Zawhna
Isua Krista chu tunge a nih?
Chhanna
“Pathian hi a awm ngei em?” tih zawhna ang lo takin, Isua Krista hi Pathian a ni em tih zawhna zawttu hi chu an tlem viau a. Mi tam zawk chuan Isua hi mihring dik tak niin, kum 2,000 kal taah khan Israel ramah a cheng a ni tih hi an pawm a. Lal Isua nihna dik tak chungchangah hian inhnialna a lo awm \an ta a ni. Sakhaw lian leh kan hriat larte hian, Isua chu zawlnei emaw zirtirtu \ha tak emaw mi \ha tak emaw a nih thu hi an zirtir vek a. Mahse Bible erawh chuan zawlnei emaw, zirtirtu \ha emaw, mi \ha tak emaw aia chungnung leh ropui zawk daih a nih thu min hrilh thung a ni.
C.S. Lewisa'n a lehkhabu ziah Mere Christianity ah chuan ti hian a ziak a: “Mi tam takin ti hian Isua Krista chungchang an sawi a, ‘Nundan phung zirtirtu \ha tak a ni ngei a ni tih hi chu ka pawm lutuk a, mahse Pathian anga a inchhal erawh ka pawm thei lo a ni’ tiin. Chu chu a dik lo a ni tih hi puan chhuah ka tum a: Chutiang thu chu kan thil sawi zinga kan sawi tel miah loh tur chu a ni. Mihring satliah mai mai tan chuan Isua thusawi leh zirtirnate hi nun siam \ha tura zirtirna ropui a ni thei lovang. Mi ^ a nih ngawt loh chuan- Artui hawlh keh ang mai ka ni titu nen an in ang reng a ni- emaw hremhmun a\anga lo kal, ramhuai a ni ang. Tu nge a nih tih chu duh i thlang thei a ni. Hepa hi mihring a ni a, Pathian Fapa ngei chu tih emaw mi a tak emaw, mi rapthlak tak emaw, khawi zawk emaw hi i thlan a ngai a ni. Mi a tiin i sawi thei a, chil chhakin ramhuai a ni e ti in i tihlum thei bawk a; emaw a ke bulah bawkkhupin, Lalpa leh ka Pathian tiin i ko thei bawk a ni. Mahse mihring ropui tak a nih chungchang ringawt hi i sawi uar lo ang u. Chu duhthlanna chu kan tan a dah pawh a ni lo a. A thil tum pawh a ni hek lo” (Macmillan, 1952, p. 55-56).
Chutiang a nih si chuan Isua hian tu nge ka ni a tih? Bible in engtin nge a chanchin min hrilh? A hmasa berah chuan, Pathian tisa a lo chang a ni. Johana 10:30 ah Isuan ti hian a sawi, “Kei leh ka Pa chu pumkhat kan ni.” He thu hi han en mai chuan Isua hian Pathian a ni tiin a inchhal chiah lo va. Nimahsela, he thu a sawi avanga Judate chet tum dan kha en ta ila. “mi pangngai ve mai hian Pathian a sawichhiat avangin leh engtin nge Pathian ka ni a tih theih” tiin lunga den hlum an tum a nih kha (Johana 10:33). Judaho khan Isua thusawi kha Pathian anga inchhalnaah an pawm a ni. A chang chhunzawmnaah pawh khan Isua khan an tih dik loh thu leh ti lo tura a tih thu kan hmu lo. Isua khan, “Pathian ka ni lo,” tih hi a sawi miah lo. “Kei leh ka Pa chu pumkhat kan ni” (Johan 10:33) tia Lal Isuan a sawi khan, Pathian tlukpui chiah a nihzia a sawi a ni.
