Zawhna
Chatuan Nunna i nei em?
Chhanna
Bible hian chiang takin chatuan nun kan neih theihna tur hi min khawhhmuh a. A hmasa berah chuan Pathian lakah hian sual kan ni tih hi kan pawm a ngai a: “Mi zawng zawngin thil an tisual tawh vek a, Pathian ropuina an chang zo ta lo” (Rom 3:23). Pathian duh loh zawng hi tupawh mai hian kan ti vek a, chu mi avang chuan hrem hi kan phu a ni. Pathian chatuan mi laka sual kan nih avang hian chu kan sualna laka hremna pawh chu chatuan daih a ni dawn a. “Sual man chu thihna a ni a, mahse Pathian thil thlawn pek erawh chu Kan Lalpa Isua Krista zarah chuan chatuan nunna a ni” (Rom 6:23).
Chuvang chuan sualna nei lo Lal Isua Krista (1 Petera 2:22), Pathian chatuan fa chu mihringah lo chang in (Johana 1:1,14), kan sual man pe tur in a rawn thi a ni. “Nimahsela, Pathian chuan a mi hmangaihna chu fak tlakin a lantir a, mi sualte kan la nih laia Krista kan aia a thih avang khan” (Rom 5:8). Kross ah Lal Isua Krista chu a thi a (Johana 19:31-42), kan sual avanga hremna zawng zawng chu a phur a (2 Korinth 5:21). Ni thum hnuah thihna ata a tho leh a (1 Korinth 15:1-4), thihna leh sualna zawng zawng a hneh ta tih fiahna tur in. “Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a” (1 Petera 1:3).
Rinna avangin Lal Isua Krista chungchanga kan rilru put hmang hi kan thlak a ngai a-chhandamnaah hian tu nge a nih a, eng nge a tih a, engvangin nge a tih (Tirhkohte 3:19). Ama chungah kan rinna kan nghah a, kan sualnate ngaihdam anihna atana Kross-a a thihna kan rin chuan ngaihdam kan ni ang a, chatuan nunna Lalpan pek min tiam chu kan lo nei thei dawn a ni. “Pathian in khawvel a hmangaih em em a, chutichuan a fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan” (Johana 3:16). “I kain Isua chu Lalpa a ni tih i \ana, mitthi zing ata Pathianin a kai tho tih i thinlunga i rin chuan chhandamin i awm ang tih hi” (Rom 10:9). Isua Kristan kross-a a thawh zawh saa rinna nghah chauh hi chatuan nunna kan neihna tur atana kawng dik awm chhun chu a ni! “Khawngaihna avanga rinna a chhandam in ni, nangmahni thawh chhuah a ni lo va, Pathian thilpek a ni-thiltihte avang a ni lo ve, chutilochuan miin an chhuang dah ang e” (Ephesi 2:8,9).
Lal Isua Krista hi Lal leh chhandamtu a i pawm duh anih chuan ti hian lo \awng\ai rawh. Amaherawhchu, hei hi hriat tur a ni, \awng\aina chham ringawt hian a chhandam thei lo che a. Lal Isua Krista rinna chauh hi sual laka min chhandam theitu chu a ni. He \awng\aina kan lo tarlan hi chu Pathian i ring ta a ni tih entirna bakah, chhandamna tur in engkim a buatsaih sak che avanga lawmthu sawina mai chauh a ni. "Lalpa, i chungah thil ka tisual a ni tih ka hria a, ka sual avanga hrem phu ka ni tih ka in hre bawk a. Mahse Lal Isua Kristan chu ka sual man chu min pek sak a, chutichuan amah ka rin avangin ngaihdam ka lo ni ta a. Chhandamna ka chan theih nan ka rinna i chungah ka nghat ta a. Khawngaihna ropui tak leh i ngaihdamna avangin lawmthu ka hrilh a che-Chatuan nunna min pek nen! Amen!”
Heng thu i chhiar a\ang hian Krista tan thuthlukna i siam tawh em? I siam a nih chuan “Vawiinah hian Lal Isua Krista hi Lal leh chhandamtu a tan ka pawm ta” tih hi hmet rawh.
English
Chatuan Nunna i nei em?