Bende Nyasaye nitie? Nitie ranyisi ni Nyasaye nitie?


Penjo: Bende Nyasaye nitie? Nitie ranyisi ni Nyasaye nitie?

Duoko:
Tie mar Nyasaye dak ler kata dak tamre lerruok. Muma wacho ni nyaka wayie kuom yie ni Nyasaye nitie: "To ng'at maonge gi yie ok nyal bet malong'o ni Nyasaye, nimar ng'ama dwaro biro ir Nyasaye nyaka yie ni Nyasaye nitie, kendo ni en gi mich momiyo joma dware". (Jo-Hibrania 11:6). Ka Nyasaye ne ohero, ne onyalo wuok awuoka kendo onyiso piny ngima ni en tie. To kane otimo mano, de koro ongee tiende bedo gi yie. "Eka Yesu ne owachone ni, 'In iyie nikech isenena; joma ok onena, to oyie, gin johawi'" (Johana 20:29).

Mano ok onyiso, kata kamano, ni ongee ranyisi ni Nyasaye nitie. Muma wacho ni "Mano kaka polo nyiso duonh' mar Nyasaye; onyiso ratiro gik ma Nyasaye osechueyo. Odiechieng' kodiechieng' hulo ni wadgi duong' nogono, kendo otieno ka otieno bende timo kamano. Ok gilosi kendo ongee dhok ma gikonyorego, kata mana dwol moro bende ok winji. Gima ginyiso winjore e pinje duto, wach gi tundo e tung' piny gi tung' piny" (Zaburi 19:1-4). Ka irango otide, iwinjo lach mar piny, irango gik matimore mamako dhok e kor piny, ka ineno kaka podho chieng' ondisore—gigi duto nyiso Nyasaye ma Jachwech. Ka magi ok oromo, nitie ranyisi mar Nyasaye e chunje wa. Eklesiastes 3:11 nyiso wa ni, "...Osemiyowa gombo mar ng'eyo gik mabiro timore." Ei chunywa iye en ng'eyo ni nitie gimoro moyombo ngima ni kendo ng'at moro moyombo piny ni. Wanyalo kwedo wach ni gi ng'eyo marwa, mak mana ni tie mar Nyasaye kuomwa kendo ka oluorowa te podi nenore ratiro. Ka owee mano, Muma nyiso wa ni ji moko podi biro kwedo tie mar Nyasaye: "Joma ofuwo wacho e chunygi niya, 'Nyasaye ongee'" (Zaburi 14:1). Nikech thoth ji e kinde machon te, e yore mag dak duto te, e lony te, kendo e pinje duto te oyie kuom betye kuom kido moro mar Nyasaye, nyaka bedye gimoro (kata ng'at moro) makelo yie ni.

Ka omedore kuom twak mag Muma ni Nyasaye nitie, nitie twak mag pach dhano. Mokwongo, nitie twak mag bedo kuom gimoro. Twak mar bedo kuom gimoro ma ong'ere ahinya tiyo gi paro mar Nyasaye e nyiso ni Nyasaye nitie. Ochako gi yango Nyasaye kaka "dhano ma ok nyal mak ich mar ng'ama duong' maloye." Koro itwak ni betye duong' moloyo koso betye, kendo koro ng'ama duong' moloyo nyaka bedye. Ka Nyasaye ne ok obetye, to Nyasaye dak obet ng'ama duong' mogik ma inyalo mak ich mare, to mano nyalo dhi ataro gi yangruok mar Nyasaye.

Twak mar ariyo en twak e wi chwech kod gima omiyo gimoro nitie. Twak mar chwek kod gima omiyo gimoro nitie lero ni nikech piny nyiso chech ma ondisore ahinya, nyaka bedye ni nitie Jachuech ma long'o. Kuom ranyisi, ka Piny ne chiegni kata bor gi chieng' gi ondambo matin madirom miche, ne dak oting' ngima ma ng'eny kaka oting'o sani ni. Ka gik moko man e kor lwasi marwa ne nigi pogruok gi atamalo matin, chiegni ni gimoro amora mangima e piny ne dotho. Nyalruok mar losruok mar nyiriri achiel mar chiemo magero del en 1 kuom 10243 (mano en 10 ka iluwo gi nono 243). Nyiriri achiel olos gi tara gi tara mar chiemo magero del.

