In gi ngima manyaka chieng'?


Penjo: In gi ngima manyaka chieng'?

Duoko:
Muma yango yo makare mar ngima manyaka chieng'. Mokwongo, nyaka wayie ni waseketho e nyim Nyasaye: "Ji duto oseketho, kendo girem kuom duong’ mar Nyasaye." (Jo-Rumi 3:23). Waduto wasetimo gik ma orem e mbele Nyasaye, maketowa ni ber kawayudo kum. Nikech kethowa duto ok long'o ne Nyasaye manyaka chieng', kum ma nyaka chieng' ema romo. "Misach richo en tho, to mich Nyasaye en ngima mochwere kuom Yesu Kristo Ruodhwa" (Jo-Rumi 6:23).

Kata kamano, Yesu Kristo, maongee richo (1 Petro 2:22), wuod Nyasaye manyaka chieng' ne obedo dhano (Johana 1:1,14) kendo ne otho mondo ochul nengowa. "Nyasaye nyisowa hera mare kuomwa ka okalo e gini: kapodi ne wan joketho, Yesu ne othonwa. (Jo-Rumi 5:8). Yesu Kristo ne otho e msalaba (Johana 19:31-42), ka okao kum marwa (2 Jo-Korintho 5:21). Bang' odiechienge adek, Yesu ne ochier kuom joma otho (1 Jo-Korintho 15:1-4), ka onyiso loch mare e wi richo gi tho. "Kuom ng’wonone maduong’ nonywolowa gi nywol manyien kuom chiero Yesu oa kuom joma otho. Mano miyo wabedo gi geno mangima" (1 Petro 1:3).

Kuom yie, nyaka walok pachwa kaluwore gi Kristo ni en ng', gima ne otimo kendo ang'o ma omiyo idonjo e warruok (Tich Joote 3:19). Ka waketo yiewa kuome, ka wayie gi tho mare e msalaba mondo ochul richowa, ibiro wenwa kethowa kendo wayud singruokmar ngima manyien e polo. "Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’." (Johana 3:16). "Ka iwacho gi dhogi e lela ni Yesu e Ruoth, kendo iyie e chunyi ni Nyasaye ne ochiere oa kuom joma otho, to noresi" (Jo-Rumi 10:9). Yie kande e tich ma osetieki mar Kristo e msalaba e yo kende madhi e ngima manyaka chieng' "Ne uyie kuome mi oresou mana kuom ng’wonone, to ok kuom gik mane utimo un uwegi. En mana mich mar Nyasaye - ne ok owaru nikech gimoro amora ma usetimo, omiyo kik ng’ato pakre" (Jo-Efeso 2:8-9).

Ka idwaro yie ne Yesu Kristo kaka Jawar mari, mae en ranyisi mar lemo. Par, wacho lamo ni kende kata lamo moro amora okbi wari. Yie kuom Yesu Kristo kende emanyalo goli e richo. Lamo en mana yo kende mar lero ne Nyasaye yie mari kuome kendo duokone erokamano kuomchiwo warruok mari. "Nyasaye, Ang'eyo ni aseketho e nyimi kendo owinjore mondo ayud kum mari. To Yesu Kristo ne okao kum ma awinjrago mondo ka okalo kuom yie kuome inyalo wena. Aketo yie mara kuomi mar warruok. Erokamano kuom ng'uono mari makende kod werruok - mich mar ngima mosiko nyaka chieng'! Amen!"

Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".

English
Vutuka na dititi ya luyantiku yina Luo
In gi ngima manyaka chieng'?