settings icon
share icon
Penjo

Yesu Kristo en Ng'a?

Duoko


Ka opogore gi penjo mar "Bee Nyasaye nitie?" ji matin ahinya penjo ga ka Yesu Kristo nenitie. Thoth ji oyie ni Yesu ne en dhano mar adiera mane owuotho e piny ei Israel higni 2000 mane okalo. Twak ni chakre ka ilero puonj mar fwenyruok mar adier mar Yesu. Chiegni ni dinde duto te madongo puonjo ga ni Yesu ne en jaote kata japuonj maber kata ng'ama ohero Nyasaye. Mak mana ni Muma nyiso wa ni Yesu ne ohingo jaote, japuonj maber, kata ng'ama ohero Nyasaye.

C.S. Lewis e buge mar Mere Christianity ondiko kamae: "Atemo kae geng'o ng'ato ang'ata kuom wacho gima ofuwo ahinya ma ji ohero wacho kuome [Yesu Kristo]: Aseikra mar yie Yesu kaka japuonj maduong' mar timber mabeyo, mak mana ni ok ayie gi kaka owacho ni en Nyasaye.' Mano e gimoro achiel ma ok onego wawach. Dhano mane en dhano adhana kendo ne owacho gik mane Yesu owacho dak bed japuonj maduong' mar timbe mabeyo. Dibed ni en janeko - maromre gi ng'ama wacho ni en tong' ma obok - ka ok kamano to onyalo bedo Satan mar mach. Nyaka itim yiero. Ng'atni nyalo bedo ni ne en, kata en, Wuod Nyasaye, kata janeko kata gima rach. Inyalo nyise mondo oling' nikech neko, podi inyalo ng'udho ne olaw ba inege kaka jachien; kata podi inyalo podho e tiende ba iluong ni Ruoth kata Nyasaye. Mak mana ni kik wasiek gi mila moko e wi bedo mare japuonj maduong' madhano. Ok oweyonwa yiero no ka oyanjre. Ne ok ochano timo kamano."

Koro, Yesu ne owacho ni en ng'ano? Muma wacho ni en ng'ano? Mokwongo, we warang weche Yesu e Johana 10:30, "Wan gi Wuora wan gimoro achiel.” Ka inene mokwongo, mae dak nen ni owacho ni en Nyasaye. Kata kamano, rang kaka jo-Yahudi ne oduoke, “Ok wadwar goyi nikech gimoro maber misetimo, to wagoyi mana nikech ipiem gi Nyasaye, nimar in mana dhano, to eka iwacho ni in Nyasaye!” (Johana 10:33). Jo-Yahudi ne owinjo wach Yesu kagima ne owacho ni en Nyasaye. E wes gi, Yesu ne ok okwero jo-Yahudi ka owacho ni, "Ne ok awacho ni an Nyasaye." Mae nyiso ni Yesu ne wacho adiera ni ne en Nyasaye kuom yango ni, "Wan gi Wuora wan gimoro achiel.” (Johana 10:30). Johana 8:58 en ranyisi moro: "'To Yesu nodwokogi ni, “Adier, adier, awachonu ni, kane pok onywol Ibrahim to ne antie.”' Kendo, e dwoko, jo-Yahudi ne okao kite kagitemo goyo go Yesu (Johana 8:59). Yesu ka lando fulruok mare kaka "An" en tiyo achiel gi achiel gi nying Nyasaye e Muma Machon (Wuok 3:14). Ang'o ma omiyo jo-Yahudi kendo ne dwaro goyo Yesu gi kite kane ok owacho gime ne ging'eyo ni en piem gi Nyasaye, kuom wacho ni en Nyasaye?

Johana 1:1 wacho ni "Wach ne en Nyasaye". Johana 1 :14 wacho ni "Wach nodoko dhano." Mae nyiso ratiro ni Yesu en Nyasaye e ringruok. Thoma uonjre Yesu ne oyango ne Yesu niya, "Ruodha, kendo Nyasacha!” (Johana 20:28). Yesu ok kwere. Jaote Paul lero Yesu kaka, "...Nyasachwa maduong’ kendo Jawar, Yesu Kristo" (Tito 2:13). Jaote Petro wacho kamano bee, "...Nyasachwa kendo Jawarwa Yesu Kristo" (2 Petro 1:1). Nyasaye Wuoro bende en jaaneno mar fulruok mar Yesu, "To owacho e wi Wuoyi, 'Loch mari, A Nyasaye, biro bet ndalo duto, kendo ler ema biro bedo rata mar piny ruodhi." Ote mag Muma Machon e wi Kristo lando chal mare, "Adier, ibiro nyuolnwa nyathi, ibiro miyowa wuowi, kendo loch nobed e lwete. Noluong nyinge ni Jabura Mahono, Nyasaye Maratego,, Wuoro ma nyaka chieng’, kendo Ruodh Kue" (Isaya 9:6).

Koro, kaka C.S. Lewis ne owacho, yie kuom Yesu kaka japuonj maber kende ok en yiero. Yesu ne owacho ayanga ma ok okwedo ni en Nyasaye. Ka ok en Nyasaye, to en jamriambo, kendo koro ok en janabii, japuonj maber, kata ng'at Nyasaye. E temo lero wenye Yesu, "josomo" ma nyasani wacho ni "Yesu ma chon mar adiera" ne okowacho gik mang'eny ma Muma wacho ni ne owacho. Wang ng'ano eka wapingre gi Wach Nyasaye kaluwore gi gima Yesu ne owacho kata ne ok owacho? Ere kaka "jasomo" higni gana ariyo kowuok kuom Yesu nigi ler e gima Yesu ne owacho kata ne okowacho moloyo jogo manene odak gi, otiyo gi, kendo ne opuonj gi Yesu en owuon (Johana 14:26)?

Ere gima omiyo penjo e wii fulruok mar Yesu duong' ahinya? Ang'o ma ochuno kata ka Yesu ne en kata ne oken Nyasaye? Gima duong' ahinya ma omiyo Yesu nyaka bed Nyasaye en ni ka ok en Nyasaye, tho mare ne dak oromo chulo nengo mar richo mar piny mangima (1 Johana 2:2). Nyasaye kende ema ne nyalo chulo nengo maduong' no (jo-Rumi 5:8; 2 Jo-Korintho 5:21). Yesu ne nyaka bed Nyasaye eka onyal chulo gopwa. Yesu ne nyaka bed dhano eka otho. Warruok yudre mana kokalo e yie kuom Yesu Kristo kende. Chal mar Yesu e gima omiyo en kende e yor warruok. Chal mar Yesu e gima omiyo ne oyango ni, "An e yo, kendo an e adiera gi ngima. Onge ng’ama dhi ka Wuora mak okadho kuoma." (Johana 14:6).

English



Vutuka na dititi ya luyantiku yina Luo

Yesu Kristo en Ng'a?
© Copyright Got Questions Ministries