Penjo
Lemb jaricho en ang’o?
Duoko
Lemb jaricho en lamo ma ng’ato lamo ni Nyasaye ka giseng’eyo ni gin joricho ma dwaro Jawar. Fulo lemb jaricho ok nyal timo gimoro kende. Lemb jaricho nitie mana gi nyalo ka ochung’ni gima ng’ato ong’eyo, winjo kendo oyie e wi richogi gi dwarogi mar warruok gi adiera.
Kidieny mokwongo mar lemb jaricho bedo gi ng’eyo ni waduto wan joricho. Jo-Rumi 3:10 lando ni,”Mana kaka Muma wacho niya, Onge ng’ama kare. Ooyo, onge kata ng’at achiel.” Muma kete ma ler ni wan joricho waduto. Waduto wan joricho ma dwaro ng’wono gi weyo richo moa kuom Nyasaye (Tito 3:5-7). Ka luwore gi richowa, onego omiwa kum ma nyaka chieng’ (Mathayo 25:46). Lemb jaricho en kwayo ng’wono kar bura. En kwayo mondo onyiswa ng’wono kar mirima.
Kidieny mar ariyo mar lemb jaricho en ng’eyo gima Nyasaye osetimo mondo othiedh kendo olok ngimawa molal kendo mar richo. Nyasaye ne okawo del ma obedo dhano e Kit Yesu Kristo (Johana 1:1,14). Yesu ne opuonjowa adiera e wi Nyasaye kendo nodak ngima ma kare kendo ma onge richo (Johana 8:46; 2 Jo-Korintho 5:21). Kaeto Yesu notho karwa e musalaba, ka ne okawo kum ma ne Marwa (Jo-Rumi 5:8). Yesu ne ochier oa kuom joma otho mondo onyis adier mar lochne e wi richo, tho gi nam mach (Jo-Kolosai 2:15; 1 Jo-Korintho sula 15). Nikech gigi duto, richowa bende inyalo wenwa kendo osingnwa dala ma nyaka chieng’ e Polo – ka waketo mana genowa kuom Yesu Kristo. Gima onego watim kende en bedo gi yie ni ne otho karwa kendo ochier oa kuom joma otho (Jo-Rumi 10:9-10). Inyalo warwa kuom ng’wono kende, ka luwore gi yie kende, kuom Yesu Kristo kende. Jo-Efeso 2:8 fulonwa ni,”Ne uyie kuome, mi oresou. Adier, ne oresou mana kuom ng’wonone, to ok kuom gima ne utimo un uwegi. En mana mich mar Nyasaye.”
Fulo lemb jaricho en yo ma yot mar fulo ni Nyasaye ni iyiengori kuom Yesu Kristo kaka Jawarni. Onge weche mag “bilo” ma kelo warruok. En mana yie kuom tho mar Yesu gi chierne ema nyalo warowa. Ka ing’eyo ni in jaricho ma dwaro warruok kokalo kuom Yesu Kristo, ma e en lemb jaricho ma inyalo lamo ni Nyasaye:”Nyasaye, ang’eyo ni an jaricho. Ang’eyo ni aromo gi msach richona. Kata kamano, ageno kuom Yesu Kristo kaka Jawarna. Ayie ni thone gi chierne ne omiyo owena richona. Ageno kuom Yesu kendo mana Yesu kende kaka Ruodha kendo Jawarna. Erokamano Ruoth kuom wara gi ng’wonona! Amina!
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Lemb jaricho en ang’o?