Ere tiende kao Yesu kaka Jawar mari?


Penjo: Ere tiende kao Yesu kaka Jawar mari?

Duoko:
Bende iseyiene Yesu Kristo kaka Jawar mari? Mi mondo iwinj penjo ni maber, mokwongo nyaka iwinj tiend weche gi "Yesu Kristo", "mara", kod "Jawar."

Yesu Kristo en Ng'a? Ji mang'eny biro yie gi Yesu Kristo kaka ng'ama ber, japuonj maduong', kata jabanii mar Nyasaye. Gigi gin adiera kuom Yesu, mak mana ni okgiler ahinya ni en ng'ano. Muma nyisowa ni Yesu en Nyasaye e ringruok, Nyasaye e kido mar dhano (Rang Johana 1:1, 15). Nyasaye ne obiro e piny mondo opuonjwa, ochangwa, oketwa e yoo, ong'uonwa-kendo othonwa! Yesu Kristo en Nyasaye, Jachwech, Ruoth makende. Be iseyie Yesu ni?

Jawar en ang'o, to ang'o maomiyo wadwaro Jawar? Muma nyisowa ni waduto wasetimo richo; waduto wasetimo timbe maomono (Jo-Rumi 3:10-18). Nikech richowa, wawinjre kod mirimb Nyasaye kod bura mare. Kum mar richo ma otim ne Nyasaye maduong' kendo manyaka chieng' e n kum maduong' mokrum (Jo-Rumi 6:23; Fweny 20:11-15). Mano e gima omiyo wadwaro Jawar!

Yesu Kristo ne obiro e piny kendo ne othonwa. Tho mar Yesu ne en chudo manyaka chieng' ne richowa (2 Jo-Korintho 5:21). Yesu ne otho mondo ochul nengo mar richowa (Jo-Rumi 5:8). Yesu ne ochulo nengo mondo kik wachul. Chier mar Yesu kowuok e tho ne onyiso ni tho mare ne oromo chulo nengo mar richowa. Mano ema omiyo Yesu e Jawar makende (Johana 14:6; Tich Joote 4:12)! Bende igeno kuom Yesu kaka Jawar mari?

Bende Yesu en Jawar "mari iwuon"? Thoth ji neno Kristo kaka dhi e kanisa, timo misango, kod/kata koso timo richo moko. Mae ok en Kristo. Kristo makare en osiep mar ng'ato owuon gi Yesu Kristo. Yie ne Yesu kaka Jawar mari nyiso keto yie mari in iwuon kod geno kuome. Ongee ng'ama iwaro gi yie mar jok moko. Ongee ng'ama ing'uonone kuom timo timbe moko. Yo kende mar warruok en ka in iwuon iyie ni Yesu kaka Jawar mari, iyie kuom tho mare kaka chudo mar richo ni kod chier mare kaka singo mari mar ngima manyaka chieng'. (Johana 3:16). Bende Yesu en Jawar mari in iwuon?

Ka idwaro yie ne Yesu Kristo kaka Jawar mari, wach ne Nyasaye wechegi. Par, wacho lamo ni kende kata lamo moro amora okbi wari. Mana yie kuom Yesu Kristo kod tich mane otieko e msalaba mondo eka owari kowuok kuom richo ni. Lamo en mana yo kende mar lero ne Nyasaye yie mari kuome kendo duokone erokamano kuom chiwo warruok mari. "Nyasaye, Ang'eyo ni aseketho e nyimi kendo owinjore mondo ayud kum mari. To ayie ni Yesu Kristo ne okao kum ma awinjrago mondo ka okalo kuom yie kuome inyalo wena. Ayudo chiwo mari mar werruok kendo aketo yie mara kuomi ne warruok. Ayie Yesu kaka Jawar mara! Erokamano kuom ng'uono mari makende kod weruok - mich mar ngima mosiko nyaka chieng'! Amen!"

Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".

English
Vutuka na dititi ya luyantiku yina Luo
Ere tiende kao Yesu kaka Jawar mari?