Penjo
In gi weruok? Ere kaka anyalo yudo weruok ka owuok kuom Nyasaye?
Duoko
Tich Joote 13:38 yango ni, “Kuom mano, owetena, unyalo neno uduto ni kuom Yesu ema ilandonue wach mar weyo richo."
Weyo richo en ang'o to ang'o ma omiyo adware?
"Weyo" tiende ni yweyo gimoro maler, ng'uono ne ng'ato, rucho oko gowi. Ka wakoso ne ng'ato, wamanyo weruok margi mondo osiep no odhi mbele. Okwene ng'ato nikech ng'ano owinjore mondo owene. Ongee ng'ama owinjre mondo owene. Weruok en tim mar hera, neno ne ng'ato malit, kod ng'uono. Weruok en yiero mondo kik imak gimoro ne ng'at moro, ka ok idewo gima gisetimo ni.
Muma nyisowa ni waduto wadwaro weruok kowuok kuom Nyasaye. Waduto waseketho. Eklesiastes 7:20 wacho ni, "Onge ng’ato kata achiel e piny ngima manyalo timo mana gik mabeyo lilo, ma ok oketho gimoro." 1 Johana 1:8 wacho ni, “Ka wawacho ni waonge richo, to wawuondore kendwa, kendo adiera onge e chunywa." Richo duto chutho en ranyisi mar balo kowuok kuom Nyasaye (Zaburi 51:4). E wii mano, wadwaro ahinya weruok kowuok kuom Nyasaye. Ka ok owenwa richowa, wabiro dak kinde duto te kawathagre nikech kethowa(Mathayo 25:46; Johana 3:36).
Weruok – Ere kaka anyalo yude?
Gima ber en ni Nyasaye en jahera kendo ong'uon - oikre mar weyonwa richowa! 2 Petro 3:9 wachonwa ni, "...ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi." Nyasaye dwaro wenwa richowa, koro ne ochiwo weruok marwa.
Chudo mamakare ma kende mar richowa en tho. Nus mokwongo mar jo-Rumi 6:23 yango ni, "Misach richo en tho..." Tho manyaka chien e gima waseyudo kowuok e richo wa. Nyasaye, e chenro maler makare chuth, ne obedo dhano - Yesu Kristo (Johana 1:1,14). Yesu ne otho e msalaba, ka okao chudo marwa - tho. 2 Jo-Korintho 5:21 puonjowa ni, "Kristo ne onge gi richo kata matin, to Nyasaye notime richo nikech wan, mondo kuom en wabed joma kare kaka Nyasaye." Yesu ne otho e msalaba, ka okao kum marwa! Kaka Nyasaye, tho ne okelo weruok mar richo mag piny ngima. 1 Johana 2:2 wacho, "En e misango magolo richowa, to ok richowa kende ema ogolo, to ogolo koda ka richo mar piny duto bende.” Yesu ne ochier kuom joma otho, ka olando loch mare e wi tho (1 jo-Korintho 15:1-28). Opak Nyasaye, ka okalo e tho kod chier mar Yesu Kristo, nus mar ariyo mar Jo-Rumi 6:23 e adiera, "to mich Nyasaye en ngima mochwere kuom Yesu Kristo Ruodhwa."
Be idwaro mondo oweni richo ni? Be in gi winjo moro mathagi mar bedo gi ketho ma dak wiyi wil go? Weruok mar richowa yudore ka ibiro keto yieni kuom Yesu Kristo kaka Jawar mari. Jo-efeso 1:7 wacho, "Nyasaye oseweyonwa richowa, kendo osewarowa nikech tho mar Kristo. Mano kaka mich ma Nyasaye oseolo kuomwa kuom ng’wonone ogundho." Yesu ne ochulonwa gopwa, mondo ong'uonwa. Gima inyalo timo kende en mana kwayo Nyasaye mondo oweni ka okalo kuom Yesu, ka iyie ni Yesu ne otho mondo ochul weruokwa - to obiro weni richoni! Johana 3:16-17 nigiote maber ni, "Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’. Nyasaye ne ok ooro Wuowi ni obi e piny mondo ong’ad ni piny bura, to noore ni mondo piny onwang’ warruok kuome."
Weruok – be oyot kamano adiera?
Kamano, oyot kamano! Dak iyud weruok ka owuok kuom Nyasaye. Dak ichul weruok mari ka owuok kuom Nyasaye. Inyalo mana yude, kuom yie, kokalo kuom hera gi ng'wono mar Nyasaye. Ka idwaro yie ne Yesu Kristo kaka Jawar mari kendo iyud weruok kowuok kuom Nyasaye, mae e lamo ma inyalo lamo. Wacho lamo ni kende kata lamo moro amora okbi wari. En mana yie kuom Yesu Kristo manyalo kelo weruok mar richo. Lamo en mana yo kende mar lero ne Nyasaye yie mari kuome kendo duokone erokamano kuomchiwo weruok mari. "Nyasaye, Ang'eyo ni aseketho e nyimi kendo owinjore mondo ayud kum mari. To Yesu Kristo ne okao kum ma awinjrago mondo ka okalo kuom yei kuome inyalo wena. Aketo yie mara kuomi mar warruok. Erokamano kuom ng'uono mari makende! Amen!"
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
In gi weruok? Ere kaka anyalo yudo weruok ka owuok kuom Nyasaye?