Johana 8:58 ah chuan, Lal Isuan chatuan mi a nihna leh Pathian a nihna a tilang a ni: “‘Thudik tak ka hrilh a che u,’ Lal Isuan a chhang a, ‘Abrahama awm hma pawh in ka awm tawh!’” a ti a. He a thusawi avang hian Judaho bawkin lung chharin, denhlum an tum leh a ni (Johana 8:59). Chatuan mi a nihzia lantir nan Pathian in- AWMA KA NI a tih kha a inchhal bawk (Exodus 3:14). Judaho khan Isua hi Pathian mihringa lo chang a ni tih hi an hnawl a, mahse a thil sawite erawh chu chiang takin an hrefiah thung si a ni.
Lal Isua hi Pathian mihringa lo chang a ni tih fiahna Bible a\anga awm leh chu Johana 1:1 hi a ni a, “Thu chu Pathian a ni,” tiin a inziak a, Johana 1:14 ah ti hian a inziak leh bawk a, “Thu chu tisaah a lo chang a.” Isua zirtir Thoma ngei pawn Isua hnenah, “Ka Lalpa leh Ka Pathian” (Johana 20:28), tiin a sawi bawk a ni, Lal Isua khan Thoma kha o sawi dik lo tiin a hrilh lo tih kan hmu bawk. Tirhkoh Paula pawn Isua chu, “kan Pathian ropui leh chhandamtu, Isua Krista” (Tita 2:13), tiin a sawi bawk a ni. Petera ngei pawn, “kan Pathian leh chhandamtu” (2 Petera 1:1), tiin a lo sawi ve bawk a ni.
Pa Pathian ngei pawn Isua nihna chungchang hi a lo sawi ve bawk a: “Fapa chungchangah chuan ti hian a sawi, ‘Aw Pathian, i lal\hutphah chu chatuanin a awm tur a ni; dikna lal tiang pawh chu i ram lal tiang chu a ni’” (Hebrai 1:8 cf.Sam 45:6). Thuthlung Hlui ah pawh Isaia 9:6 ah Isua Krista Pathianna hi hrilhlawk a ni: “Kan tan naupang a lo piang a, fapa pekin kan awm ta a: rorelna chu a kokiah a chuang ang a: a hmingah chuan, Maka, Remruattua, Pathian Chaka, Chatuan Pa, Remna Lal an ti dawn si a.”
Isua nihna chungchang hi engvangin nge a pawimawh em em? Isua hi Pathian a nih leh nih loh hi eng nge a \angkaina? A chhan \henkhatte:
• C.S.Lewisa'n a sawi ang in, Isua hi Pathian ni lo ngat se chuan, mi dawheh ber a ni ang a, kawng tinrengah mi rintlak loh ber a ni ang, a ti a ni.
• Isua hi Pathian ni lo se chuan Tirhkohte kha dawt sawitu an ni ang.
• Isua hi Pathian a nih ngei a ngai a, a chhan chu Messia kha a lo sawi lawk ang in “Thianghlim” (Sam 16:5, NASB) a ni tur a ni. Khawvela mihring tumah hi Pathian mithmuha thianghlim an awm loh avangin (Sam 53:1; 143:2), Pathian ngei chu mihring angin khawvelah a lo kal a ngai a ni.
• Isua hi Pathian a nih loh chuan, a thihna kha khawvel sual tlenfai nan a tawk zo lo ang (1 Johana 2:2). Pathian chauhin chutiang chu a tih theih avangin (Rom 5:8; 2 Korinth 5:21).
• Pathian chauh hi Chhandamtu awm chhun a ni (Hosea 13:4; 1 Timothea 2:3). Isua hi chhandamtu a nih dawn chuan Pathian a nih a ngai a ni.
Isua hi mihring leh Pathian a nih a ngai a. Pathian a nih angin, a Pa Pathian thinurna la kiang theitu a ni. Mihring a nih angin, thi thei a nih a ngai bawk. Mihring-Pathian a nih angin, lei leh vana palai \ha ber a ni (1 Timothea 2:5). Chhandamna hi Isua Krista rinna avang chauh in a awm a. Aman a sawi angin, “Kei hi kawng leh thutak leh nunna chu ka ni. Keimaha kal lo chu tumah Pa hnen an thleng lo ang” (Johan 14:6).
English
Isua Krista chu tunge a nih?