh thla nih phung te, mihring DNA te leh thil te ber thleng in, chhan nei in felfai tak a rem a ni tih hi. He zirna hi a fiah em avang in Pathian awm ringlo tute pawh hian hnial harsa an ti hle bawk a ni.
Thil nihphung leh awm dan te hi tun anga inrem fel thlapa a awm anih loh chuan buaina a thleng thei a, nunna hi a awm thei lo hial dawn a ni. Thil siam hrang hrang in rem fel thlap leh dik thlap mai hi nunna awm theihna tur hian a pawimawh hle a. Science hian nunna nei lo a ta nunna lo chhuak hi a sawifiah ngailo a, a hrefiah bawk heklo a ni. Thil hlui lai chhuaktu rual ten puk pakhat bangah hian hetah hian ka awm tih in ziak hi hmu ta se, finna mak tak hmanga tih anih an ring ngei ang. Chu mai bakah mihring DNA ringawt pawh hi mihringte hriatthiam phakbak a thuk leh ril a ni. Heng fiahna hrang hrang a\ang hian heng thil te hi fing tak mai a siam a, duang tu a awm tih ngaihdan a lo awm thei ta a chu chu Pathian hi a ni.
Chhia leh \ha hriatna a\anga thlirna ah thung chuan, \ha leh sualte, nun dan leh thil dangte a kawk a ni. “Eng nge ni” tih ai in “engtia awm tur nge” tih lam hi a kawk zawk mah a ni. Mahni hmasial, khawngaihna neilo thil siam te ah hian dam chhuah tum a beihna ah hian, nun dan dik kan tih hian awmzia a nei lo hle a ni. Mihringten a hmuh theih loh lama ngaihtuahna kan neih dan hi a mak em em a. Chu mi piah lamah chuan mihringte nun dan phung hi tih dan hrang hrangah te leh hun kal tawh a\ang khan nghet tak in a awm a ni.
Nun dan phung chungchang a ngaihdan hi chi hrang hrang a awm thei awm e. Nun dan phung kan tih hi mahni ngaihtuahna a\anga lo awm awm mai mai a ni thei a, chuvang chuan awmzia a nei lo a ni tih ngaihdan a awm thei a, tin, eng emaw taka innghahna nei in a siam thei bawk a ni tih ngaihdan a awm thei bawk. Mihringte tawn hriatna ringawtah hian he nundan phung hian awmzia a neilo a ni ti a thu tawp siam mai hi a theih loh a ni. Mihringte hian nunphung leh nundan chungchang a ngaihtuahna pangngai tak an hman theihna atana hrilhfiahna \ha ber chu nun dan tur zirtirna petu a awm a, chu chu Pathian hi a ni.
Pathian hi a awm em? — Mihring finna leh thiamna
Inhnialna \henkhat kan hmuh tak te lo chhuahna chhan chu chhui chianna a\angin a ni. Ngaihdan \henkhat zinga Big Bang Theory kan tih te hian lei leh van lo awm dan leh siam a nih dan a sawifiah a. Chutiang bawkin DNA chungchangte pawh. Chhuichianna leh tawn hriatna te hian Bible in thilsiam chungchang a ziah hi a nemnghet a. Chu mi piah lama hrilhfiahna awmte chu a dodal bawk a ni. Chu chuan lei leh van chungchang bakah nunna lo awm dante hi a huam a ni.
Thil hlui laih chhuahte hian Bible zirtirna hi a thlawp tlat a. Mihring te, thil thlen dan te, leh hmun hrang hrang Bible a kan hmuhte hi khawvel thiamna leh zirchianna hian a hai lang \hin a ni. Heng Bible a mi khawvel thiamna hmanga hailan leh hmuh chhuah tam takte lo awm na chhan lian tak chu ringlo ten Bible a thil thleng hi thawnthu mai mai a ni ti a an lo sawi \hin vang a ni.
Thil hlui chanchin zirna leh thu leh hla lam pawh hian Pathian a awm ngei a ni tih hi an thlawp tlat bawk a. Entirna pakhat awm thei chu Bible an vawn him dan hi: Pathian thu, a tir ami kan tih hnaih thei ang ber tur a kan chhui chhuah theihna hian Bible hi a rintlak a ni tih a kawk. Judeo-Kristian in hnam tih dan phung te, nunphung te, mihring dikna chungchang te leh tunlai thiamna leh finna lo pian chhuah dan te hian chiang tak in thudik nen a kal dun a ni tih hi a tifiah a ni.
Pathian hi a awm em? — Pathian kan chhungah
A tir lama kan hmuh tak leh sawi tak te khi zirna hrang hrang a ni a, tin, lehkhabu a thupui hrang hrang a ni bawk a ni. Mahse Pathian hi a awm ngei a ni tih lo lan chhuahna chiang em em chu mimal tawn hriatna a\ang hian a ni. Entirnan mi tu emaw hnenah i hlim hle a ni tih hi a fiahna i pe theilo a ni mai thei, mahse chu chuan i hlimna chu a thlak danglam chuang reng reng lo a ni. Amaherawhchu, hei hian chhungril tawn hriatna hi thudik ai in a \ha zawk e tihna erawh chu a ni hauh lo, mahse thudik hi nghet taka thlawptu chu mimal tawn hriatna hi a ni thung si. Nun inthlakte, awm dan danglamna te leh \awng\aina chhan a awm \hinte hian, kan mimal tawn hriatna a\ang hian Pathian a awm ngei a ni tih hi a ti chiang em em a ni.
Thudik mimal in a hriatna hian Pathian hi a awm ngei a ni tih a hriatchian tir a, chu chu Pathian pawh in mihring zawng zawng tawn hriat tur atana a duh em em a ni bawk. Pathian hi mihring angina khawvelah a lo kal a (2 Kor 4:6), amah nena inzawmna kan neih theih nan (Johana 14:6). Tupawh tih tak zeta Lalpa zawngtu chuan a hmu ang (Matthaia 7:7, 8), chu mi chu Thlarau Thianghlimin a chenchilh bawk ang (Johana 14:26, 27).
He zawhna Pathian hi a awm ngei em? tih hi chiang taka fiahna hmanga chhan theih a ni lo a, mahse fiahna hrang hrang kan hmuh a\angte hian a awm ngei a ni tih erawh a chiang hle a ni. Pathian hi a awm ngei a ni tih rinna hi arkhawthimdaia rinna a ni lo a. Amaherawhchu, thim zing a\angin eng a lut a, chu engah chuan thil tam tak hi a lo fiah \hin zawk a, chu mi ngei rinna chu a ni.
English
Pathian hi a awm em? Pathian a awm ngei ani tih hi finfiahna a awm em?