Twak mar adek mar pach dhano e wii betye kuom Nyasaye iluongo ni twak mar chal mar piny ngima. Gimoro amora nyaka bed gi chakruok mare. Piny ni gi gik moko duto te man e iye en gimoro. Nyaka bedye gimoro mane oketo gik moko duto tee obetye kaka gin tie. E wi mano, nyaka bedye g "ma ok olosi" mondo eka gik moko duto te obedye kaka gin tie. Gino "ma ok olosi" en Nyasaye.

Twak mar ang'wen ong'ere kama twak mar timbe mabeyo. Yore duto mag dak e weche machon duto te osebetye gi chike moko. Kila ng'ato nigi paro mar rach kata ber. Nek, miriambo, kwelo, kod timbe ma omono e gigo ma otamruok ahinya e piny mangima. Paro mar ber kod rach ni ne owuok kanye kane ok owuok kuom Nyasaye maler?

Ka owee magi duto, Muma nyisowa ni ji biro kwedo ng'eyo maler kendo ma ok kwedre mar Nyasaye to giyie kuom miriambo. Jo-Rumi 1:25 wacho ni, "Ne giloko adiera mar Nyasaye odoko miriambo, kendo kar lamo Jachuech ma owinjore oyud pak nyaka chieng' to ne gilamo mana gik mochue, kendo gimiyo duong'. Amen.” Muma bee wacho ni ji ongee gima omiyo ok giyie kuom Nyasaye: "Chakre chwech piny, dhano osebedo kong’eyo ni Nyasaye nigi teko mochwere, kendo ni en Nyasaye adier. Kata obedo ni gik manyiso ni en Nyasaye ok nyal nenore, to ing’eyogi kuom gik ma osechueyo. Kamano dhano ok nyal wuondore ni kiagi" (Jo-Rumi 1:20).

Ji wacho ni gitamre betye mar Nyasaye nikech "ok en e lony mar sayans" kata "nikech ongee ranyisi moro amora." Mae timore nikech ka giyie ni Nyasaye nitie, nyaka gibende ging'e ni gin mag Nyasaye to gidwaro ni Nyasaye ong'uon negi (Jo-Rumi 3:23, 6:23). Ka Nyasaye nitie, to kara nyaka walerne timbe wa. Ka Nyasaye ongee, to kara wanyalo timo atima gik ma wadwaro ka ok wadeo ni Nyasaye biro yalo wa. Mae e gima omiyo thoth ji makwedo betye mar Nyasaye ohero ahinya thor wach mar ni gik moko betye kendgi maongee ng'ama oketogi—mae miyo gi paro machielo mar yie kuom Jachuech Nyasaye. Nyasaye nitie kendo gikone ji duto te ng'eyo ni Nyasaye nitie. Bet ni nitie temo moko matemo matek yango ni Nyasaye ongee en twak maber ahinya e yango ni Nyasaye nitie.

Ere kaka wang'eyo ni Nyasaye nitie? Kaka jo Kristo, wang'eyo ni Nyasaye nitie nikech wawuoyo kode pile ka pile. Ok wawinje ga ka owuoyo kodwa gi dhoge, mak mana ni wawinjo ka en tie, wawinjo ka otayowa, wang'eyo hera mare, wagombo ng'uono mare. Gik moko osetimre e ngima wa ma ongee kaka wanyalo lero ka opogre gi Nyasaye. Nyasaye osetimo hono e warowa kod loko ngima wa ma dak wakony ka opogore gi yie kod pako tie mare. Ongee twak moro amora e twak ma oler gi manyalo sero ng'ama otamre yie gima nenre ratiro. E giko, tie mar Nyasaye nyaka rwak gi yie (Jo-Hibrania 11:6). Yie kuom Nyasaye ok en donjo e mudho ka ok inee; en okang' maber mar donjo e ot man gi ler maber kendo thoth ji ochung' ye.

English
Vutuka na dititi ya luyantiku yina Luo
Bende Nyasaye nitie? Nitie ranyisi ni Nyasaye nitie?